Tinchlik eng oliy va bebaho ne’matdir. Tinch yurtda yuksalish va bunyodkorlik rivoj topadi. Ona Vatan tinchligini asrash har birimizning insoniy va muqaddas burchimizdir. Buxoro davlat universiteti san`atshunoslik fakulteti tomonidan 14 yanvar – Vatan himoyachilari kuniga bag‘ishlangan "Vatanga xizmat qilish – buyuk maqsadim" nomli madaniy-ma’rifiy tadbir bo‘lib o‘tdi. Tadbirni kirish so‘zi bilan ochib bergan fakultet dekani B.Madrimov barchani bayram bilan qutlar ekan, Vatan barchamiz uchun muqaddas tushuncha ekanligini, unga xizmat qilish barchamiz uchun sharaf ekanligini ta’kidlab o‘tdi. Tadbir davomida talabalar tomonidan tomoshabinlarga xushkayfiyat ulashish maqsadida milliy raqslar, Vatanni madh etuvchi she’r va kuy-qo‘shiqlar hamda samimiy tabriklar taqdim etildi.