20.04.2026

Qadimiy va betakror Buxoro shahri yana bir bor innovatsiya va zamonaviy texnologiyalar markaziga aylandi. Buxoro davlat universiteti Universal sport majmuasida o‘tkazilgan nufuzli National AI Hackathon yuqori saviyada, kuchli raqobat va katta qiziqish muhitida muvaffaqiyatli tashkil etildi.

Mazkur hackathon sun’iy intellekt, dasturlash va innovatsion g‘oyalarni rivojlantirishga qaratilgan bo‘lib, unda turli hududlardan kelgan iqtidorli yoshlar va jamoalar o‘z bilim va ko‘nikmalarini namoyish etdilar. Ishtirokchilar qisqa vaqt ichida real muammolarga yechim bo‘ladigan loyihalar ustida ishlashib, zamonaviy IT yo‘nalishidagi salohiyatlarini namoyon qilishdi.

Ushbu tanlov faoliyati bilan yaqindan tanishish maqsadida Buxoro davlat universitetining Raqamli ta’lim texnologiyalari departamenti xodimlari tadbir o‘tkazilgan majmuaga tashrif buyurishdi. Tashrif davomida ular ishtirokchilarning ishlanmalari, loyiha taqdimotlari hamda hakamlar hay’ati tomonidan olib borilayotgan baholash jarayonlari bilan tanishdilar.

Tadbir davomida yaratilgan innovatsion loyihalar va ilg‘or g‘oyalar universitetda sun’iy intellekt va raqamli texnologiyalarni rivojlantirish bo‘yicha kelgusidagi ishlar uchun muhim tajriba bo‘lib xizmat qilishi ta’kidlandi.