Buxoro davlat universiteti Ilmiy kengashi va ilmiy kotibiyat bo’limi to’g’risida

O’zbekiston Respublikasi Oliy  va o’rta maxsus ta’lim vazirligining  tegishli buyrug’i bilan  tasdiqlangan Oliy o’quv yurtining  ilmiy Kengashi  to’g’risidagi  Nizom asosida  Buxoro Davlat universiteti  Ilmiy  Kengashi tashkil etilgan va hozirgi kunda o’z faoliyatini olib bormoqda. Kengashning vakolat muddati – 5 yil.

Universitet ilmiy Kengashi yig’ilishlari 12 iyun 2014 yildan boshlab professor A.A. To’laganov  rahbarligida o’tkazilmoqda. Ilmiy kengash tarkibida 30 nafar a’zo bo’lib, ular universitet  rektorining buyrug’i bilan  tasdiqlangan (1-jadval). Ilmiy kengash tarkibi o’quv yilining boshida ko’rib chiqildi va lavozim vazifalariga ko’ra yangi a’zolar  saylandi. Hozirgi kunda ilmiy Kengash tarkibida universitet rektori, 5 ta prorektorlar, 7 ta fakultet dekanlari, Pedagog kadrlarni qayta tayyorlash va malakasini oshirish mintaqaviy markazi direktori, Xodimlar kasaba uyushma  qo’mitasi raisi, universitet huzuridagi Qorakul akademik lisey direktori, Davlat ITD bo’yicha bajarilayotgan Grant ilmiy rahbarlari, etuk professor va dosentlar faoliyat ko’rsatmoqda.

1-jadval.

Buxoro davlat universiteti ilmiy Kengashi a’zolari

 (2015-2016 o’quv yili)

T/R

Familiyasi va

ismi –sharifi

 L a v o z i m i

1.

To’laganov Abdukabil Abdunabievich

Universitet rektori,  ilmiy   kengash   raisi 

2.

Durdiev Durdimurod Kalandarovich

O’quv ishlari bo’yicha prorektor, ilmiy   kengash   raisi  o’rinbosari

3.

Saidov Azamat Ismoilovich

AL va KHK bilan ishlash bo’yicha prorektor

4.

Kadirov Arif Mahmudovich

Ma’naviy-ma’rifiy ishlar bo’yicha prorektor

5.

Samiyev Kamoliddin A’zamovich

Ilmiy ishlar bo’yicha prorektor

6.

Rahimov Olim Hamidovich

Moliya va iqtisod ishlari bo’yicha prorektor

7.

Qahhorov Siddiq Qahhorovich

Xodimlar kasaba uyushma  qo’mitasi raisi, professor

8.

Sobirov Tolib Ro’ziyevich

O’U boshqarma boshlig’i

9.

Adizov Baxtiyor Raxmonovich

Universitet huzuridagi pedagogik kadrlar MO va QT mintaqaviy markazi direktori

10.

Artikova Hafiza  To’ymurodovna

Tabiiy fanlar fakulteti dekani

11.

Barotov Sharif Ramazonovich

Pedagogika fakulteti  dekani

12.

Ochilov O’tkirbek Sayfullayevich

Ijtimoiy-iqtisodiy fakultet dekani

13.

Saidov Aybek Azadovich

Chaqiriqqacha harbiy ta’lim fakulteti boshlig’i, polkovnik

14.

Ma’murov Bahodir Baxshullayevich

Jismoniy madaniyat fakulteti dekani

15.

Mirzaev Shavkat Mustaqimovich

Fizika-matematika fakulteti dekani

16.

Haydarov Anvar Askarovich

Filologiya fakulteti dekani

17.

Amonov Muxtor Rahmatovich

Kimyo kafedrasi mudiri,  professor

18.

Axmedova Shoira Ne’matovna

O’zbek tili va adabiyoti kafedrasi mudiri

19.

Jo’rayev Davron  Rahmonovich

Fizika  kafedrasi professori

20.

Jumayev To’xtamurod

Universitet huzuridagi Qorakul akademik lisey direktori

21.

Ixtiyarova Gulnora Akmalovna

Kimyo  fanlari doktori

22.

Navro’z-zoda Baxtiyor Ne’matovich

Turizm  kafedrasi professori

23.

Raxmonov Hamroqul Oqievich

Iqtisod fanlari doktori

24.

To’rayev Halim Hojiyevich

Tarix kafedrasi professori

25.

Umarov Baqo Bafoyevich

Davlat ITD bo’yicha bajarilayotgan Grant ilmiy rahbari, k.f.d., professor

26.

O’rayeva Darmon Saidaxmedovna

O’zbek tili va adabiyoti kafedrasi professori

27.

Hayitov Shodmon Ahmedovich

Tarix kafedrasi professori

28.

Ergashov Mansur Yarashovich

Monitoring va ichki nazorat b/b.

29.

Choriyev Tavakkal Ravshanovich

Boshlang’ich va maktabgacha ta’lim uslubiyoti kafedrasi dosenti

30.

Toshov Xudoynazar Ramazonovich                                                

ilmiy kengash kotibi

Universitet ilmiy Kengashning asosiy vazifasi   Buxoro davlat universiteti jamoasi sayd – harakatlarini birlashtirishdan iborat bo’lib, birinchi yig’ilishda Kengashning yillik ish rejasi va tarkibi tasdiqlab olindi. 2011 – 2015 yillar davomida ilmiy Kengashning 50 ta navbatdagi va navbatdan tashqari yig’ilishlari o’tkazilgan.

Kengash yig’ilishlarida Kadrlar tayyorlash Milliy dasturini amalga oshirish, zamonaviy  pedagogik texnologiya  va kompyuterlashtirish  asosida yuqori  sifatli bakalavr  va magistrlar  tayyorlashni  ta’minlash, ilmiy tadqiqotlarni yanada rivojlantirish, yoshlarda vatanparvarlik, fuqarolik, o’z Vatani bilan  faxrlanish, ma’naviy – ma’rifiy va madaniy xususiyatlarni shakllantirish kabi ustuvor vazifalarni ko’rib chiqish rejalashtirildi.

Shuningdek, universitet ilmiy Kengashi har oylik yig’ilishlarda universitet jamoasi tomonidan Kadrlar tayyorlash Milliy dasturiga muvofiq davlat  ta’lim standartlari, o’quv rejalar va dasturlarning  qat’iy bajarilishini, fakultetlarning o’quv ilmiy- tadqiqot va  ma’naviy – ma’rifiy ishlari to’g’risidagi  hisobotlarini, liseylar, oliy o’quv yurti qoshidagi  ilmiy jamiyatlarning faoliyati to’g’risidagi hisobotlarni, universitetga qabul natijalari to’g’risida qabul  komissiyasining, respublika iqtisodiyotining bitiruvchi  mutaxassislarga ega bo’lgan ehtiyoji, buyurtmalar bilan aloqalar  to’g’risida  marketing  xizmatining  xisobotlarini ko’rib chiqib tegishli qarorlar qabul qilmoqda.

Universitet ilmiy Kengashi yil davomidagi yig’ilishlarida talabalarning yillik malakaviy  amaliyotiga  yakun yasab va ularni yaxshilash bo’yicha tavsiyalar berish, ilmiy-tadqiqot, ma’naviy – ma’rifiy  ishlarning  rejalari va pedagog-xodimlar tarkibining malaka oshirish  masalalarini  muhokama  etdi. Yig’ilish qarorlari ijrosi sifatida malakaviy amaliyotlarni o’tash joylari hamda BMI va MD mavzulari bevosita ish beruvchilar bilan hamkorlikda tanlandi. 2015-2016 o’quv yilining birinchi yarmida universitet pedagog-xodimlaridan 30 ga yaqini Toshkent shahridagi OTM huzuridagi hamda Buxoro Davlat universiteti huzuridagi pedagogik kadrlar MO va QT mintaqaviy markazlarida malaka oshirib qaytdilar.

Universitet ilmiy Kengashi tomonidan ko’rib chiqilgan va O’zbekiston Respublikasi Oliy va o’rta maxsus ta’lim vazirligi huzuridagi darslik va o’quv qo’llanmalarni nashr etish bo’yicha Muvofiqlashtiruvchi kengash muhokamasiga taqdim etilgan 2 ta darslik, 20 dan ortiq o’quv qo’llanmalar nashr etildi.

Universitet ilmiy Kengashi tomonidan “Oliy o’quv yurtlari pedagogik xodimlarni ishga qabul qilish  tartibi to’g’risida”gi  Nizomga hamda  vazirlikning 2015 yil 29 avgustdagi “O’zbekiston Respublikasi Vazirlar Mahkamasining 2015 yil 25 avgustdagi “O’zbekiston Respublikasi Hukumatining ayrim qarorlariga pedagogik faoliyat samaradorligi va sifatini oshirish bilan bog’liq o’zgartirish va qo’shimchalar kiritish to’g’risida”gi  246-sonli qarori ijrosini ta’minlash to’g’risida”gi 319-sonli buyrug’iga muvofiq pedagog-xodimlar lavozimlarini egallashlari uchun tanlovlar muntazam o’tkazilmoqda. 2013 yillar davomida 289 nafar pedagog-xodimlar (kafedra mudiri, professor, dosent, katta o’qituvchi, o’qituvchi (assistent), o’qituvchi-stajyor lavozimlariga) tanlovdan o’tgan. Shulardan, 14 nafari kafedra mudiri, 10 nafari professor, 50 nafari dosentlik lavozimlariga saylangan.

Universitet ilmiy Kengashi tomonidan 2014-2015 o’quv yili davomida O’zbekiston Respublikasi Oliy attestasiya komissiyasiga dosent ilmiy unvoni olishga ariza bergan 3 nafar talabgorning hujjatlarini  ko’rib chiqildi va tavsiya berildi. Bugungi kunda OAK tomonidan ular dosent ilmiy unvoniga tasdiqlandi.

Universitet ilmiy Kengashi yig’ilishlarida mustaqil tadqiqotchilarning 27 nafari, katta ilmiy xodim izlanuvchilarning  17 nafarini doktorlik dissertasiyasi mavzulari va ilmiy maslahatchilari muhokama qilinib tasdiqlandi.

   Ilmiy kengash yig’ilishlarida prorektorlar, o’quv-uslubiy boshqarma va boshqa bo’limlarning yillik hisobotlari ko’rib chiqiladi.

N.Shukrillaev, Sh.Axmedova, S.Abdullaev, Sh.Sulaymonov, B.Jo’raeva, S.Nazarova, N.Raximov va boshqalar ilmiy Kengashga turli davrlarda kotiblik lavozimida faoliyat olib borganlar.

     Ilmiy kengash faoliyatiga doir barcha hujjatlar ilmiy kotibiyat bo’limi tomonidan rasmiylashtiriladi. 2013 yildan geografiya fanlar nomzodi dosent X.R.Toshov kotibiyat bo’limi boshlig’i lavozimida faoliyat olib bormoqda.

 

Toshov Xudoynazar Ramazonovich

Buxoro davlat universiteti Kotibiyat bo’limi boshlig’i

1960 yil, 17 noyabrda Buxoro tumanidagi Shexlar qishlog’ida tug’ilgan.

1968 – 1978 yillar Buxoro tumanidagi 1-sonli Pushkin nomli maktabda o’qidi.

1978 – 1983 yillarda Buxoro davlat pedagogika instituti (hozirgi BuxDU) ning geografiya-biologiya ta’lim yo’nalishida tahsil olib, imtiyozli diplom bilan tamomladi.

Xudoynazar Toshov ustozi I.Q. Nazarovning ilmiy rahbarligida 1990 yildan boshlab Buxoro viloyati cho’l-yaylov zonasining mahalliy suv va yaylov imkoniyatlarini o’rgandi hamda 2008 yil 15 mayda Gidrometeorologiya ilmiy-tadqiqot instituti huzuridagi Ixtisoslashgan kengashda “Cho’l landshaftlari va ularning agroimkoniyatlaridan samarali foydalanish (Buxoro viloyati misolida)” (11.00.01-Tabiiy geografiya, landshaftlar geofizikasi va geokimyosi) mavzusida nomzodlik dissertasiyasini himoya qildi. 2010 – 2011 yillarda geografiya kafedrasi mudiri lavozimida ishladi. U 2012 yildan dosent ilmiy unvoniga ega.Buxoro davlat universiteti Tuproqshunoslik va geografiya kafedrasi dosenti, geografiya fanlari nomzodi. U geografiya ta’lim yo’nalishi talabalariga landshaftshunoslik, jahon geografiyasi, geografiya fanining asosiy muammolari fanlaridan ma’ruza va amaliy mashg’ulotlar o’tadi.

X.Toshov 2013 yil sentyabr oyida Latviya davlat universitetining “Geografiya va Yer haqidagi fanlar” fakultetida malaka oshirdi. Shu bilan birga geografiya bo’limida tahsil olayotgan latviyalik magistrantlarga “Geoekologiya”dan ma’ruzalar o’qidi.

 2014 yil may oyida Moskva davlat pedagogika universitetida akademik V.P.Maksakovskiy tavalludining 90 yilligiga bag’ishlab o’tkazilgan xalqaro konferensiyada ma’ruzasi bilan qatnashdi.

 Hozirgi kunda universitet ilmiy kengashi kotibi lavozimida faoliyat ko’rsatmoqda. 100 dan ortiq ilmiy va uslubiy ishlar muallifi.

2015 yilda X.Toshov Sh.Zokirovlarning hammualliflikdagi Landshaftshunoslik o’quv qo’llanmasi va Geografiya tarixi nomli monografiyasi chop etildi. Shuningdek, X.Toshov Amaliy geografiya, Avstraliya Ittifoqi geografiyasi, Jahon geografiyasi, Ma’rifat beshigi, E’tiqod, Ma’rifatdan topilgan tole, geograf olim – I.Nazarov nomli o’quv uslubiy hamda ma’naviy-ma’rifiy kitoblarning muallifi va hammuallifidir.

X.Toshov O’zbekiston, Rossiya, Qozog’iston va Latviya davlatlaridagi universitetlarning geograflari bilan doimiy ilmiy hamkorlikda faoliyat olib bormoqda.

X.Toshov mamlakatimiz mustaqilligini mustahkamlash sohasida yosh avlodni tarbiyalashda qo’shgan samarali mehnati uchun 1997 yil O’zbekiston Respublikasi Oliy va o’rta maxsus ta’lim vazirligining “Faxriy yorlig’i”, Buxoro viloyati tabiatini o’rganish va muhofaza qilish tadbirlarida faol ishtiroki uchun esa 2013 yilda O’zbekiston Respublikasi Ekoharakatining “Faxriy yorlig’i” bilan taqdirlangan.

Buxoro davlat universiteti Ilmiy kengashi nizomi

Shartnoma to`liovlari Telegramda

Bog`lanish

Address: Muljal: Buxoro shahri Abu Ali ibn Sino nomidagi favvoralar maydoni

Manzil: Buxoro sh. Muhammad Iqbol ko`chasi 11 uy

Phone: Telefon: 8(365) 221-29-14

Fax: Fax: 8(365) 221-27-07

Avtobus yo`nlaishlai: 33,86, 88, 6, 77, 10, 76, 72, 25

Google xaritada