Welcome to buxdu   Click to listen highlighted text! Welcome to buxdu Powered By GSpeech

Qo`shma ta`lim dasturi

Qo‘shma ta’lim dasturini tashkil etishning huquqiy asoslari.

 Buxoro davlat universitetida 2019-2020 o‘quv yilida 4 ta xorijiy hamkor OTM bilan 4 ta bakalavriat yo‘nalishida hamda 3 ta magistratura mutaxassisligida qo‘shma o‘quv dasturlari ishlab chiqilgan.

Ayni paytda, qo‘shma dasturlarda jami 224 nafar, shu jumladan 4 ta bakalavriat dasturida 193 nafar, 3 ta magistratura mutaxassisligida 31 nafar talaba ta’lim olmoqda. Bakalavriat talabalaridan 1 nafari Rossiya fuqarosi, magistrant talabalarning 11 nafari Indoneziya fuqarosi.

 

a) Fransiyaning VATEL mehmonxona va turizm biznes-maktabi bilan hamkorlikdagi "Menejment (xalqaro mehmonxona menejmenti)" bakalavriat ta’lim yo‘nalishi bo‘yicha 87 nafar talaba ta’lim olmoqda.

  • Buxoro davlat universiteti va VATEL biznes-maktabi o‘rtasida 03.07.2019 yilda imzolangan hamkorlik memorandumi;
  • VATEL biznes-maktabi franshizasini olish bo‘yicha 03.07.2019 yilda imzolangan kelishuv;
  • Qo‘shma ta’lim dasturini amalga oshirish bo‘yicha Buxoro viloyati hokimining 19.07.2019 yildagi 389-sonli qarori;
  • BuxDU va VATEL biznes-maktabi hamkorligida 29.06.2019 yilda tasdiqlangan o‘quv reja.

            2019-2020 o‘quv yili to‘liq ingliz tili tayyorgarligi shaklida o‘tkaziladi, o‘quv yili oxirida biznes-maktab vakillari ishtirokida keyingi kursga o‘tkazish imtihonlari o‘tkaziladi. 2-4 kurslar davomida ta’lim ingliz tilida, mutaxassislik fanlari bo‘yicha olib boriladi. Talabalar bir yoki ikki semestr davomida biznes-maktabning jahondagi 60 ta filiallaridan birida o‘qish imkoniyatiga egalar.  

           

b) Isroilning Xolon texnologiya instituti bilan hamkorlikdagi "Amaliy matematika va informatika" hamda "Informatika va axborot texnologiyalari" bakalavriat ta’lim yo‘nalishi bo‘yicha 66 nafar talaba ta’lim olmoqda.

  • Buxoro davlat universiteti va Xolon texnologiya instituti o‘rtasida 13.05.2019 yilda imzolangan hamkorlik memorandumi va talaba almashinuvi bo‘yicha kelishuv;
  • Buxoro davlat universiteti va Xolon texnologiya instituti o‘quv ishlari bo‘yicha prorektorlar tomonidan tasdiqlangan "Amaliy matematika va informatika" hamda "Informatika va axborot texnologiyalari" bakalavriat ta’lim yo‘nalishlari o‘quv rejalari.

            2019-2020 o‘quv yili to‘liq ingliz tili tayyorgarligi shaklida o‘tkaziladi, o‘quv yili oxirida Xolon texnologiya instituti vakillari ishtirokida keyingi kursga o‘tkazish imtihonlari o‘tkaziladi. 2-4 kurslar davomida ta’lim ingliz tilida, mutaxassislik fanlari bo‘yicha olib boriladi. XTIda 3 semestr davomida o‘qish talabi qo‘yilgan.

 

v) Rossiyaning Qozon federal universiteti bilan hamkorlikdagi "Iqtisodiyot" bakalavriat ta’lim yo‘nalishi bo‘yicha 39 nafar talaba ta’lim olmoqda.

  • Buxoro davlat universiteti va Qozon federal universiteti o‘rtasida imzolangan anglashuv memorandumi;
  • Buxoro davlat universiteti va Qozon federal universiteti o‘rtasida imzolangan ikki tomonlama ta’lim bo‘yicha shartnoma;
  • Qozon federal universiteti tomonidan taqdim qilingan o‘quv reja va ishchi dasturlar.

            2022-2023 o‘quv yilida talabalar Qozon federal universitetiga 1 yil mobaynida ta’lim olishga yuboriladi.

 

d) Moskva davlat universiteti bilan hamkorlikdagi "Psixologiya" (4 nafar) va "Amaliy matematika va informatika" (9 nafar) magistratura mutaxassisliklarida jami 13 nafar talaba ta’lim olmoqda.

  • Buxoro davlat universiteti va Moskva davlat universiteti o‘rtasida 18.10.2019 yilda imzolangan hamkorlik kelishuvi;
  • Buxoro davlat universiteti va Moskva davlat universiteti o‘rtasida 20.06.2019 hamda 05.08.2019 yilda imzolangan qo‘shma o‘quv dasturi bo‘yicha kelishuv;
  • Moskva davlat universiteti tomonidan taqdim etilgan hamda BuxDU tomonidan tasdiqlangan o‘quv rejalari;

            2020-2021 o‘quv yilida talabalar Moskva davlat universiteti Toshkent filialida o‘qishlarini davom ettirishadi.

 

  1. e) Indoneziyaning Gunadarma universiteti bilan hamkorlikdagi "Turizm (raqamli turizm)" magistratura mutaxassisligida 18 nafar talaba ta’lim olmoqda. Indoneziya tomonidan 11 nafar talaba o‘qishga qabul qilangan.

Buxoro davlat universiteti va Gunadarma universiteti universiteti o‘rtasida 22.04.2019 yilda imzolangan hamkorlik kelishuvi;

  • Buxoro davlat universiteti va Gunadarma universiteti o‘rtasida 29.05.2019 yilda imzolangan qo‘shma o‘quv dasturi bo‘yicha kelishuv hamda o‘quv rejasi.

            Talabalar 1-semestrda Indoneziyada ta’lim olishmoqda. 2020 yilning mart oyida BuxDUga 2-semestr uchun qaytib kelishlari, 2020 yilning sentabr oyida Indoneziyaga 3-semestr uchun jo‘nab ketishlari hamda bitiruv oldi amaliyoti o‘tashlari va magistrlik dissertatsiyasi tayyorlashlari rejalashtirilgan.

Uzbek mobile menu

BuxDU ATM tomonidan ishlab chiqildi.
Click to listen highlighted text! Powered By GSpeech