2020 yil 14 oktyabr kuni universitet kichik majlislar zalida ilmiy ishlar va innovatsiyalar bo‘yicha prorektor O.S. Qahhorov rahbarligida universitet huzuridagi falsafa doktori (PhD) ilmiy darajasini beruvchi Ilmiy kengash raislari, seminar rislari va kotiblari bilan yig‘ilish o‘tkazildi. Yig‘ilishda Buxoro davlat universitetida 16 ta ixtisoslik bo‘yicha 9 ta ilmiy kengashlarning 9 oylik faoliyati tahlil qilindi. Universitetning 90 yillik faoliyati davomida 16 ta ixtisoslik bo‘yicha 9 ta ilmiy kengash faoliyati yangi yo‘lga qo‘yilganligi albatta muhtaram Prezidentimizning ta’lim sohasiga berilayotgan e’tiborlari, hududlardagi oliy ta’lim muassasalarini salohiyatini oshirish, ilmiy darajali pedagog kadrlar tayyorlash, zamon talabiga javob deradigan salohiyatli raqabatbardosh kadrlashni tayyorlash borasidagi odilona siyosat ekanligini alohida e’tirof etildi. Ilmiy kengashlar hududdagi oliy ta’lim muassasalari salohiyatini qolaversa, Buxoro davlat universiteti ilmiy salohiyatini oshirish uchun keng imkoniyatlar yaratilayotganligi alohida ta’kidlab o‘tildi.Berilayotgan bundan imkoniyat va shart-sharoitlarlar uchun hukumatimizga, Oliy va o‘rta maxcus ta’lim vazirligiga, albatta Oliy attestatsiya komissiyasiga minnatdorchilik bildirildi. Bu imkoniyat va yaratib berilayotgan sharoitlardan to‘g‘ri xulosa qilib, ilmiy kengash va seminar raislari, ilmiy kengashlarda himoyalarni sifatli tashkil etishlari, avtoreferatlar va doktorlik dissertatsiyalarni Nizom talablari asosida rasmiylashtirishi hamda kooruptsiya holatlariga yo‘l qo‘ymaslikka alohida e’tibor qaratishi lozimligini ta’kidlab o‘tildi. Yil yakuniga qadar himoyasi rejalashtirilgan tadqiqotchilarning doktorlik dissertatsiyalarini o‘z vaqtida himoya qilishlarini sifat jihatidan alohida e’tibor berib ta’minlanishini e’tiborga olish bo‘yicha kerakli topshiriqlar berildi. Yig‘ilishda kengash raislari so‘zga chiqib ushbu masalalar bo‘yicha o‘z fikr mulohazalari, takliflarini bildirdilar.Buxoro davlat universitetida faoliyat ko‘rsatayotgan ilmiy kengashlar faoliyati to‘g‘risida MA’LUMOT Buxoro davlat universiteti xuzurida jami 16 ixtisoslik bo‘yicha 9 ta ilmiy daraja beruvchi ilmiy kengashlar faoliyat olib bormoqda. Ushbu ilmiy kengashlarda va ilmiy kengash qoshidagi ilmiy seminarlarda jami 177 ta professor-o‘qituvchilar a’zo sifatida faoliyat ko‘rsatib kelmoqda. Ilmiy kengashlar a’zolarining 65 nafari fan doktori, 112 nafari fan nomzodi va falsafa doktor (PhD)laridan iborat. Joriy yilda ilmiy kengashlarga talabgorlar tomonidan jami dissertatsiya himoyalari bo‘yicha 53 ta ariza kelib tushgan bo‘lib, shundan 13 nafari himoya qilgan, 39 nafari seminardan o‘tgan bo‘lib, 13 nafar talabgorning dissertatsiya ishlari ekspert va takrizchilar tomonidan ko‘rib chiqilmoqda. Joriy yilning 14 oktyabrь holatida OAK ga himoya uchun yuborilgan hujjatlar soni 19 tani tashkil kiladi. 2020 yilning oxirigacha ilmiy kengashlarda jami 41 ta dissertatsiya himoyalari rejalashtirilgan.
