19-aprel kuni, BuxDU katta faollar zalida Buxoro viloyati Ichki ishlar boshqarmasi va Buxoro davlat universiteti o’rtasidagi hamkorlik doirasida universitet pedagoglari, xodimlari hamda Buxoro viloyati Ichki ishlar boshqarmasi xodimlari ishtirokida seminar tashkil etildi.
Ushbu seminarni BuxDU Yoshlar masalalari va ma’naviy-ma’rifiy ishlar bo‘yicha birinchi prorektori Dilshod Yavmutov kirish so'zi bilan ochib berdi. Buxoro viloyati Ichki ishlar boshqarmasi Kiberxavfsizlik boshqarmasi boshlig'i podpolkovnik Umidjon Xasanov so'zga chiqib bugungi kunda avj olayotgan kiberhujumlar va xakerlar xurujidan zarar ko’rishlarni oldini olish borasida muhim tavsiyalar berib o'tdi. Buxoro viloyati Ichki ishlar boshqarmasi Jamoat tartibini saqlash boshqarmasi boshlig'i Abdulla Norov tomonidan universitet talabalari orasidagi tartibbuzarlikning oldini olish to'g'risida nutq so'zlandi. Shuningdek, Terrorizmga qarshi kurash boshqarmasi yetakchi mutaxassisi Suxrobjon Qosimov tinchlikni saqlash uchun barchani ogohlikka daʼvat etdi.
So'zga chiqqanlar misollar yordamida yig'ilganlarni hushyorlikka chorladilar. Shu bilan birga, savollarga tegishli javoblar berishdi.
