Ekologiya kafedrasi
Welcome to Buxoro davlat universiteti rasmiy web-sayti   Click to listen highlighted text! Welcome to Buxoro davlat universiteti rasmiy web-sayti Powered By GSpeech

Ekologiya kafedrasi

 Ekologiya kafedrasi universitetning 2001 yil 17 sentyabrdagi  204-U raqamli buyrug`i asosida  Zoologiya va Botanika kafedralari negizida tashkil etilgan edi. Shundan so`ng  2005 yil iyun oyidan boshlab 2006 yil iyunga qadar bir yil mobaynida kafedra umumiy kimyo kafedrasi tarkibiga birlashtirilib, umumiy kimyo va ekologiya kafedrasi nomi bilan yuritildi.

      Universitetning 2008 yil 1 iyundagi 203-U buyrug`i  bilan ekologiya kafedrasida qayta tiklanib, uning tarkibida  7,5 to`liq shtatda belgilandi, 2007-2008 o`quv yilida Universitet Ilmiy kengashining buyrug`iga binoan Ekologiya kafedrasi tarkibiga agrokimyo va tuproqshunoslik kafedrasi birlashtirilib Ekologiya va tuproqshunoslik kafedrasi tashkil etildi. 2008 yil 10-iyuldagi 176-U buyrug`iga binoan Ekologiya kafedrasi tuproqshunoslik yo`nalishidan ajratilib mustaqil faoliyat ko`rsata boshladi.

Universitet   Ilmiy kengashining  2014 yil  23-avgustdagi 256-U  sonli 1-yig`ilishi  qarori  ijrosini  ta’minlash maqsadida  hamda  universitet  fakultetlari  va kafedralari  tuzilmalarini  optimallashtirish  universitet  tashkiliy  tuzilmasiga  o`zgartirish kiritish to`g`risidagi qaroriga binoan kafedra  tarkibidan geografiya yo`nalishi  ajralgan holda  Ekologiya kafedrasi tashkil etildi.

       Kafedra faoliyat  boshlagandan beri 5850200- Ekologiya va tabiatdan foydalanish ta’lim yo`nalishi bo`yicha bakalavrlar tayyorlagan bo`lsa, hozirgi vaqtda o`quv reja o`zgarishi munosаbati bilan  5630100-Ekologiya va atrof muhit muhofazasi yo`nalishi bo`yicha bakalavrlar tayyorlamoqda.
    Ayni paytda kafedrada  17 ta asosiy  shtatda  va 4 nafar o`qituvchi o`rindosh professor o`qituvchi sifatida faoliyat ko`rsatyapti.

 

Kafedra mudiri : biologiya fanlari doktori, professor Xolliyev Askar

 Telefon: (+998 90) 513-95-18

 Elektron manzili:  This email address is being protected from spambots. You need JavaScript enabled to view it.

 

 

 

Kafedrada tayyorlanayotgan ta’lim yo`nalishlari va mutaxassisliklar:
Ekologiya kafedrasida  ayni paytda 5630100 ekologiya va atrof muhit muhofazasi  ta’lim yo`nalishi  bo`yicha  97 ta bakalavr talaba  tahsil olayapti.

Chet el grantlari bo`yicha bajarilgan ishlar
Ushbu masala bo`yicha kafedrada bir muncha ishlar amalga oshirildi.
- M.To`raev- Xalqaro Bird life tashkiloti tomonidan Markaziy Osiyoda  Muhim ornitologik hududlarni aniqlash dasturi bo`yicha respublikamizning Buxoro viloyati  suv havzalaridagi qo`riqlanadigan  ornitologik hududlarni aniqlashda  ishtirok etdi va ushbu tadqiqotlarning natijalari Britaniya qirolligi Xalqaro qushlarni himoya qilish jamiyati homiyligida  rag`batlantirilib borildi. Kalendar yili davomida  aynan ushbu tashkilot tashabbusi bilan 12 ta Xalqaro ekspeditsiya tashkil etilib unda kafedra professor o`qituvchilari qatorida ta’lim yo`nalishining iqtidorli talabalari ham jalb etildi. Tashkilot tomonidan kafedrada yil davomida 5 mln. so`mlik turli asbob anjomlar taqdim etildi.
 Fanning ta’lim va  ishlab chiqarish bilan  integratsiyasi
 (olingan natijalarni ishlab  chiqarishga  joriy etilish holati )
 Kafedrada M.M. To`raev boshchiligida 2013-2015 yillar davomida amalga oshirilishi rejalashtirilgan (72000 evro miqdordagi) TEMPUS dasturi asosida “ UZWATER: O`zbekiston oliy ta’lim tizimida suv resurslari boshqaruviga yondoshgan atrof muhit muhofazasi va barqarorrivojlanishni o`rganuvchi fanlar bo`yicha magistiratura dasturi ” bo`yicha Xalqaro o`quv-ilmiy  tadqiqotlar boshlandi unda kafedraning 4 nafar professor o`qituvchilari ham jalb etildi. O`tgan davr  davomida loyiha ishtirokchilaridan M.To`raev, X.Toshevlar Latviya va Litvaning oliy o`quv yurtlariga tashkil etilgan seminarlarga ishtirok etib qaytishdi.
Loyiha shartlari asosida suv muammolariga bag`ishlangan 2 ta modul bo`yicha o`quv reja va fan dasturlari tayyorlanib, Polsha va Riga shaharlaridagi Xalqaro ekspertlarning xulosalarini olish uchun jo`natildi. Shundan so`ng ushbu dasturlar asosida o`quv qo`llanmalar tayyorlashga kirishiladi.
     Kafedra katta o`qituvchisi Yo.Xolov O`z.MU olimlari bilan hamkorlikda “Quyi Zarafshon vohasining ekologik xaritasini tuzish bo`yicha” ilmiy tadqiqotlarini amalga oshirib, ushbu xaritani tayyorlashdi va tabiatni muhofaza qilish qo`mitasi idoralariga taqdim etildi.
 Xalqaro  hamkorlik  va chet el bilan  ilmiy aloqalar  asosida erishilgan natijalar
 Kafedra qoshida faoliyat olib borayotgan “Ivolga” yosh ornitologlar klubida Xalqaro  Birdlife tashkiloti bilan hamkorlikda tadqiqotlar olib bormoqdalar. 2013 yil 9-sentyabrda Xalqaro  Birdlife tashkiloti tomonidan ajratilgan  5000000 so`m mablag` hisobidan  kuzatish  ishlarini olib borish uchun kerakli bo`lgan  asbob va anjomlar xarid qilindi.     Kelgusida bu kabi hamkorlik va ilmiy aloqalarni yanada rivojlantirish maqsadida tadbirlar ishlab chiqilmoqda.

Kafedrada  stajyor-tadqiqotchi- izlanuvchi va katta   ilmiy xodim-izlanuvchanlik faoliyati.
  Kafedra dotsenti M.To`raev  “Cho`l zonasi suvliklarida  ornitofaunaning shakllanish  yo`llari (Janubiy-G`arbiy Qizilqum misolida)”  mavzuidagi doktorlik ishining O`zbekiston Respublikasi Fanlar Akademiyasining bllyutenida e’lon qilindi va  tadqiqotlarini  yakunlash arafasida turibdi. 
Shuningdek kafedramizning yana bir a’zosi, o`qituvchi Yoqub Xolov qishloq xo`jalik fanlari nomzodi, dotsent Farhod Jumayevlar rahbarliklarida “Buxoro vohasida ekiladigan g`o`za navlarining qimmatli belgilariga tuproq sho`rlanganligining ta’siri” mavzusi bo`yicha ilmiy tadqiqot olib bormoqda. Ushbu hisobot yilida o`z mavzusi bo`yicha  2 ta ilmiy maqolalar tayyorlab matbuotda yoritishga muvofiq bo`ldi va ilmiy ishini yakunlash arafasida. Kafedra mustaqil tadqiqotchisi dos. U.T. Norboyeva «Sho`rlanishning g`o`za fiziologiyasiga ta`siri» mavzusida tadqiqot ishlarini olib bormoqda.

Iqtidorli talabalar bilan ishlash
    Kafedra o`qituvchilaridan dotsent M.To`raev rahbarligida Universitet qoshidagi “Ivolga” yosh ornitologlar klubi tashkil etilgan va ushbu klub faoliyat ko`rsatmoqda. Bugungi kunda klubga Universitetning turli ta’lim yo`nalishlaridan 24 nafar iqtidorli talabalari  jalb etilgan bo`lib, ular qushlar hayotidagi turli bioekologik tadqiqotlar bilan mashg`ulotlarga faol ishtirok etib kelmoqda. Hisobot yilida “Yosh ornitologlar” to`garagi a’zolari Xalqaro “Birdlife Rufford” jamiyati tomonidan Toshkent  shahrida tashkil etilgan  ekspeditsiyaga   ishtirok etib maxsus  sertifikatga loyiq deb topildilar.

   Klub a’zolari tomonidan  har yil  “Xalqaro qushlar” kuniga bag`ishlab tadbirlar o`tkazilib kelinmoqda. Jumladan, 2015-2016 o`quv yilida “Turnalar kuni”, 2016-2017 o`quv yilida “Yappaloqqushlar kuni”  2017-2018 o`quv yilida “Qarchig`aylar” kuni tadbiri o`tkazilgan edi. Shuningdek, 3-4 kurs talabalari  har biri o`zlari qiziqqan  yo`nalishlari bo`yicha ITI ga jalb qilingan bo`lib, uning natijasi sifatida universitet professor-o`qituvchilarini  yillik konferentsiyasida o`z ma’ruzalari bilan ishtirok etdilar. Konferentsiyada  kafedra o`qituvchilarining  5 ta va talabalarning 7 ta ilmiy ma’ruzalari tinglandi va undan eng yaxshilari  sifatida 3ta ilmiy ma’ruza iqtidorli talabalarning ma’ruzalar to`plamida chop etilganligi fikrimizning dalilidir. Yil davomida kafedra o`qituvchilari rahbarligida 7 nafar talabaning jami 9 ta ilmiy ishlari mahalliy, respublika va Xalqaro anjuman to`plamlarida nashr etilishiga erishildi.
 Kafedrada o`qitiladigan fanlar:

Bakalavriat
•    Ekologiya
•    Bioekologiya
•    Hasharotlar ekologiyasi
•    Geosfera haqida  ta’limot
•    Ekologiyaning ilmiy nazariy asoslari
•    Geoekologiya
•    Ekologiya, biologiya va geografiya  o`qitish metodikasi
•    Barqaror rivojlanish kontseptsiyasi
•    Mintaqalar va aholi  punktlar ekologiyasi
•    Ekologik fiziologiya
•    Buzilgan yerlar melioratsiyasi va rekultivatsiyasi
•    Buxoro viloyati ekologiyasi 
•    Tabiatdan foydalanish tadqiqot metodlari 
•    Cho`llanish muammolari va ekologik monitoring
•    Amaliy ekologiya
•    Ijtimoiy ekologiya
•    Iqlim o`zgarishi va bioxilma-xillikni saqlash
•    Gidroekologiya 
•    GIS texnologiyalari
•    Ekologik    turizm va servis
•    Ekologiyaning  ilmiy nazariy asoslari
•    Geosfera haqidagi ta’limot
•    Biosfera haqidagi ta’limot
•    Shahar va sanoat ekologiyasi
•    Tuproq ekologiyasi va agroekologiya
•    Atrof muhit muhofazasida muqobil energetika
•    O`zbekistonning ekologik siyosati
•    O`zbekistonda suv resurslaridan foydalanish va uni boshqarish
•    Atrof-muhit muhofazasi
•    Valeologiya
•    Hayot faoliyati xavfsizligi
•    Sport tibbiyoti va DJM
•    Pediatriya va bolalar gigienasi 
 
Kafedra professor-o`qituvchilari:

1. Xolliyev Askar-kafedra mudiri b.f.d., prof.
2. To`rayev Muxtor- b.f.n., dotsent
3. Hayitov Yozil – g.f.d., dotsent
4. Bobomurodova Nargiza – katta o`qituvchi
5. Norboyeva Umida – b.f.n. dotsent
6. Fayzieva Flora – o`qituvchi
7. Nazarova Firuza – o`qituvchi
8. Rashidov Muxiddin – katta o`qituvchi
9. Xolov Yoqub – katta o`qituvchi
10. Boltaeva Zarina – o`qituvchi
11. Ochilova Nurbibi – o`qituvchi
12. Sharofuddinova Rumiya – o`qituvchi
13. Shirinova Oygul – o`qituvchi
14. Muratova Gulsara – o`qituvchi
15. Adizova Hamida – o`qituvchi
16. Doniyorov Boymurod– o`qituvchi
17. Amonova Dildora – o`qituvchi

 

Kafedra manzili: Buxoro shahri M.Iqbol ko`chasi 11.BuxDU 2– bino, “Ekologiya” kafedrasi 

 

     

Mo`ljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz

Phone:0(365) 221-29-14 

Fax:8(365) 221-27-07

Revkvizitlar

Молия вазирлиги ғазначилиги

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)

ИНН: 201504275

Тулов максадида ФИО (уникал код ёзилади)

 

Xarita

 

Biz ijtimoiy tarmoqlarda

   

 
 
Top
BuxDU ATM tomonidan ishlab chiqildi.
Click to listen highlighted text! Powered By GSpeech