Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Ingliz tili o’qituvchilarining akademik ko’nikmalarini rivojlantirish

    O’zbekiston respublikasi Oliy va o’rta maxsus ta’lim vazirligi hamda Britaniya Kengashi tomonidan trenerlik sertifikatiga ega bo’lgan Buxoro davlat universiteti Ingliz tili va adabiyoti kafedrasi o’qituvchisi Aziza Yunusova BuxDU ingliz tili o’qituvchilarining kasbiy mahoratlarini rivojlantirishga o’z hissasini qo’shish maqsadida oliy ta’lim muassasalari o’qituvchilarining akademik o’qish va yozish ko’nikmalarini rivojlantirish bo’yicha 3 kunlik trening  tashkil etdi.

      Trening Lankaster universiteti (Buyuk Britaniya) orqali Birlashgan Qirollikning Iqtisodiy va Ijtimoiy fanlar bo’yicha izlanishlar konsulligi (ESRC) homiyligi asosida O’zbekiston Ingliz tili O’qituvchilari Uyushmasi (UzTEYE) hamkorligida BuxDUda tashkil etildi. Treningda BuxDU ingliz tili va adabiyoti kafedrasi, fakultetlararo chet tillar kafedrasi professor-o’qituvchilari va magistrantlar qatnashib, akademik o’qish va yozishni o’qitishda zarur bo’lgan bilim va ko’nikmalarni kengaytirishga xizmat qiluvchi materiallar bilan ta’minlandilar. Trening O’zbekistondagi 100 nafar akademik ingliz tili o’qituvchilari orasida o’tkazilgan so’rovnoma natijalari (akademik o’qish va yozish ko’nikmalarini o’qitishdagi qiyinchiliklari) asosida tashkil etildi.

    Ingliz tili va adabiyoti kafedrasi o’qituvchilari Aziza Yunusova va Nargisa Qobilovalar tomonidan 2018 yil 4-6 aprel kunlari tashkil qilingan treningda Ingliz tili va adabiyoti kafedrasidan 14 nafar, Chet tillar kafedrasidan 10 nafar o’qituvchi va ingliz tili va adabiyoti kafedrasining 1 nafar magistranti qatnashdilar. Yunusova Aziza tomonidan o’tkazilgan mashg’ulotlar ma’lumotlarga boy va unumdor bo’ldi. Qatnashuvchilar mavzular dolzarbligi, mashg’ulotlarga izchil tayyorgarlik ko’rilganligi guvohi bo’lishdi. Mashg’ulotlar to’liq interfaol usullar va to’g’ridan-to’g’ri internet tarmog’iga ulanib o’tkazildi. Bu proekt jahonda o’zining yuqori saviyasi va salohiyati bilan mashhur  Lankaster universiteti hamkorligida tashkil etilganligi O’zbekiston va ayniqsa Buxoro o’qituvchilari uchun ahamiyati kattadir.

    3 kun mobaynida o’tkazilgan seminarda qatnashgan har bir o’qituvchining yozish ko’nikmasini professional ko’nikmaga aylantirish istaklarining kuchli ekanligi yaqqol ko’zga tashlandi. Bildirilgan mulohazalar o’qituvchilarning nafaqat kommunikativ til o’rgatish bo’yicha malakasini rivojlantirishda, balki jahon miqyosidagi etuk olimlar bilan ilmiy aloqalar o’rnatishi uchun bunday treninglarning o’rni juda muhimligini ko’rsatadi.

O’zbekiston Respublikasi Prezidentining 2017 yil 20 aprelda qabul qilingan 2909-raqamli «Oliy ta’lim tizimini yanada rivojlantirish chora-tadbirlari to’g’risida»gi qarori uzluksiz ta’lim tizimini rivojlantirish, mamlakatimizning izchil rivojlanib borayotgan iqtisodiyotini yuqori malakali kadrlar bilan ta’minlash, barcha hududlar va tarmoqlarni strategik jihatdan kompleks rivojlantirish masalalarini hal qilish borasida oliy ta’lim tizimi ishtirokini kengaytirish yo’lidagi yana bir muhim amaliy qadamdir.

     Qarorda belgilangan vazifalarning samarali echimini to’liq ta’minlash maqsadida oliy ta’lim darajasini sifat jihatidan oshirish va tubdan takomillashtirish uchun ham  Aziza Yunusova tashkillashtirgan trening ta’lim sohasidagi islohotlarni  xalqaro standartlarga moslashtirishga qaratilgan Prezident qarorida ilgari surilgan talablarning yo’lga qo’yilishini ta’minlagan bo’lardi. 

 

 

 

 

 

 

Mehriniso Raxmatova

Ingliz tili va adabiyoti kafedrasi katta o’qituvchisi

 
 
 
Top
BuxDU ATM tomonidan ishlab chiqildi.
Click to listen highlighted text! Powered By GSpeech