Welcome to Buxoro davlat universiteti rasmiy web-sayti   Click to listen highlighted text! Welcome to Buxoro davlat universiteti rasmiy web-sayti Powered By GSpeech
Error
  • The template for this display is not available. Please contact a Site administrator.

Buxoro davlat universiteti Ilmiy kengashi nizomi

Buxoro shahri                                                                         29 avgust 2015 yil

         O’zbekiston Respublikasi Oliy  va o’rta maxsus ta’lim vazirligining  1998 yil 9 dekabr 345 – sonli buyrug’i bilan  tasdiqlangan Oliy o’quv yurtining  ilmiy Kengashi  to’g’risidagi  nizomi asosida tuzilgan  universitet 

 O’zbekiston Respublikasi Oliy  va o’rta maxsus ta’lim vazirligining  1998 yil 9 dekabr 345 – sonli buyrug’i bilan  tasdiqlangan Oliy o’quv yurtining  ilmiy kengashi  to’g’risidagi  nizomi asosida tuzilgan  universitet  ilmiy  kengashi

 

 

NIZOMI

       Universitet  Nizomiga muvofiq, oliy o’quv yurtining  faoliyatiga tegishli  asosiy masalalarni ko’rib chiqish uchun rektor raisligida ilmiy kengash  tashkil etiladi.

  1. Ilmiy kengashning asosiy vazifasi – oliy o’quv yurti jamoasi oldida turgan quyidagi masalalarni  bajarishga qaratilgan faoliyatni birlashtirish hisoblanadi.

Kadrlar tayyorlash Milliy dasturini amalga oshirish, zamonaviy  pedagogik texnologiya  va kompyuterlashtirish  asosida yuqori  sifatli bakalavr  va magistrlar  tayyorlashni  ta’minlash, ilmiy tadqiqotlarni yanada rivojlantirish, yoshlarda vatanparvarlik, fuqarolik, o’z Vatani bilan  faxrlanish, ma’naviy – ma’rifiy va madaniy xususiyatlarni shakllantirish.

Nizom bo’yicha ilmiy kengash tarkibiga quyidagilar kiradi:  rektor  (rais),

prorektorlar, fakultet dekanlari, oliy o’quv  yurti tarkibiga kiruvchi mustaqil tashkilot  va tarmoq direktorlari,  mutaxassis  chiqaruvchi  kafedralar mudiri, shuningdek, oliy yurti talabalari  va xodimlari kasaba uyushmalarining vakillari.

Ilmiy kengashning boshqa a’zolari fakutetning umumiy majlisida (konferensiya) yashirin ovoz berish yuli bilan saylanadilar. 

Pedagog-xodimlar  tarkibidan ilmiy kengashga  saylanuvchi a’zolarning soni rektorning buyrug’i bilan belgilanadi. Ilmiy kengash tarkibiga  oliy o’quv yurtining muayyan yo’nalish  muammolari bo’yicha  ishlovchi  yirik  olim va mutaxassislar, shuningdek, davlatlararo va bevosita  aloqalari bo’lgan xorijiy o’quv yurtlarining vakillari  kiritilishi mumkin.  Vakolat muddati – 5 yil.

  1. Ilmiy kengash tarkibi universitet  rektorining buyrug’i bilan  tasdiqlanadi. Har o’quv yilining boshida,  har xil sabablarga ko’ra ilmiy kengash tarkibidan chiqqanlar o’rniga, yangi a’zolar  saylanadi yoki nizom bo’yicha kiritiladi.
  2. Universitet ilmiy kengashi:

-         Kadrlar tayyorlash Milliy dasturiga muvofiq davlat  ta’lim standartlari, o’quv rejalar va dasturlarning  qat’iy bajarilishini ko’rib chiqish;

-         Xorijiy mamlakatlar oliy o’quv yurtlari bilan  birlashgan ilmiy kengashlarni  tashkil etishning maqsadga muvofiqligini belgilaydi:

-         Fakutetlarning o’quv ilmiy- tadqiqot va  ma’naviy – ma’rifiy ishlari to’g’risidagi  hisobotlarni, shuningdek, liseylar, oliy o’quv yurti qoshidagi ilmiy jamiyatlarning faoliyati to’g’risidagi hisobotlarni eshitib boradi, qabul natijalari to’g’risida qabul  komissiyasining, xalq xo’jaligining bitiruvchi  mutaxassislarga ega bo’lgan ehtiyoji, buyurtmalar bilan aloqalar  to’g’risida  marketing  xizmatining  xisobotini eshitadi;

-         talabalarning yirik malakaviy  amaliyotiga  yakun yasaydi va ularni yaxshilash bo’yicha tavsiyalar beriladi;

-         ilmiy-tadqiqot, ma’naviy – ma’rifiy  ishlarning  rejalarini va pedagog-xodimlar tarkibining malaka oshirish  masalalarini  muhokama  etadi;

-         xorijiy mamlakatlarning oliy o’quv  yurtlari bilan  aloqalarni o’rnatish  bo’yicha  qarorlar qabul qilinadi;

-         fakultet va kafedralarni ochish, bekitish, o’zgartirishga bog’liq bo’lgan  masalalar bo’yicha qaror qabul qiladi;

-         marketing xizmati takliflarini hisobga olgan holda yangi ta’lim yo’nalishlarini (mutaxassislik) ochish to’g’risida  taklif kiritadi;

-         darslik, o’quv qo’llanma va ilmiy  o’quv –uslubiy  adabiyotlarni tayyorlash va nashr etish masalalarini ko’rib chiqish;

-         “Oliy o’quv yurtlari pedagogik xodimlarni ishga qabul qilish  tartibi to’g’risida”gi  Nizomga muvofiq pedagog-xodimlar lavozimlarini egallash uchun tanlovlar o’tkazadi;

-         professor, dosent ilmiy unvonini olishga intilayotgan izlanuvchilarning hujjatlarini ko’rib chiqadi va belgilangan tartibda ilmiy unvonga  tasdiqlashga  taqdim etadi;

-         KIXI (katta ilmiy xodim-izlanuvchi) va mustaqil tadqiqotchilar va oliy o’quv yurti ta’limidan keyingi boshqa shakllarga  nomzodlarni  tavsiya etadi;

-         a’lochi talabalar  safidan va pedagog-xodimlar tarkibidan nomzodlarni “Ustoz”, “Umid”jamg’armalari orqali xorijiy oliy o’quv yurtlariga stajirovkaga  tavsiya etadi;

-         ta’lim  xizmatlari  bilan shug’ullanuvchi  kichik korxonalar, firma va kurslar  faoliyati haqida rahbarning hisobotlarini eshitadi;

-         ushbu  oliy o’quv yurtining bitiruvchilari safidan nomzodlarni KIXI (katta ilmiy xodim-izlanuvchi) va mustaqil tadqiqotchilar safiga qabul  qilishga  tavsiya etadi;

-         universitetning  a’lochi talabalarini va KIXI (katta ilmiy xodim-izlanuvchi) va mustaqil tadqiqotchilar nomzodlarni nomli stipendiyalarini  olishga tavsiya  etadi;

-         fakultet dekanlarining fakultetni tamomlaganlar va KIXI (katta ilmiy xodim-izlanuvchi)ni bitirganlar  bilan aloqalari to’g’risidagi hisobotlarini eshitadi, kadrlar  tayyorlashni  yanada yaxshilash  bo’yicha  tadbirlarni  ishlab chiqadi;

-         “Sog’lom avlod uchun” jamg’armasi bilan  hamkorlikda talabalarning jismoniy  tarbiyasi va ularning sog’liqlarini  yanada  yaxshilash bo’yicha  tadbirlar  ishlab chikadi;

-         universitet talabalari va xodimlarining texnika xavfsizligi va mehnat muhofazasini  takomillashtirish  bo’yicha tadbirlarni belgilaydi;

-         universitet rivojlanishining joriy (yillik) istiqboliy rejalarini tasdiqlaydi va moliyaviy – xo’jalik faoliyati  natijalarini eshitadi;

-           oliy ma’lumotli mutaxassislarning malaka oshirish rejalarining loyihalarini muhokama etadi, oliy o’quv yurtining malaka oshirish tarmoqlari rahbarlarining  hisobotini eshitadi.

  1. Ilmiy kengash, o’z ishini har o’quv yili uchun ishlab chiqiladigan  rejaga muvofiq  amalga oshiradi. Ilmiy  kengash  rejasi  Ilmiy kengash tomonidan ko’rib chiqilgandan so’ng, oliy o’quv yurtining  rektori  tomonidan  tasdiqlanadi.
  2. O’quv va ilmiy ishlarning  barcha masalalari bo’yicha ilmiy  kengashning qarorlari  ochiq ovoz berish tartibida ko’pchilikning ovozi bilan  qabul qilinadi. Professor-o’qituvchilar tarkibi lavozimlarini egallashga o’tkaziladigan  tanlovlar, professor va dosent ilmiy unvonlarini berishga taqdimnomalar va yopiq ovoz berish yo’li bilan  belgilangan  tartibda  qabul  qilinadi.
  3. Ilmiy kengash  qarorlari, universitetning rektori tasdiqlaganidan  so’ng  kuchga kiradi.
  4. Ilmiy kengashning majlisi bayonnoma bilan rasmiylashtiriladi. Bayonnomalar ilmiy kengashning  raisi va ilmiy kotibi  tomonidan imzolanadi.
  5. Ilmiy kengash raisi, muntazam ravishda, ilmiy kengash qarorlari  bajarilishi bo’yicha  tekshiruvlarni  tashkil etadi va ilmiy kengash a’zolariga  qabul qilingan qarorlarning bajarilishi haqida  axborot beradi. 

 

Izoh:  O’zbekiston Respublikasi Oliy  va o’rta maxsus ta’lim vazirligining  1998 yil 9 dekabr 345 – sonli buyrug’i bilan  tasdiqlangan Oliy o’quv yurtining  ilmiy kengashi  to’g’risidagi  nizomi asosida tuzildi va  universitet  ilmiy  kengashining 2015 yil 29 avgustdagi 1-yig’ilishida muhokama etildi.

 

Click to listen highlighted text! Powered By GSpeech