Welcome to buxdu   Click to listen highlighted text! Welcome to buxdu Powered By GSpeech

Tabiiy fanlar fakulteti

Fakultet sobiq  Buxoro Davlat pedagogika institutining tengdoshi bo’lib, 1930 yilda tashkil qilingan va 1992 yilgacha Tabiatshunoslik fakultetii deb nomlangan.

Tabiatshunoslik fakultetida dastlab kimyo, botanika va zoologiya kafedralari faoliyat ko’rsatgan. Keyinchalik qishloq xo’jalik asoslari va geografiya hamda odam va xayvonlar anatomiyasi hamda fiziologiyasi kafedralari tashkil etilgan.

 Fakultetning kunduzgi bo’limida «Biologiya va kimyo, Kimyo, biologiya va qishloq xo’jaligi asoslari», «Biologiya va qishloq xo’jaligi asoslari», «Geografiya va biologiya», «Kimyo va pedagogika», sirtqi bo’limida esa, «Biologiya» va «Geografiya» ixtisosliklari bo’yicha o’rta maktablar uchun o’qituvchilar tayyorlangan.

Fakultetda asosan Buxoro, Qashqadaryo, Surxondaryo, Xorazm viloyatlaridan qisman Samarqand va boshqa viloyatlardan kelgan talabalar taxsil olishgan.

Turli yillarda tabiatshunoslik fakultetida ishlagan kimyogarlardan dostentlar Ya.I.Pakanaev, G.B.Kamaeva, E.Tuxsonov, R.G.Gafurov, M.I.Egamberdieva, N.Sh.Kattaev, katta o’qituvchi A.Ubaydullaev, botaniklardan prof. P.Ya.Chernishev, dostentlar X.X.Guzairov, S.Aslanova, M.X.Xalilov, A.F.Fayziev, L.R.Akramov, katta o’qituvchi X.X.Shamasov, zoologlardan prof. M.O.Abdullaev, Yu.M.Saidov, T.S.Salomov, M.R.Ergashev, geograflardan Yu.S.Salomov, I.K.Nazarov, U.Nurov, anatom va fiziologlardan tibbiyot fanlari doktori, prof.P.N.Karlenko, dostentlar T.Yuldosheva, R.A.Usmonova, A.X.Xasanov, D.S.Niyozov, qishloq xo’jaligi fanlaridan dostentlar S.M.Ibroximov, Sh.B.Sodiqov, N.K.Qosimova, O.A.Abdiev, K.U.Umarov katta o’qituvchi D.R.Raxmonov singari professor-ukituvchilar kafedralar moddiy-texnika bazasini mustaxkamlash, ukuv-tarbiya jarayoni va ilmiy-tadkikotlar samaradorligini oshirishda uzlarining munosib xissalarin qo’shdilar.

1992 yilda O’zbekiston Respublikasi Prezidentining farmoni bilan Buxoro Davlat Pedagogika institutiga universitet maqomi berilgach, Tabiatshunoslik fakulteti Kimyo-biologiya fakulteti deb ataldi.

2005 yilda universitetdagi agrar fakulteti kimyo va biologiya fakultetiga qo’shildi.

Istiqlol yillarida fakultetni  prof.S.B.Baqoev (1992-2006), prof.R.A.Shoymardonov (1996-2002), dost.M.Ya.Ergashov (2002-2005), prof. S.B.Bo’riev (2005-2007), prof.M.R.Amonov (2010) boshqardilar. 2012 yildan boshlab fakultetni b.f.n., dotsent X.T.Artikova boshqarib kelmoqda.

Bugungi kunda fakultetda sakkizta ta’lim yo’nalishi (Kimyo, Biologiya, Geografiya, Ekologiya, Tuproqshunoslik, Kasbiy ta’lim (k/x maxsulotlarini saqlash va qayta ishlash texnologiyasi), Kasbiy ta’lim (Agronomiya), Agronomiya (dalachilik) bo’yicha 742 nafar talaba, Kimyo mutaxassisligi (fan yo’nalishi bo’yicha) 15 nafar magistrant taxsil olmoqda. 2013 yildan boshlab Ixtiologiya va gidrobiologiya yo’nalishi bo’yicha magistraturada 5 nafar magistr tahsil olmoqda. Fakultetda 5 ta kafedra (umumiy kimyo, organik va fizkolloid kimyo, biologiya, tuproqshunoslik, tabiatshunoslik) faoliyat yuritmoqda.

Fakultet kafedralaridagi 72 nafar professor-o’qituvchining 3 nafari fan doktori va professor, 25 nafari esa fan nomzodi va dostentlardir.

Istiqlol yillarida fakultetning moddiy-texnika bazasi mustaxkamlandi. Xozirgi kunda talab darajasida jixozlangan. «Noorganik kimyo», «Organik kimyo», «Analitik kimyo», «Fizik va kolloid kimyo», «Botanika», «Zoologiya», «Usimliklar fiziologiyasi», «Odoam va xayvonlar anatomiyasi va fiziologiyasi», «Tuprokshunoslik», «Ekologiya», «Kimyo o’qitish metodikasi», «Biologiya ukitish metodikasi» laboratoriyalarida, shuningdek, fakultet tasarrufidagi o’quv tajriba xo’jaligida va zoologiya muzeyida fanlardan laboratoriya va amaliy mashgulotlarning yukori saviyada o’tkazish uchun tegishli sharoitlar yaratilgan.

«Koordinastion birikmalar kimyosi», «Yuqori molekulali birikmalar kimyosi» va «Biotexnologiya muammolari» laboratoriyalarida ilmiy-tadqiqotlarr olib borish uchun barcha sharoitlar mavjud.

Ixtiologiya bo’yicha O’zbekistonda birinchi fan doktori, Uzbekistonda xizmat ko’rsatgan fan arbobi, professor M.O.Abdullaev yaratgan ilmiy maktabning tadkikotlari respublikamiz daryo va ko’llari ixtio faunasini o’rganish hamda baliqchilikni taraqqiy ettirishda katta axamiyatga ega bo’ldi.

Biologiya fanlari doktorlari S.B.BBakoev, F.Xolboev va biologiya fanlari nomzodi M.M.To’raevlarning orientologiyaga oid tadqiqotlari nafaqat O’zbekiston Respublikasida, balki hamdustlik davlatlari va bir qator xorijiy davlatlar olimlari tomonidan tan olingan.

«Biologiya» kafedrasi olimlari «Buxoro viloyatidan chiqadigan kollektor-drenaj, kommunal xo’jaliklardan va zavod fabrikalardan chiqadigan suvlarni biologik usulda tozalash va xosil bo’lgan biomassasini xalq xo’jaligining turli soxalarida foydalanish» mavzusida tadqiqot olib bormoqdalar. Kafedra a’zolarining 55 dan ziyod, ukuv-uslubiy oo’llanmalari shuningdek ko’p sonli ilmiy va ilmiy-uslubiy maqolalari chop etilgan.   

Umumiy kimyo kafedrasida kimyo fanlari doktori, prof.O.M.Yoriev, texnika fanlari doktori, prof.M.R.Amonov, kimyo fanlari doktori G.A.Ixtiyarova va boshqalar Tabiiy va sintetik polimerlar asosida kompozision materiallar olish texnologiyasini yaratish mavzusi bo’yicha ilmiy-tadqiqotlar olib bormoqdalar.

Organik va fizkolloid kimyo kafedrasida kimyo fanlari doktori, prof.B.B.Umarov boshchiligida F7-20  “Ketoaldegidvaketoefirlarninghosilalariva komplekslari; ularning tuzilishi va xossalari

mavzusida olib borilayotgann ilmiy tadqiqotlar uchun 2012-2016 yillarga mo’ljallangan 38 611 mln (2014 yil uchun) so’mlik Davlat granti ajratilgan.

Dostent X.T.Artikova rahbarligida «Tuproqshunoslik» kafedrasi olimlari «Buxoro vohasi tuproqlari evolyutsiyasi va ularning unumdorligini oshirish» mavzusida ilmiy-tadqiqot olib bormoqdalar.

Kafedralardagi ilmiy tadqiqot ishlariga qobiliyatli talabalar ham jalb qilingan. Mustaqillik yillarida fakultet professor-o’qituvchilari (R.A.Shoymardonov, B.B.Umarov, O.M.Yoriev, U.T.Tojiev, S.B. Bo’riyev, K.U.Umarov, X.N.Mavlonov, N.Sh.Kattaev, R.Yunusov va boshqalar) tomonidan yozilgan darslik va o’quv qo’llanmalarni Respublikamiz oliy o’quv yurtlari talabalari va kasb-xunar kollejlari o’qituvchilari keng foydalanmoqda.

Fakultet professor-o’qituvchilari o’quv jarayoniga ilg’or, zamonaviy pedagogik  va axborot texnologiyalarni keng qo’llamoqdalar. Natijada ma’ruza, laboratoriya va amaliy mashgulotlarning sifati yaxshilanib samaradorligi oshmoqda.

Fakultetning bir qator qobiliyatli talabalari (Shokir Raxmatov) Respublika fan olimpiadalarida sovrinli o’rinlarni egallamoqdalar. Shu bilan birga fakultetdan bir qator nomdor stipendiantlar (Atoyeva Ruxsora, Abdiyeva Feruza) lar yetishib chiqqan va bugungi kunda ham iqtidorli talabalar bilanning qamrovli ishlar olib borilmoqda. Shunday qilib, bugungi kunda BuxDUning Kimyo-biologiya fakultetida ta’lim yo’nalishlari bo’yicha yuqori malakali bakalavrlar va magistrlar tayyorlash uchun tegishli sharoitlar yaratilgan. Fakultet Respublika Oliy o’quv yurtlari fakultetlari orasida munosib o`rin egallaydi.

 

Fakultet ma’muriyati

 BDU-Buxoro davlat universiteti BDU-Buxoro davlat universiteti Dekan: Artikova Hafiza To’ymurodovna
    biologiya fanlari doktorii, professor
BDU-Buxoro davlat universiteti Manzil: Buxoro shahar, M.Iqbol ko`chasi 11 uy 2-bino, 2-qavat, 201-xona
 BDU-Buxoro davlat universiteti  Telefon: +99891 442-88-11
BDU-Buxoro davlat universiteti Faks: (0 365) 221-29-11
BDU-Buxoro davlat universiteti Elektron pochta: This email address is being protected from spambots. You need JavaScript enabled to view it.
BDU-Buxoro davlat universiteti Qabul kunlari: Har kuni 15.00-17.00 (dushanba va shanbadan tashqari)
 BDU-Buxoro davlat universiteti BDU-Buxoro davlat universiteti O’quv ishlari bo’yicha dekan o’rinbosari: Niyozov Erkin Dilmurodovich
   

texnika fanlari nomzodi, dotsent

BDU-Buxoro davlat universiteti Manzil: Buxoro shahar, M.Iqbol ko`chasi 11 uy 2-bino, 2-qavat, 201-xona
 BDU-Buxoro davlat universiteti  Telefon: (+99899) 567-91-49
BDU-Buxoro davlat universiteti Faks: (0 365) 221-29-11
BDU-Buxoro davlat universiteti Elektron pochta: This email address is being protected from spambots. You need JavaScript enabled to view it.
BDU-Buxoro davlat universiteti Qabul kunlari: Har kuni 15.00-17.00 (Dushanba kunidan tashqari)

 

  BDU-Buxoro davlat universiteti

O’quv ishlari bo’yicha dekan o’rinbosari:

Jurayev Navruz Jurayevich
     
BDU-Buxoro davlat universiteti Manzil: Buxoro shahar, M.Iqbol ko`chasi 11 uy 2-bino, 2-qavat, 201-xona
 BDU-Buxoro davlat universiteti  Telefon: (+99891) 402-33-66
BDU-Buxoro davlat universiteti Faks: (0 365) 221-29-11
BDU-Buxoro davlat universiteti Elektron pochta: This email address is being protected from spambots. You need JavaScript enabled to view it.
BDU-Buxoro davlat universiteti Qabul kunlari: Har kuni 15.00-17.00 (Seshanba kunidan tashqari)

 

 

Uzbek mobile menu

BuxDU ATM tomonidan ishlab chiqildi.
Click to listen highlighted text! Powered By GSpeech