Ganjiyev Feruz Furqatovich 1992 yilda Buxoro viloyat Olot tumanida tug‘ilgan. Psixologiya ta’lim yo‘nalishini 2010-2014 yillarda, Psixologiya mutaxassisligini 2014-2016 yilllarda o‘qib tugatgan. Hozirgi kunda kafedra o`qituvchisi (PhD) sifatida ish olib bormoqda.
2014-2015 yillarda F.F Ganjiyev Buxoro shahar 5-sonli umumta`lim maktabida psixolog sifatida faoliyat yuritgan.
2016-2017 yillarda Buxoro shahar 29-sonli umumta`lim maktabida psixolog sifatida faoliyat yuritgan.
2017-2018 yillarda Buxoro davlat unversiteti psixolog sifatida faoliyat yuritgan.
2014-2021 yillar davomida F.F Ganjiyevning bir qancha ilmiy maqolalari Respublika va xorij miqyosidagi jurnallarda chop etilgan.
Buxoro viloyati miqyosida o‘tkazilayotgan turli ma’naviy-ma’rifiy tadbirlarni tashkil etish va uni o‘tkazishda faol ishtirok etib, Respublika Ma’naviyat va ma’rifat markazi hamda uning viloyat bo‘limi tomonidan “Tashakkurnoma” bilan taqdirlangan.
Ayni paytda psixologiya fanlari doktori, professor Sh.R.Barotov rahbarligida “Maktabgacha ta`lim tashkiloti tarbiyachilarida ijtimoiy-psixologik kompetentlik omillarining namoyon etilishi va rivojlanishi” mavzusida ilmiy tadqiqot ishlarini olib bormoqda.
Uning ilmiy izlanishlari natijasida 1 ta monografiya, 1 ta mualliflik guvohnomasi, 10 dan ortiq xalqaro miqyosidagi jurnallarda, 30 dan ortiq maqola va tezislari Respublika miqyosidagi jurnallar va konferensiya to’plamlarida chop etilgan.
F.F. Ganjiyev ilmiy loyihalar dasturlari doirasida bajarilgan:
ИТД-1. ЁА-1-9 raqamli “Aholining turli guruhlariga psixologik xizmat ko‘rsatish amaliyoti” (2016-2017) amaliy loyiha va OT-F1 raqamli “Yoshlarda milliy g‘oya va mafkuraviy immunitetni shakllantirishning psixologik mexanizmlari” (2017-2021 yil) fundamental loyiha mavzusidagi grant loyihalarida izlanishlar olib borgan.