Buxoro davlat universiteti rasmiy web sayti - Kasaba uyushmasi
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Universitet xodimlar va talabalar kasaba uyushma qo’mitasi

Kasaba uyushmasi qo`mitasi boshlig`i:

Qahhorov Siddiq Qahhorovich

Tel:

   8365-221-26-94,

  +99890 710-47-92

Email  This email address is being protected from spambots. You need JavaScript enabled to view it.

Buxoro davlat universiteti Faxriylar va Nuroniylar kengashi tarkibi

Universitetda ma’muriyat hamda universitet xodimlar va talabalar kasaba uyushma qo’mitasi o’rtasida 2017-2019-yillarga mo’ljallab tuzilgan Jamoa shartnomasi asosida ish yuritiladi. Kasaba uyushma qo’mitasi tarkibida 10 ta sex kasaba uyushma qo’mitalari mavjudbo’lib, jami a’zolar soni 8285 nafarni tashkil etadi. Kasaba uyushma qo’mitasida 9 nafar rayosat, hamda 32 nafar qo’mita a’zolari faoliyat ko’rsatadi.

 Boshlang’ich tashkilot o’z faoliyatini O’zbekiston Respublikasi Konstitutsiyasi, O’zbekiston Respublikasi Mehnat kodeksi, ”Kasaba uyushmalari, ularning huquqlari va faoliyatining kafolatlari to’g’risida”gi, “Mehnatni muxofoza qilish to’g’risida”gi, “O’zbekiston Respublikasida jamoat birlashmalari to’g’risida”gi, “Nodavlat notijorat tashkilotlari to’g’risida”gi va nodavlat notijorat tashkilotlar faoliyatini tartibga soluvchi boshqa Qonunlar, O’zbekiston kasaba uyushmalari Federatsiyasi va tarmoq kasaba uyushmalari Ustavlari hamda mazkur Nizomga muvofiq ish boradi.

Kasaba uyushmasi qo’mitasi o’z kasaba uyushma a’zolari uchun:

  • millat, jinsi, yoshi va diniy e’tiqodidan qat’iy nazar Kasaba uyushma a’zosining mehnat qilishi, ishni, kasbni erkin tanlash, adolatli mehnat sharoitini yaratib berishi va ishsizlikdan himoya qilinishiga doir konstitutsiyaviy huquqlariga rioya etilishiga;
  • insonning ma’naviy va jismoniy kuch quvvatlarining tiklanish vositasi bo’lgan bo’sh ish vaqtni ko’paytirish va undan oqilona foydalanishga;
  • mehnat qonunchiligi, mehnatni va atrof-muhitni muhofazalash qonunlari, qoidalari va me’yorlariga rioya etilishiga;
  • ijtimoiy hamkorlikni mustahkamlash maqsadlarida jamoa shartnomalari va kelishuvlari tuzilishiga, ularning bajarilishi ustidan nazoratni amalga oshirishga;
  • davlat organlari va jamoat tashkilotlari bilan hamkorlikda ishlash, Kasaba uyushma a’zolarining mehnat, ijtimoiy-iqtisodiy va ma’naviy huquq va erkinliklarini himoya qilishga qaratilgan qonun hamda boshqa me’yoriy hujjatlar qabul qilinishiga, barqaror, hamjihatlik va fuqorolar totuvligini saqlab qolishga;
  • mexnatga haq to’lashning ijtimoiy adolatli tizimni joriy etilishiga;

Kasaba uyushma a’zolarining huquqlari va vazifalari:

  • kasaba uyushmasiga a’zo bo’lish ixtiyoriydir. Kasaba uyushmasi Ustavini tan oluvchi va uning talablarini bajaruvchi, hamda a’zolik badallarini to’lab boruvchi xodim va talaba Kasaba uyushma a’zosi bo’la oladi;
  • mehnat munosabatlariga oid masalalar yuzasidan, mulk shakllridan qat’iy nazar davlat, sud va xo’jalik organlarida Kasaba uyushmasining huquqiy yordamini olish va uning himoyasida bo’lishi;
  • kasaba uyushmalari organlariga saylash va saylanishi;
  • kasaba uyushmalarining tadbirlarida ishtirok etish, o’z fikrini erkin bayon qilish, o’z faoliyatini va xulq-atvoriga taalluqli masala ko’rib chiqilayotgan majlislar, yig’ilishlar va konferensiyalarda shaxsan ishtirok etish;
  • yuqori Kasaba uyushmasi qo’mitalariga murojat etish;
  • kasaba uyushmalari sihatgohlari, sanatoriyalar, dam olish bazalari, bolalar sog’lomlashtirish lagerlariga davolanish va dam olish uchun imtiyozli tariflar bo’yicha yo’llanmalar olish.

Kasaba uyushma qo’mitasi universitet ma’muriyati bilan kelishilgan holda quyida keltirilgan qarorlarni qarab chiqadi, muhokama etadi va qabul qilishga rozi bo’ladi:

  • Mehnat sharoitini, mehnat xavfsizligi va muhofazasini yaxshilash;
  • Universitet xodimlarining ish bilan band bo’lishi hamda ular uchun ijtimoiy imtiyozlarning kafolatlanishi;
  • Ishchi-xodimlar hamda talabalarni rag’batlantirish va mukofotlash;
  • Universitet vakolatlari doirasida ijtimoiy-iqtisodiy xarakterdagi boshqa muammolar bo’yicha birgalikda kelishilgan qarorlar qabul qilish;
  • Professor - o’qituvchi va ishchi - xodimlarga respublikamizda sanatoriyalarda dam olish uchun beriladigan imtiyozli yo’llanmalar ajratish.

Kasaba uyushma qo’mitasi tomonidan amalga oshirilayotgan ishlar:

Kasaba uyushma qo’mitasi ish faoliyati davrida universitetning kam ta’minlangan ishchi – xodimlari hamda talabalari o’rganib borilib, ularga universitet rahbariyati bilan kelishilgan holda, moddiy rag’batlantirish amalga oshirilib kelinadi. Kasaba uyushma qo’mitasi tomonidan universitetning kam ta’minlangan oila farzandlari bo’lgan talabalarga dekanat tavsiyasi bilan moddiy yordam ko’rsatiladi.

Universitetda ko’p yillar davomida ishlab nafaqaga chiqqan keksalar kasaba uyushma qo’mitasi e’tiborida turadi. Har yili ularning holidan xabar olinib, moliyaviy imkoniyatdan chiqib moddiy yordam ko’rsatiladi.

Universitetda kasaba uyushma qo’mitasi ishchi – xodimlarni ijtimoiy himoya qilish maqsadida quyidagi ishlarni nazorat qilib boradi:

  • Ishchi – xodimlarning ijtimoiy himoyasi;
  • Mehnat intizomi;
  • Mehnat muxofazasi va mehnat sharoitlarini yaratish;
  • Ishchi – xodimlarning ish haqi va ish haqidan ushlab qolinadigan daromad solig’i nazorat qilinishi;
  • Ish haqi va avanslarni o’z vaqtida berib borish;
  • Qishki – kuzgi mavsumga tayyorgarlik ko’rish;
  • Talabalarni asossiz universitetdan chetlashtirish;
  • Jamoa shartnomasining choraklar bo’yicha bajarilishi;
  • Ishchi – xodimlarni tibbiy ko’rikdan o’tkazish;
  • Ma’naviy va ma’rifiy islohotlarni chuqurlashtirish.

Kasaba uyushma qo’mitasi ishchi – xodimlarni mehnat intizomiga rioya qilish maqsadida ularga qo’mita faollari bilan birgalikda tushuntirish ishlari olib boriladi va paydo bo’lgan savollarga o’z joyida javob beriladi..

Ishchi – xodimlarning oylik maoshlari va avanslarini o’z vaqtida berilishi nazorat qilinadi.

Kasaba uyushma qo’mitasi ishchi – xodimlarning mehnat ta’tilini o’tkazish davrida va sog’liklarini tiklash uchun sanatoriya va dam olish uylariga imtiyozli yo’llanmalar ajratadi.

Kasaba uyushma qo’mitasi universitetdagi mavjud ovqatlanish joylarini doimiy ravishda nazorat qilib boradi, ya’ni oshxonalarning sanitar holati, ovqatlarning sifati bo’yicha va ovqatlarning narx – navolarini nazorat qiladi.

Kasaba uyushma qo’mitasi hozirgi kunda O’zR tomonidan ma’naviy ma’rifiy ishlarga katta e’tibor berilayotganini inobatga olib, yurtboshimiz tomonidan olib borilayotgan siyosatni qo’llab – quvvatlash, ota – bobolarimiz tomonidan saqlab kelingan tariximiz va me’moriy obidalarni asrab – avaylash bo’yicha ma’naviyat va ma’rifat bo’limi bilan birgalikda tushuntirish ishlarini amalga oshirmoqda. Shu bilan birgalikda universitetdagi va talabalar turar joyidagi ma’naviyat – ma’rifat xonasini stendlar, kerakli anjom va adabiyotlar bilan ta’minlashda birgalikda ishlar olib borilmoqdi.

Kasaba uyushma qo’mitasi tomonidan respublikamizda belgilangan barcha bayramlarda bayram tadbirlar rejasi ishlab chiqib, ularni tashkillashtirdi. Tabarruk 50, 55 va 60 yoshga to’lgan ishchi – xodimlar jamoa oldida tantanali mukofotlab boriladi.

Har yili 9 – may "Xotira va qadrlash” kuniga bag’ishlab universitet ishchi – xodimlaridan va universitetda ko’p yillar davomida ishlab ketgan Ikkinchi jahon urushi qatnashchilariga, baynalminalchi jangchilarga, front ortida mehnat qilgan va ularga tenglashtirilgan xodimlarga moddiy rag’batlantiriladi.

Ishchi – xodimlar, talabalar sportning barcha turlari bilan shug’ullanib borishmoqda va musobaqalarda o’zlarining jamoalari bilan qatnashib, g’olib chiqqanlarga qimmatbaho sovg’alar ajratilib kelinmoqda.

 

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech