“Vatan muqaddas, uni himoya qilish sharafli burchdir”
Welcome to Buxoro davlat universiteti rasmiy web-sayti   Click to listen highlighted text! Welcome to Buxoro davlat universiteti rasmiy web-sayti Powered By GSpeech

E`lonlar

Prezident Shavkat Mirziyoyev 2018-yil dekabrida Osiyo jurnalistlari assotsiatsiyasi (AJA) tomonidan «Osiyoda yil odami» deb topilgan edi. O‘shanda laureatlarni taqdirlash marosimi AJA’ning 2019-yil...
BatafsilElonlar  

“Vatan muqaddas, uni himoya qilish sharafli burchdir”

Ana shunday ezgu va umumiy g‘oya ostida O‘zbekiston Respublikasi Quroli kuchlari tashkil etilganligining 27 yilligi va Vatan himoyachilari kuni bayrami munosabati bilan e’lon qilingan "Vatanparvarlik oyligi" doirasida Buxoro Davlat universitetida ham bir qator tadbirlar o‘tkazib kelinmoqda.

Kuni kecha bu erda mazkur oliy o‘quv yurti harbiy ta’lim fakulteti, universitet ma’naviyat bo‘limi, Yoshlar ittifoqi boshlang‘ich tashkiloti va shahardagi N-harbiy qism vakillari bilan katta tadbir bo‘lib o‘tdi. Tadbir avvalida so‘zga chiqqan universitet rektorining ma’naviy-ma’rifiy ishlar bo‘yicha o‘rinbosari O.Qodirov, harbiy ta’lim fakulteti o‘qituvchisi O‘.Temirov va boshqalar yigit-qizlarni harbiy vatanparvarlik ruhida jismoniy va ma’naviy jihatdan kelajagimizga munosib kishilar qilib tarbiyalash maqsadida ushbu bilim dargohida muayyan ishlar amalga oshirilayotganligini ta’kidladilar.

Universitet harbiy ta’lim fakultetida bugungi kunda 363 nafar talaba bilim olmoqda. Respublika Oliy ta’lim va Mudofaa vazirlari tomonidan mamlakatimiz oliy yurtlari o‘rtasida o‘tkazib kelinayotgan an’anaviy “Eng yaxshi harbiy fakultet” ko‘rik-tanlovining 2015-2016 yillardagi bellashuvlarida “Eng yaxshi harbiy kafedra” nominatsiyasi bo‘yicha buxorolik talaba yoshlar g‘oliblar safidan joy olishgani bejiz emas. Darhaqiqat, nazariy va amaliy mashg‘ulotlarning malakali pedagoglar va etuk mutaxassislar boshchiligida talab darajasida o‘tkazib kelinayotganligi muvaffaqiyatlar omili bo‘lyapti.

Tadbir ishtirokchilariga mamlakatimiz qurolli kuchlari safida o‘z yigitlik burchini o‘tayotgan yoshlar hayotidan hikoya qiluvchi videorolik namoyish etildi. Ular shuningdek, universitet hududidagi ko‘rgazmalardan o‘rin olgan N-harbiy qism (Milliy gvardiya)ga tegishli zamonaviy harbiy texnika namunalari, qurol-aslahalar, desantchilar kiyimlari va boshqa anjomlarni ko‘zdan kechirdilar. Harbiy xizmatchilar tomonidan namoyish etilgan ko‘rgazmali chiqishlar, jumladan, qo‘l jangi bahslari singari o‘tkazilgan sport musobaqalari talaba yoshlarda katta taassurot qoldirdi.

Harbiy orkestrning tantanavor sadolari tadbirga ko‘tarinkilik baxsh etdi. Siyosiy va jangovar tayyorgarlikda yuqori natijalarga erishgan hamda bir qator orden va medallarga munosib deb topilgan Anzor Melliyev, Zuxriddin Po‘latboyev, Abdulhamid Madaminov singari harbiy xizmatchilar bilan o‘tkazilgan muloqotlar ham mustaqil Vatanimizni muqaddas deb bilgan, uni himoya qilish sharafli burch ekanini to‘liq anglagan yoshlar uchun unutilmas lahzalarga boy bo‘ldi.

 Mannon Otaboy

BuxDU matbuot kotibi

 

Mo`ljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz

Phone:0(365) 221-29-14 

Fax:8(365) 221-27-07

Revkvizitlar

Молия вазирлиги ғазначилиги

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)

ИНН: 201504275

Тулов максадида ФИО (уникал код ёзилади)

 

Xarita

 

Biz ijtimoiy tarmoqlarda

   

 
 
Top
BuxDU ATM tomonidan ishlab chiqildi.
Click to listen highlighted text! Powered By GSpeech