Welcome to buxdu   Click to listen highlighted text! Welcome to buxdu Powered By GSpeech

Ota-onalar bilan hamkorlikda

      Tarbiyada eng muhim vosita bu mehr va shirinso‘zlik bilan tarbiyalashdir. Bu ikki vosita bir bo‘lib, bolani shakllantiradi. Shu jumladan, ta‘limni ham g‘azab va jazolash bilan amalga oshirmagan ma‘qul.

Zero, zo‘rlab berilgan ta‘lim bola xotirasidan tezda o‘chib ketadi. Oqibatda uning shu sohaga nisbatan qiziqishi so‘nadi. Hozirgi zamon psixologlari ham inson xotirasida uni qiziqtirgan faoliyatga yaqin bo‘lgan ma‘lumotlar uzoq vaqt saqlanishini asoslashmoqda. Bundan ko‘rinadiki, ta‘limning avvali ham yaxshi tarbiyadan boshlanadi.
     Mana shunday fikrlardan kelib chiqib kuni kecha Buxoro davlat universiteti Fizika-matematika fakulьteti 1 kurs  1-2 Fiz-18 guruh talabalarining ota-onalari bilan uchrashuv tashkil etildi. Uchrashuvda fakulьtet rahbariyati, fan o‘qituvchilari, OTM psixologi ishtirok etishdi.
     Fizika kafedrasi rahbari Mirzohid Daminov:
    - Buxoro davlat universiteti respublikamizda 90 dan ortiq oliygohlar ichida nufuzli o‘rinda turadi. Shu bilan birga fakulьtetimizning ham oliygohda o‘z o‘rni bor. Bu albatta professor-o‘qituvchilarimiz va talabalarimizning mehnatida ko‘rinadi. Fakulьtetimizda 236 nafar talaba, shundan 114 nafari 1 kurs talabalariga ta‘lim-tarbiya berilmoqda. O‘qituvchilarimizning 67 foizi ilmiy  darajaga ega. Demak, farzandlarimizning kelgusida yetuk kadr bo‘lib yetishishiga imkoniyat katta. Bizning asosiy maqsadimiz ham shunda.
    1-2 Fiz-18 guruh rahbari N.Nasirova:
    -  Bugungi kunda oliygohimizda talabalarga chuqur ta‘lim berish bilan birga ularni hayotga tayyorlashga ham katta e‘tibor qaratilmoqda. Chunki, talabalarning ayniqsa, birinchi kurs talabalarining mustaqil hayotga ko‘nikishi, ota-onasidan uzoqda, imtihonlar vaqtida, yangi jamoasidagi tengdoshlari bilan muloqotga kirishishida qiynalmasligi, ruhiy zo‘riqish olmasligi uchun qator tadbir va uchrashuvlar tashkil etiladi. Ularning ruhiy ahvoli doimiy ravishda OTM psixologi va guruh rahbari tomonidan o‘rganiladi, kuzatib boriladi. Agar talabaning ruhiy ahvolida, xarakterida salbiy tomonlar kuzatilsa, mutaxassislar tomonidan korrektsiyalashga harakat qilinadi. Ammo bunda oilaning, ota-onaning roli ham juda katta. Shu sababli biz doimiy ravishda talabalarimizning ota-onalari bilan hamkorlikda faoliyat olib borishga harakat qilamiz.
     Talabalarimizning ota-onalari bilan uchrashuv tashkil etishdan oldin OTM psixologi tomonidan  guruh talabalarining ruhiy ahvoli  so‘rovnoma asosida chuqur o‘rganib chiqildi. Guruh rahbari bilan hamkorlikda har bir talabaning ruhiy va oilaviy ahvoli, qiziqishlari, jamoada o‘zini tutishi, o‘qituvchi va tengdoshlari bilan munosabati  tahlil qilib chiqildi. Albatta, tahlillar o‘z natijasini berdi. Tahlil natijalari shuni ko‘rsatdiki, talabalarning 37 foizi ruhiy zo‘riqishdan qiynalmoqda. Talabalarning ruhiy zo‘riqishiga bir tomondan oiladagi ota-onalar, aka-ukalar o‘rtasidagi nizolar sabab bo‘lsa, ikkinchi tomondan talaba hayotiga ko‘nika olmaslik, imtihonlar vaqtida kuchli asabiylashish va stressning oqibatidir.
Yuqoridagilardan kelib chiqib talabalarga psixolog konsulьtatsiyalariga borish taklif etildi. Universitetda nafaqat talabalar uchun, balki ularning ota-onalari uchun ham psixolog xizmati tashkil etilgani aytildi.
    Uchrashuvda psixolog tomonidan ota-onalarga ibratli ota-ona bo‘lish sirlari, farzandning bo‘sh vaqtini qanday unumli va qiziqarli tashkil etish, ularda estetik tarbiyani, go‘zal manzaralardan, kichik-kichik baxtli onlardan zavq olish hissini shakllantirish uchun oila bilan birgalikda muzeylarga, tabiatga, kutubxonalarga, kino-teatrga borish uning qalbida go‘zallik, mehr-muhabbatni singdirishga yordam berishi aytildi.
     Xulosa qilib aytish mumkinki, mustahkam ma‘naviy immunitetli, o‘zining fikrlarini ravon ayta oladigan, yuqori marralarga erishuvchan avlodni tarbiyalash uchun ta‘lim dargohlari bilan  ota-ona, oila hamkorligi juda katta ahamiyat kasb etadi.
                                                

OTM psixologi Dilbar Hamdamova

 
 

Russian mobile menu

BuxDU ATM tomonidan ishlab chiqildi.
Click to listen highlighted text! Powered By GSpeech