Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Bolaga qachondan boshlab pul berish kerak?

      Shu o‘rinda oila muhitiga nihoyatda katta ta‘sir qiluvchi, umuman ilmiy adabiyotlarda ham turli munozaralarga sabab bo‘lgan va bo‘ladigan masalalardan biri - "bolaga qachondan boshlab uning shaxsiy xarajatlariga pul berish mumkin", degan masalaga to‘xtalsak..

      Ruhiy muhiti sog`lom oilalarda bu masala aloqida muammo bo‘lib o‘rtada turmaydi. Chunki mol-mulk, pul-xarajat oilada ayol va erkakning umumiy roziligi, ya‘ni, bizning Sharq oilalarida otalar, ya‘ni erkaklarning izn va ixtiyorlarida bo‘ladi. Bu degan so‘z ayollar pul-xarajat masalalaridan butunlay chetlatilgan, degan gap emas.
      Odatda, naqd pul oilada onaning qo‘lida bo‘lib, erkaklar xoxlaganicha olib xarajat qilishadi. Shu bilan birga katta xarajatlar albatta, bamaslahat qilinadi, maydalari esa erkaklarning burchi sanaladi. Chunki bozordan yuk ko‘tarib yurishlar ayollarga og`ir.
        Biz bu mulohazalarni ataylab hozir qisqa va zarurat uchun keltirdik, xolos. Chunki hozirgi mavzumiz bolaga qachon va qancha pul berishda.
       Bolangiz pulga qizg`anchiq bo‘lib o‘smasin desangiz undan pulni yashirmang. Shu bilan birga u yoshligidan sizning savdo qilgan paytlaringizni ko‘rsin. Demak, u bilan bozor, magazinlarga birga chiqishni unutmang. Albatta, bola bozor yoki magazinda biron narsani ko‘rib, olib bering, deb xarxasha qilishi mumkin. Shunday paytda pulingiz hozircha yetmasligini ayting. U albatta, payti kelib kattalar pulni qayerdan olishini so‘raydi. Siz o‘shanda ishlab topishingizni aytasiz. Buning tarbiyaviy ahamiyati nihoyatda katta bo‘ladi.
      Oilada bolaga pul muomalasini o‘rgatishda ehtiyot bo‘ladigan tomon shundaki, pulni bolaga zaruriyat tuzilganda bir kishi bergani ma‘qul. Agarda bola biron marotaba, aytaylik muzhaymoq olishga pulni onasidan bir va dadasidan bir undirsa, shu zahotiyoq bunday imkoniyatni u abadiy yodiga singdiradi. Va har bir iloji topilgan payti har ikkalasidan pul undirishga harakat qiladi.
      Bu o‘rinda, ba‘zi hollarda uchrab turadigan, bolaga dadasidan yashirib pul beruvchi onalar o‘z bolalariga yaxshilik qilayapti, deb ayta olmaymiz. Umuman har qancha yashirincha qilingan ishning bolaga salbiy ta‘sir qilishini unutmaslik kerak.

Top
BuxDU ATM tomonidan ishlab chiqildi.
Click to listen highlighted text! Powered By GSpeech