Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Oliy ta‘lim muassasalariga o‘qishga kirish uchun test sinovlari muddati 1 avgustdan 15 avgustgacha ikki smenada o‘tkaziladi

    Oliy ta‘lim muassasalariga o‘qishga qabul qilish tartibini yanada takomillashtirish to‘g‘risidagi Hukumat qarori (VMQ-261, 03.04.2018 y.) qabul qilindi.

     Qaror bilan tasdiqlangan Oliy ta‘lim muassasalarining bakalavriatiga o‘qishga qabul qilish uchun kirish test sinovlarini o‘tkazish tartibi to‘g‘risidagi nizomga asosan:
    o‘qishga qabul qilish to‘g‘risidagi arizalar esa har yili 15 iyundan 15 iyulgacha qabul qilinadi;test sinovlari har yili 1 avgustdan 15 avgustga qadar, kuniga ikki smenda o‘tkaziladi. Bunda 1-smena 8:00 da, ikkinchi smena 15:00 da boshlanadi;
    abituriyent test sinovlari o‘tkaziladigan kuni binoga tegishli hududga soat 07:00 (ikkinchi smena soat 13:00) gacha, binoga soat 07:30 (ikkinchi smena soat 13:30) gacha faqat abituriyent ruxsatnomasi va pasporti bilan shaxsni identifikatsiyalash vositalari hamda  videofiksatsiya qurilmalari orqali tartibli ravishda kirishi lozim;
   test sinovlari Toshkent shahridagi “O‘zekspomarkaz” milliy ko‘rgazmalar majmuasi pavilьonlarida va uning hududida o‘rnatiladigan qo‘shimcha yig‘ma pavilьonlarda, shuningdek, katta sig‘imdagi boshqa binolarda, viloyat markazlarida esa - olimpiya zaxiralari kollejlari yoki boshqa tashkilotlarning katta sig‘imdagi binolarida o‘tkaziladi;
    test topshiriqlarini bajarish uchun (javoblar varaqasini to‘ldirish bilan birga) 30 ta test topshirig‘iga 1 soat, 60 ta test topshirig‘iga 2 soat, 90 ta test topshirigiga 3 soat vaqt beriladi;
   test sinovlari natijasidan norozi bo‘lgan abituriyentlar 20 avgustdan 30 avgustgacha bo‘lgan muddatda O‘zbekiston ta‘lim muassasalariga o‘qishga qabul qilish bo‘yicha davlat komissiyasi tomonidan tasdiqlangan apellyatsiya komissiyasiga yozma yoki elektron shaklda apellyatsiya shikoyatini berish huquqiga ega bo‘ladi.
  

   Shuningdek, mazkur qaror bilan bakalavriatga test sinovlarisiz, kasbiy(ijodiy) imtihonlar orqali o‘qishga qabul qilish bo‘yicha ta‘lim yo‘nalishlari ro‘yxati tasdiqlandi.

  

Manba:https://t.me/huquqiyaxborot

Top
BuxDU ATM tomonidan ishlab chiqildi.
Click to listen highlighted text! Powered By GSpeech