2017 yil 17 noyabrda Prezidentimiz tomonidan "Milliy maqom san’atini yanada rivojlantirishning" chora tadbirlari to‘g‘risidagi qonunlari hamda 2020 yil dekabr oyida Yoshlar forumida 2022 yilda Buxoroda yoshlar o‘rtasida maqom ko‘rik tanlovini tashkil qilish borasida aytgan fikrlariga tayangan holda Buxoro davlat universitetida 18 fevral kuni "Buxoro Gavxari" ko‘rik tanlovi o‘kazildi. Tanlovda Buxoro davlat universiteti hamda Vobkent tumani maqomchilar jamoasi ishtirok etdilar. Viloyat bosqichida Buxoro davlat universiteti maqomchilar jamoasi "Qashqarchai mo‘g‘ilchai fig‘on" asari bilan qatnashadigan bo‘ldi.

"Buxoro viloyat xalq ijodiyoti bosh mutaxassisi Sharopov Farruxjon universitet jamoasini ilk maqom dastasi tashkil topganligi bilan qizg‘in tabriklab, bizning maqom jamoamizga kelgusi ko‘rik tanlovlarida ishtirok etishimizni ta’kidlab iliq fikrlar bildirdilar.  Prezidentimiz 2020 yil dekabr oyida Yoshlar forumida ta’kidlaganlaridek 2022 yilda Buxoroda yoshlar orasida maqom ko‘rik tanlovini tashkil qilamiz degan fikrlariga tayangan holda biz ushbu maqom jamoasini tashkil qildik. Shularni inobatga olgan holda Viloyat madaniyat boshqarmasiga o‘z minnatdorchiligimizni bilidiramiz. Kelgusida biz xalqaro miqyosida Buxoro shashmaqomini dunyoga taratishda xizmat qilamiz deb va’da beramiz. Buning uchun bizda barcha shart sharoitlar yetarli. Qisqa vaqtda bugun Buxoro shashmaqomini ayrim sikllarini ko‘rsatdik. Bunga barcha zalda o‘tirgan tinglovchilar guvoh bo‘lishdi" - deydi San'atshunoslik fakulteti dekani B.Madrimov.

BuxDU Matbuot xizmati