Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

Buxoro davlat universiteti delegasiyasining Rossiya OTMlariga tashrifi

Buxoro davlat universiteti rektori, prof. A.A.To’laganov boshchiligidagi delegasiya joriy yilning 20-27 may kunlari Rossiyaning Moskva va Qozon universitetlarida rasmiy safarda bo’lib qaytdi.

21-22 may  kunlari Moskva pedagogika davlat universiteti (MPDU) vakillari bilan uchrashuv o’tkazildi. BuxDU rektori A.A.To’laganov tomonidan O’zbekistonda oliy ta’lim sohasida amalga oshirilayotgan islohotlar, erishilgan muvaffaqiyatlar, kelgusi rejalar hamda BuxDU haqida ma’lumotlar berildi. O’zaro hamkorlik o’rnatish masalasi, xususan professor-o’qituvchilar, tadqiqotchilar hamda talabalar almashinuvini yo’lga qo’yish, ilmiy sohada hamkorlik qilish bo’yicha takliflarni bildirdi.

MPDUning birinchi prorektori Dronov Viktor Pavlovich universitet faoliyati bilan tanishtirib o’tdi. MPDUning  Xalqaro hamkorlik boshqarmasi boshlig’i o’rinbosari Morozova Olga Aleksandrovna universitet bugungi kunda dunyoning 150 dan ortiq ilmiy va ta’lim muassasalari bilan hamkorlik  shartnomalari asosida ishlar olib borilayotgani, shuningdek, Erasmus+ loyihalari doirasida muvaffaqiyatli ravishda tadqiqotlar  amalga oshirilganligini ta’kidlab o’tdi. Uchrashuvlar natijasida MPDU bilan Buxoro davlat universiteti o’rtasida “Yo’l xaritasi” tuzildi. BuxDU tomonidan taqdim qilinadigan ehtiyoj ma’lumoti asosida MPDU BuxDUga yuborilishi mumkin bo’lgan professor-o’qituvchilar nomzodini aniqlashda yordam ko’rsatadi. MPDU Pedagogika, Kimyo-biologiya, Filologiya  yo’nalishlarida ilmiy va uslubiy hamkorlik o’rnatilishini to’liq qo’llab-quvvatlab, hamkorlikdagi ilmiy tadqiqotlar mavzulari belgilab olindi.

23 may kuni M.V.Lomonosov nomidagi Moskva davlat universiteti (MDU) vakillari bilan uchrashuv o’tkazildi. Uchrashuv jarayonida Moskva davlat universiteti xalqaro hamkorlik ishlari  bo’yicha prorektori Mazey Yuriy Aleksandrovich delegasiya a’zolarini universitet faoliyati bilan tanishtirdi. MDU Rossiyaning va jahonning etakchi universitetlaridan biri bo’lib, u turli reytinglarda doimiy ravishda yuqori 200 talikdan o’rin egallab kelmoqda.

Universitetning Xalqaro aloqalar boshqarmasi boshlig’i o’rinbosari  Tutberidze Irina Davidovna universitetda xalqaro hamkorlikka alohida e’tibor qaratib, Buxoro davlat universiteti va mamlakatimizning boshqa OTMlari bilan aloqalarni kengaytirishdan manfaatdor ekanliklarini ma’lum qildi. Uchrashuv natijasida Moskva davlat  universiteti bilan Buxoro davlat universiteti o’rtasida  Anglashuv memorandumi imzolandi. BuxDU tomonidan taqdim qilinadigan ehtiyoj ma’lumoti asosida Moskva davlat universiteti BuxDUga yuborilishi mumkin bo’lgan professor-o’qituvchilar nomzodini aniqlashda yordam ko’rsatadi. Moskva davlat universiteti qator yo’nalishlarda (kimyo, fizika, matematika, biologiya)  ilmiy va uslubiy hamkorlik o’rnatilishini to’liq qo’llab-quvvatlaydi, hamkorlikdagi ilmiy tadqiqotlar mavzulari belgilab olinadi.

24 may  kuni Qozon federal universiteti hamda Qozon davlat arxitektura-qurilish universiteti vakillari bilan uchrashuv o’tkazildi. Qozon davlat arxitektura-qurilish universiteti rektori Rashid Nizomov universitetning  tarixi va bugungi kun  faoliyati bilan tanishtirib o’tdi. Uchrashuv natijasida Qozon davlat arxitektura-qurilish  universiteti bilan Buxoro davlat universiteti o’rtasida o’zaro hamkorlik  shartnomasi  imzolandi. Muhandislik tizimi va ekologiya fakulteti bilan BuxDU Tabiiy fanlar fakulteti Ekologiya kafedrasi  hamkorlikda ilmiy seminarlar, ilmiy-nazariy konferensiyalar, master-klass o’tkazish, talaba, o’qituvchi va ilmiy xodimlar almashinuvi, malaka oshirish va qayta tayyorlash markaziga ekologiya sohasidagi mashhur olimlarni taklif qilish, hamkorlikdagi ilmiy tadqiqot ishlarida ishtirok etish masalalari muhokama qilindi.

Delegasiya 2018 yil 27 may kuni O’zbekistonga qaytib keldi.

 

 

 

 

 

 

 

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech