2015-yil 4-dekadr kuni Pedagogika fakulteti Boshlang’ich ta’lim asoslari kafedrasi o’qituvchisi M.Ro’ziyeva tashkilotchiligida Boshlang’ich ta’lim va sport tarbiyaviy ishi yo’nalishidagi barcha IV bosqich talabalari bilan fakultetda mutaxassislik doirasida o’quvchilar bilimini yanada oshirish, ularni shu bugunga qadar egallagan bilimlarini sinovdan o’tkazish ayniqsa yosh avlod tarbiyachilari hisoblangan bo’lajak boshlang’ich ta’lim o’qituvchilari qalbida milliy qadriyatva an’analarimizga bo’lgan mehr muhabbat va hurmat tuyg’ularini yanada oshirish maqsadida 2015-yil 4-dekabr sanasida Buxoro davlat universiteti qoshidagi 4-son akademik litsey faollar zalida “MILLIY QADRIYATLARIMIZ –QADRDA ” deb nomlangan ma’naviy -ma’rifiy kecha (folklor shousi)o’tkazildi.{videobox}qTyZvuG7j8w#offset||width=600,height=450,t_width=215{/videobox} Folklor shousining asosiy tashkilotchisi M. Ro’ziyeva kirish so’zini aytar ekan milliy qadriyatlarimizni har bir inson e’zozlashi ham farz ham qarz ekanligini aytdi. Bugungi folklor shousida asosiy e’tibor bolalar o’yinlariga, ularning yosh qalb egalari uchun qay darajada muhim, qay darajada foydali va qanday ahamiyat kasb etayotganligiga e’tibor berilganligini ta’kidladilar. Qolaversa yo’qolib ketayotgan bolalar o’yinlarini va ba’zibir qadriyatlarimizni qayta tiklash yo’lidagi bir qadam bosilganligini izohladilar. Bunday tadbir va kechalar barcha insonlar yuragiga iliq taassurot bilan kirib borishi hech kimga notanish emasligiga ishonch bildirdilar[widgetkit id=66] Kechada so’z olgan ustoz - Ma’naviy ma’rifiy ishlar bo’yicha fakultet dekanining muovini: T.Choriyevning nutqi tinglandi. “Milliy qadriyat, milliy g'oya, milliy iftixor va tuyg'u, milliy an'ana, millliy madaniyat, milliy urf-odat, milliy me'morchilik, milliy musiqa, milliy kiyim so'z birikmalari nutqimizni rang-barangligi va ta'sirchanligini taminlanayotganligi barchamizga ayon. Qadriyat so'zi xalq boyligi, qimmatbaho buyumlar, qiymat, ahamiyat kabi ma'nolarni ifoda yetadi. Voqelikdagi muayyan hodisalarning umum insoniy ishtimoiy-axloqiy, madaniy, ma'naviy ahamiyatini ko'rsatish uchun qo'llaniladigan tushuncha. Inson va insoniyat uchun ahamiyatli bo'lgan barcha narsalar, masalan, yerkinlik, tinchlik, adolat, ma'rifat, haqiqat, yaxshilik moddiy va ma'naviy boyliklar qadriyat hisoblanadi. Bugungi kunda turli zararli ta'sirlardan saqlanish, har qanday sharoitda ham xalqimizga azaldan xos bo'lgan milliy qiyofa, betakror fazilatlar yegasi bo'lib qolishimizda qadimiy an'ana va qadriyatlarimizni asrab-avaylab, ularga amal qilib yashash o'ta muhim ahamiyat kasb yetadi. Xalqimizning asrlardan asrlarga o'tib kelayotgan milliy qadriyatlari ham uzoq tarixiy jarayonda shakllangan. Jumladan, o'zi tug'ilib o'sgan ona yurtiga yehtirom, o'z taqdirini mana shu yurtsiz tasavvur qila olmaslik, o'tgan ajdodlar xotirasiga sadoqat, kattalarga doimiy hurmat ko'rsatish, har qanday sharoitda ham hayo va andishani saqlash, turmushda poklikka alohida ye'tibor berish singari ko'plab fazilatlar bizning milliy qadriyatlarimiz asosini tashkil yetadi. Yurtimizda bunyod yetilgan Samarqand, Qarshi, Buxoro, Xiva, Shahrisabz, Andijon, Marg'ilon, Termiz va Qo'qon singari o'nlab shaharlarning yoshi ming yillar bilan o'lchanishi ham bejiz yemas. Demoqchimizki, xalqimiz o'zi tug'ilib o'sgan yer-zaminga qattiq bog'langan, uni ye'zozlashni bolaligidan o'rganib, his qilib o'sadigan millat sanaladi. Demak, xalqimizning o'z yurtiga cheksiz sadoqati, yehtiromi bilan bog'liq milliy an'ana va qadriyatlari uning boy tarixi bilan izohlanadi. Xuddi shuningdek, xalqimizning kattalarga hurmat, kichiklarga izzat ko'rsatish, mehmondo'stlik, yordamga muhtojlarga shafqatli bo'lish, hayo, ibo va mehr-oqibat, ahli ayolini - oilasini asrash, maishiy turmushda poklikni yuksak qadrlash singari an'ana va qadriyatlari ham hayotning uzoq sinovlaridan o'tgan o'lmas ma'naviy merosimiz sanaladi. Mustaqillikning dastlabki kunlaridan ye'tiboran xalqimizning xotirasini tiklash, qadimgi urf-odat va qadriyatlarini ye'zozlash, muqaddas qadamjolarni asl holiga qaytarish yuzasidan chinakam tarixiy ahamiyatga molik ishlar amalga oshirila boshlandi. Ushbu keng ko'lamli jarayon birgina o'zbek millatining tili, dini va qadriyatlarini tiklash, rivojlantirish bilan cheklanib qolmay, balki mamlakatimizda istiqomat qiluvchi barcha millat va yelatlarning qadriyatlariga yuksak hurmat ko'rsatish bilan uzviy tarzda olib borilmoqda. Bu yesa O'zbekistonni o'zining muqaddas Vatani deb barcha fuqarolarimiz orasidagi o'zaro hurmat, birodarlik, bag'ri kenglik fazilatlarining namoyon bo'lishida, Yurtboshimizning «Shu aziz Vatan barchamizniki» degan yezgu g'oyasi hayotga izchil tatbiq qilinishi muhim ro'l o'ynamoqda.Boshlang'ich va maktabgacha ta'lim uslubiyoti kafedrasi o'qituvchisi Mohichehra Yoqubovna Ro'zieva rahbarligida 4-kurs BTU talabalar hamkorligida “Keksalarni e'zozlash yili” davlat dasturi talablarini ijro etish, Konstitutsiyamizning 23 yilligi, universitetimizning 85 yillik yubleyi munosabati bilan “Milliy qadriyatlar - qadrda” mavzusidagi ma'naviy-ma'rifiy tadbirnining badiiy kompazitsion qismiga navbatni berib, ishtirokchilar muvaffaqiyatlar tilaymiz. Muxlis va tinglovchilarga esa, a'lo kayfiyat, ma'naviy estetik zavq yor bo'lsin deymiz” Boshlang’ich ta’lim asoslari kafedrasida ko’plab yillar davomida o’z faoliyatini ko’rsatib kelayotgan, yangi avlod darsliklarining muallifi bo’lgan bu inson o’zining quvonch va hayajonga boy mulohazali fikrlari bilan barcha talaba va ustozlar yuragida milliy qadriyatlarimizga hurmat, tanlagan kasbidan minnatdorlik hissi va haqiqiy fahr tuyg’usini uyg’ota oldi. Avvalo barcha ustozlar va talabalar bu mashaqqatli va sharafli yo’lda hech qachon izlanishdan charchamasliklarini aytdi. Bu borada uzoq yillar tinimsiz mehnat qilib izlanishlar olib brogan respublikamizda alohida e’tiborga ega ustoz O.Safarovning faoliyatlari haqida gapirar ekanlar, bu inson chin ma’noda barchamiz uchun haqiqiy ibrat maktabi ekanligini aytdilar. Bolalarni qadrlagan, bolalar olami bilan yashay olgan, ularning har bir harakatidan mazmun topa olgan bu inson ruhlari bugun har qachongidada shod bo’lganligini va o’z shogirdlaridan mamnun bo’lganligini e’tirof etdilar. Folklor shousining borish tartibi va hakamlar hay’ati bilan tanishtirib o’tildi. 4-1BTU-12 guruh- “Asrlar sadosi” jamoasi nomi ostida4-2BTU-12 guruh - “Ko’zmunchoq” jamoasi nomi ostida4-3BTU-12 guruh - “O’zbegim qizlari” jamoasi nomi ostida4-BTU-12 guruh - “Qadriyat” jamoasi nomi ostida folklor shousida o’z chiqishlari bilan barchani olqishiga sabab bo’la oldi. I shart bo’yicha ilk chiqish qilgan 4-1BTU-12 guruh talabalari o’z dasturlarini taqdim etishda bolalar faoliyatidan foydalandilar va fakultet, o’z ta’lim olayotgan yo’nalishlari hamda ustozlari haqida iliq fikrlarni she’riy ifoda etdilar. 4-2BTU-12 guruh “Kim oladiyo shuginaniyo” o’yinining borish tartibi doirasida qiziqarli tanishtiruv sahnasi namoish qilindi. 4-3BTU-12 guruh talabalari “Oq terakmi ko’k terak”o’yini vositasida namunali chiqish qilishdi. 4-3BTU-12 guruh talabalari esa o’z fikr va g’oyalarini she’r va turli dialoglar vositasida namoish qilishdi. Shart yakunlandi v air birini takrorlamagan qiziqarli chiqishlar hakamlar hay’ati tomonidan munosib baholandi. II shart Bolalar o’yinlari nomi bilan atalgan bo’lib bunda talabalarning nafaqat bilim saviyalari balki, aktyorlik qobiliyatlari ham sinovdan o’tkazildi. “Asrlar sadosi” jamoasi bolalarning eng sevub o’ynaydigan o’yinlaridan biri bo’lgan “Laylak keldi” o’yinini ko’rsatgan bo’lsa, “Ko’zmunchoq” guruhi tashkilotchilari “O’tir tur” hamda “Tandir-mandir” o’yinlarini, “O’zbegim qizlari” jamoasi “Mushuk - sichqon” va “Shiribom” o’yinlarini, “Qadriyat” guruhi esa “5 tosh” o’yinini ko’rsatib imkon qadar bolalar obraziga kirishga va o’yin holatlarini tabiiy yaratib berishga harakat qildilar. III shart barcha qatnashchi va ustozlarni chin ma’noda hayrat va hajonga sola olgan eng qiziqarli shart bo’ldi. “Milliy udumlarimiz” deb nomlangan bu shartda har bir jamoa milliy marosimlarimizdan birini ko’rsatishga urinishdi va albatta uddasidan chiqishdi deyish mumkin. “Asrlar sadosi” guruhi kelin kuyovni chimildiqqa olib kirish marosimini ko’rsatib berishdi. Unda guruh “Hazor-ali” aytishdan tortib tokim yigitning o’z o’rtoqlariga “Tuguncha otishi sahnalari”gacha ko’rsatib berishdi. “Ko’zmunchoq” guruhining chiqishi ayniqsa o’ta tabiiy chiqdi. Bu jamoa a’zolari “Beshik marosimlar”ini talqin qildi. Sahnaviy ko’rinishlarda bolalar qatnashgani tabiiylik darajasini yanada orttirdi. 3 tartibda chiqqan “O’zbegim qizlari” faol jamoasi o’zbek milliy udumlari tarkibini bezab turuvchi “Qiz ba’zmi”ni namoish qilishdi. “Qadriyat” guruhi esa “Kelin salom” marosimini talqin qildilar. IV shart Savol–javob shartida to’rtala guruhdan 10 nafar ishtirokchi chiqishdi. Test ko’rinishidagi 10 ta savol taqdim etildi. Talabalarning “Bolalar o’yin folklori” fanidan egallagan bilimlari sinovdan o’tkazildi. Tadbir davomida musiqiy chiqishlar, qiziqarli o’yinlar tashkil qilinib barchaga yorqin kayfiyat ulashildi. Boshlang’ich ta’lim asoslari kafedrasi o’qituvchilari N.Safarova va B. Jamilovaning tadbir tog’risidagi iliq fikrlari tinglandi. Tadbirda faol ishtirok etgan bir qator talabalarga Pedagogika fakulteti dekani fahriy yorliqlari va Kamolot Yoshlar Ijtimoiy harakatining sovg’a hamda diplomlari topshirildi. Ular: o’qituvchilardan - Safarova N, Negmatova.M, talabalardan - Axtamova.N, Xaitova.D, Saidova.Sh, Yusupova.M, Jo’raqulov.A, Saidova.D, Beshimova.D larni alohida e’tirof etish mumkin. Tadbir ko’tarinki ruh va iliq taassurotlarga boy bo’ldi. Tadbir yakunida barcha ishtirokchilar va o’qituvchilar S. Nazarxon ijrosidagi “Ulug’imsan vatanim” qo’shig’ini jo’rlikda kuylashdi.QAROR QILINDI1.Tadbir yuqori saviyada o’tganligi qayd etilsin.2.Tadbirda faol ishtirok etgan jamoalar quyidagi o’rinlarga munosib deb topilsin. 1-o’rin – 4-2BTU-12 guruhining “Ko’zmunchoq” jamoasi hamda 4-3BTU-12 guruhning “O’zbegim qizlari” jamoalariga; 2-o’rin – 4-1BTU-12 guruhning “Asrlar sadosi” jamoasiga; 3-o’rin – 4-4BTU-12 guruhning “Qadriyat” jamoasiga topshirilsin.3.Tadbirda faol ishtirok etgan talabalar Komolot Yoshlar Ijtimoiy Harakati diplomlari va Buxoro davlat universiteti Pedagogika fakultetining sovg’alari bilan taqdirlanganligi e’tirof etilsin. Ma’naviy ma’rifiy ishlar bo’yicha fakultet dekanining muovini: Tavakkal ChoriyevTadbir tashkilotchisi, o’qituvchi: Mohichehra Ro’ziyevaPedagogika fakulteti talabasi: Dilaferuz Xaitova
