Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Sog‘lom turmush tarzi yo‘lida birlashaylik

Bugungi kun yoshlari nafaqat jismonan, balki ruhan sog‘lom bo‘lishlari uchun ham oliygohimizda katta imkoniyatlar ochilgan. O‘tgan vaqt mobaynida talabalarning ruhiy xotirjamligi, vaqtdan unumli foydalanish, oilada ota-ona va farzand o‘rtasidagi  munosabatni o‘rganish uchun talabalardan bir necha marta so‘rovlar hamda test savollari olindi. Olingan natijalar chuqur o‘rganib chiqildi. Har bir guruhga alohida baho berildi.

Ushbu natijalardan kelib chiqib talabalarning, ayniqsa 1 kurs talabalarining sog‘lom turmush tarzini yo‘lga qo‘yishda ko‘maklashish maqsadida ular bilan uchrashuvlar tashkil etilmoqda.
Kuni kecha Buxoro davlat Universiteti Pedagogika fakulьtetining 1 kurs talabalari bilan “Sog‘lom turmush tarzi yo‘lida birlashaylik” loyihasi doirasida uchrashuv bo‘lib o‘tdi. Uchrashuvda BuxDU psixologlari D.Hamdamova hamda F.Ganjiyevlar ishtirok etishdi.
Psixologlar talabalarga talabaning sog‘lom turmush tarzi qanday bo‘lishi to‘g‘risida tushuncha berdilar. Chunki birinchi kurs talabalari hali mustaqil hayot kechirishga moslashmaganliklari sababli, vaqtdan unumli foydalanishda, o‘z-o‘ziga xizmat qilishda, to‘g‘ri va foydali ovqatlanishda, bo‘sh vaqtini foydali o‘tkazishda, shu bilan birga darslarda faol ishtirok etishda bir muncha muammolarga duch kelishlari tabiiy. Shu sababli ham psixologlar tomonidan tashkil etilayotgan bunday uchrashuvlar talabalarning ruhiy zo‘riqishlarining oldini olishga katta yordam beradi.
Psixologlar kunlik reja tuzish va unga qat‘iy amal qilish, kunlik rejada dars tayyorlash bilan birga yetarlicha uxlab dam olish, badiiy kitoblar o‘qish, kerakli vaqtda ovqatlanish, toza havoda sayr qilishga vaqt ajratish,  kayfiyatni ko‘tarishga yordam beradigan faoliyat bilan shug‘ullanish kishilarning ruhiy zo‘riishining oldini olishga yordam berishini aytib o‘tishdi. Shu bilan birga jahli chiqayotganini sezayotganda 15-20 marta chuqur nafas olish, 50 gacha sanash, juda jahldor bo‘lsa qo‘liga rezinka taqib yurish va jahli chiqqanda uni bir necha marta tortib, qo‘yib yuborish va shu mashqlardan foydalanib jahlini jilovlash kabi mashqlar insonning bo‘lar-bo‘lmasga asabiylashishi oldini olishga yordam berishi, agar bu mashqlar yordam bermasa albatta psixolog qabuliga borish lozimligini uqtirishdi.
         Uchrashuv so‘nggida talabalar o‘zlarini qiziqtirgan savollarga javob olishdi.       
     Uchrashuv juda qiziqarli va faol o‘tdi.

                                                    BuxDU psixologlari             D.Hamdamova
                                                                                                     F.Ganjiyev

Top
BuxDU ATM tomonidan ishlab chiqildi.
Click to listen highlighted text! Powered By GSpeech