Welcome to Buxoro davlat universiteti rasmiy web-sayti   Click to listen highlighted text! Welcome to Buxoro davlat universiteti rasmiy web-sayti Powered By GSpeech

Biologiya kafedrasi

Print

Kafedra haqida

    5140100 – biologiya ta’lim yo’nalishi O’zbekiston Respublikasi Vazirlar Mahkamasining 2011-yil 16-avgustdagi № 343-qarori bilan tasdiqlangan.

Kunduzgi bo’limda o’qish muddati 4 yil bo’lib, malakaviy darajasi – “Bakalavr” .

Biologiya kafedrasi 1930-yilda Buxoro davlat pedagogika instituti qoshida tashkil qilingan Botanika va Zoologiya kafedlarining 2011-yilda qo`shilishi natijasida shakllantirilgan.

 

Uning  asosiy vazifasi tuban va yuksak o’simliklar va hayvonlarning tabiatda tarqalishi, sistematikasi, geografik o’rni, ularning anatomiyasi va morfologiyasi, sitologiyasi hamda xalq xo’jaligidagi ahamiyatini talabalarga o’rgatishdan iborat. Shuningdek, kafedra professor-o’qituvchilari viloyatdagi o’simliklar yuzasidan ilmiy izlanishlar olib boradilar.

Botanika kafedrasi faoliyatining boshlanishida va uni davom ettirishda bir qator professor-o’qituvchilar rahbarlik qilgan hamda pedagogik va ilmiy faoliyat ko’rsatgan. H.H.Guzairov, H.T.Boltaev, M.H.Xalliov, A.R.Akramov, H.Qosimova, A.Fayziyev kabi professor va dotsentlar shular jumlasidandir.

1995-yilda kafedra mudiri lavozimida b.f.n., prof. S.Bo’riyev faoliyat yuritgan. Kafedra qoshida “Biotexnologiya muammolari” ilmiy laboratoriyasi ochilgan. Laboratoriyaning asosiy yo’nalishlari “Buxoro viloyatidagi oqоva va kollektorlar suvlarini tozalashning biotexnologiyasini yaratish”dan iboratdir.

   Ilmiy laboratoriyada bajarilayotgan ishlar yuzasidan Respublika fan va texnologiya qo’mitasining bir qator grantlari olindi va xo’jalik shartnomalari bajarilmoqda. Hozirgi kunda ham bu ilmiy-tadqiqot ishlari davom ettirilmoqda.

Kafedrada “Biotexnologiya” (03.00.23) mutaxassisligi bo’yicha aspirantura ochildi. Ushbu soha bo’yicha 5 ta fan nomzodi (Rashidov N.E., Hayitov Yo.Q., Mustafoyeva M.I., Norboyeva U.T., Toxirov B.B.) himoya qildi.

Biologiya kafedrasida talabalarga o`simliklar va hayvonlar dunyosiga mansub bo`lgan fanlar o`qitiladi va ular bo`yicha ilmiy-tadqiqot ishlari olib  borilmoqda. Bunday fanlarga zoologiya, o`simliklar fiziologiyasi, sitologiya, mikrobiologiya, biotexnologiya, o`simliklar geografiyasi, o`simliklar ekologiyasi, o`simliklarning suv rejimi, odam va hayvonlar anatomiyasi va fiziologiyasi, biofizika fanlari kiradi.

Zoologiya kafedrasi 1930-yilda Buxoro davlat pedagogika instituti huzurida tashkil qilindi. Turli yillarda (to 1953-yilgacha) kafedrani prof. F.A.Turdakov, dots. I.H.Maqsudov, prof. P.N.Karlenko kabi taniqli olimlar boshqargan. 1953-yildan to 1996-yilgacha kafedraga prof. M.O.Abdullayev mudirlik qilgan.

BuxDU rektorining 2008-yil 10-iyuldagi № 176- U  buyrug’i bilan Botanika va Zoologiya kafedralari birlashtirildi va “Biologiya” kafedrasi deb nomlandi. 2010-yil №346-U buyruqqa asosan kafedralar yana “Botanika” va “Zoologiya”ga ajratildi. 1996-yildan 2010-yilgacha Zoologiya kafedrasida prof. S.B.Baqoev, Botanika kafedrasida S.Bo`riyev kafedra mudiri lavozimida faoliyat ko’rsatdi.

S.B.Bo’riyev 14 yil davomida kafedra mudiri lavozimini muvaffaqiyatli bajardi. Qisqa muddat ichida uning rahbarligida 6 ta fan nomzodlari himoya qildi. Fan va texnologiya qo`mitasi granti g`olibi (3 marta) bo`lishga erishildi hamda bir qator xo`jalik shartnomalari tuzildi. Ular hozirgi kunda amalga oshirilmoqda.

Kafedra professori S.B.Bo’riyev 200dan ortiq maqolalar, tezislar, risolalar, monografiyalar va o`quv qo`llanmalar muallifi.

2011-yilda Botanika va Zoologiya kafedralari negizida “Biologiya” kafedrasi tashkil etildi. Hozirgi vaqtda kafedrada 7 ta fan nomzodi, dotsentlar N.E.Rashidov, A.E.Xolliyev, M.I.Mustafayeva, U.T.Norboyeva, B.O.Komilova, M.I.G’ulomov, B.B.Toxirov; katta o’qituvchilar S.M.Gafarova, B.I.Jabborov; o’qituvchilar R.R.Rahmonov, A.R.Rayimov, H.Q.Esanov, Z.T.Safarova, N.M.Hasanova, N.M.Toshev, N.A.Shamsiyev, N.A.Azizova va G.B.Muslimovalar  faoliyat ko’rsatmoqda.

    2015 yil 24 dekabrdan B.B.Toxirov kafedra mudiri lavozimida ishlab kelmoqda.

 “Biologiya” kafedrasida ilmiy-tadqiqot ishlari, asosan, “Buxoro viloyatidan chiqadigan kollektor-drenaj, komunal xo’jaliklaridan, zavod va fabrikalardan chiqadigan suvlarni biologik usulda tozalash va hosil bo’lgan biomassadan xalq xo’jaligining turli sohalarida foydalanish”, “Buxoro viloyatidagi suv va suv oldi qushlarining bioekologiyasi” hamda “Buxoro viloyati baliqchilikka  ixtisoslashgan suvliklarning baliq mahsuldorligi va uni oshirish”ga bag’ishlangan mavzular bo’yicha ilmiy-tadqiqot ishlari olib borilmoqda.

Kafedra a’zolari tomonidan 150 dan ziyod o’quv-uslubiy qo’llanmalari, shuningdek, ko’p sondagi ilmiy va ilmiy-uslubiy maqolalari chop etilgan.

2005-yil 3-kurs talabasi Achilova Xolida, 2007-yil Sadullayeva Dilrabo biologiya bo`yicha respublika fan olimpiadasi bosqichida faxrli II o`rinni egallashgan, 2010-yili 3-kurs talabasi Amonova Matluba, 2012-yil Atoyeva Ruxsora, 2014-yil Halimova Shaxina, 2016-yil Raximov Jonibek respublika fan olimpiadasida III-o’rin va Ulug`bek nomidagi davlat stipendiati sovrindorlari bo`lishgan.

Kafedrada “Gidrobiologiya va ixtiologiya mutaxassisligi bo’yicha magistratura ochildi. Magistrlar mutaxassisligi bo’yicha o’qishi bilan birga magistrlik dissertatsiyasi bo’yicha ilmiy-tadqiqot ishlarini olib borishadi.

            Kafedra professor-o’qituvchilari 5140100 – biologiya, 56301100 – ekologiya, 5620200 – agronomlik-pedagogika mutaxassisliklaridan dars berishmoqda.

 

 

Kafedra mudiri: biologiya fanlari nomzodi, dotsent

Toxirov Baxtiyor Baxshilloyevich

Telefon: (+99891440-28-33

Elektron manzili: This email address is being protected from spambots. You need JavaScript enabled to view it.

 

 

 

1970 yilda tug’ilgan. 1991 yilda BuxDU kimyo-biologiya fakultetining biologiya va qishloq xo’jaligi bo’limini tugatib, 1996 yili botanika kafedrasida  stajyor-tadqiqotchi, 1997-2000 yillari BuxDU aspiranti, 2000 yildan biologiya kafedrasida o’qituvchi lavozimida ishlab kelmoqda. 2010 yilda “Sho’rlangan tuproqlar fermentativ faolliklari va unumdorligini oshirishda biousullarni qo’llash” mavzusida dissertastiyani yoqlab, biologiya fanlari nomzodi ilmiy darajasini oldi. Hozirga qadar 70 dan ortiq ilmiy maqola va tezislar halqaro va respublika nashriyotlarida chop ettirgan. Shuningdek, Vazirlik grifi asosida chop etgan o’quv qo’llanma va monografiyalar muallifi.

Ayni vaqtda B.B.Toxirov “Buxoro vohasi sug’oriladigan tuproqlarida sho’rlanish jarayonlarini o’rganish hamda sho’rlangan tuproqlarning biologik faolligini, gumusli holatini unumdorligini turli bioo’g’itlar yordamida tiklashning samarali yo’llarini ishlab chiqish” grant loyiha asosida ish olib borayapti.

KAFEDRADA TAYYORLANAYOTGAN TA’LIM YO’NALISHLARI VA MUTAXASISLIKLAR:

5140100-Biologiya ta`lim yo’nalishi bo’yicha kadrlar tayyorlaydi. Maskur yo’nalish bo’yicha hozirda 197 nafar talaba tahsil oladi.

5A 140103-Ixtiologiya va gidrobiologiya mutaxassisligi bo’yicha 4 nafar magistrlar tahsil olayapti.

 

KAFEDRANING  ILMIY YO’NALISHLARI:

B.B.Toxirov - Sho’rlangan tuproqlar unumdorligini oshirishda mikroskopik suvo’tlari va yuksak o’simliklari ahamiyati(Buxoro viloyati misolida)

N.E.Rashidov – “Buxoro viloyati kollektorlarini biologik usulda tozalash va suvni qayta sug’orishga foydalanish usullari”.

R.R.Raxmonov – “Buxoro viloyati suvliklarining qushlar bioxilma-xilligini saqlashdagi o’rni”.

H.Q.Esanov – “Buxoro vohasining adventiv florasi”.

N.A.Shamsiyev – “Buxoro suvliklarida karpsimon baliqlarning mahsuldorligini oshirish chora-tadbirlari”.

KAFEDRANING ILMIY-TADQIQOT FAOLIYATI:

2016-yil kafedra huzurida “Biotexnologiya va ixtiologiya” ilmiy-tadqiqot laboratoriyasi tashkil qilingan.

-Buxoro viloyatidagi  oqova  va  kollektor  suvlarini tozalash  biotexnologiyasini  yaratish.

- Madaniy landshaft qushlarining biologiyasi, ekologiyasi va ularni muhofaza qilinishi.

-Buxoro viloyatidagi  korxonalarining  biologik huzuridagi suvo’tlari  tarqalishi  va  ularning  bio-           ekologik  xossalari o’rganish,

-Buxoro viloyati baliqchilik xo’jaliklarida magistrantlar bilan faoliyat olib borish yo’nalishlarida ilmiy  tadqiqot olib borilyapti.

         Kafedraning professor-o’qtuvchilari, katta ilmiy xodim-izlanuvchilari “Viloyatdan chiqadigan oqova suvlarni biologik usulda tozalash va shu suvlardan qishloq va xalq xo’jaligida qayta foydalanish usullari” mavzusida xo’jalik shartnomalari olib bormoqdalar.

 

         Kafedrada o’qitiladigan fanlar

          Bakalavriat

                                                                                                                                               

            Magistratura 

 

Kafedra professor-o’qituvchilari

  1. Toxirov Baxtiyor Baxshulloevich – kafedra mudiri b.f.n., dotsent
  2. Bo’riev Sulaymon Bo’rievich – b.f.d., professor
  3. Rashidov Negmurod Elmurodovich – b.f.n.,dostent
  4. G`ulomov Muhammad Isakovich – b.f.n., dotsent
  5. Komilova Baxmal Odilovna – b.f.n., dotsent
  6. Mustafayeva Mamlakat Ismailovna – b.f.n., dotsent
  7. Jabborov Baxtiyor Iskandarovich – katta o`qituvchi
  8. Gafarova Saida Muxammedjanovna – katta o`qituvchi
  9. Raxmonov Rashid Raximovich – o`qituvchi
  10. Shamsiyev Nayim Amonovich – o`qituvchi
  11. Safarova Zakiya Teshayevna – o`qituvchi
  12. Toshev Hayot Muhammadovich – o`qituvchi
  13. Esanov Husniddin Qurbonovich – o`qituvchi
  14. Azizova Nodira Abduvoxidovna – o`qituvchi
  15. Rayimov Avaz Rustamovich – o`qituvchi
  16. Alimova Luiza Halilovna – o`qituvchi
  17. Sharopova Shaxnoza Raxmatullaeva
  18. Atoeva Ruxsoro Odilovna

 

BIOLOGIYA  KAFEDRASINING ILMIY YUTUQ VA IZLANISHLARI

 Biologiya kafedrasi professor-o’qituvchilari ilmiy  sohada ham bir qancha  ishlarni amalga oshirib  kelmoqda. Jumladan prof.Bo’riyev S.B., dotsentlar Toxirov B.B., Rashidov N.E., G`ulomov M.I, Mustafayeva M.I., Komilova B.O. va kafedra o’qituvchilar turli maqola va risolalar yozib, fan sohasida o`zlarining munosib  ilmiy hissalarini  qo’shib kelmoqda.  B.B.Toxirov “Tuproqshunoslik mikrobiologiya va biotexnologiya asoslari”  nomli darslik,  B.B.Toxirov  “Tuproq biologiyasi va mikrobiologiyasi”, Safarova Z., Muslimova G. “Yuz gramm maxsulotning  energetik qiymati” nomli o’quv qo’llanmalar,  B.I.Jabborov  “Biologiya o’quv xonasining tuzilishi va biologiya fanlarini o’zlashtirishdagi ahamiyati”, Toxirov B.B, Rayimov A.R  “Zoologiya fanidan savollar va javoblar”, Rayimov A.R, Raxmonov R.R, “Zoologiya fanidan test topshiriqlari”  S.M.Gaffarova “Yashil olam dunyo ustuni” nomli o’quv uslubiy qo’llanmalar, Bo’riev S. “Ishlab chiqarish korxonalari oqova suvlarini tozalash biotexnologiyasi”, Toxirov B. ”Sug’oriladigan va lalmi tuproqlarni biologik faolligi” nomli monografiyalar  chop ettirganlar.

 

Click to listen highlighted text! Powered By GSpeech