Kadirov Arif Maxmudovich

Kadirov Arif Maxmudovich - Buxoro davlat universiteti

Ma’naviy-ma’rifiy ishlar bo`yicha prorektori, pedagogika 

fanlari nomzodi, dotset.

 

Telefon: +998893 686-44-92 

Elektron pochta: kam.bukhara@mail.ru

                        

 Kadirov Arif Maxmudovich- 1956 yil 28 fevralda Buxoro shahrida tug`ilgan.

1977 yilda Buxoro davlat pedagogika instituti, badiiy grafika fakultetini imtiyozli diplom bilan tugatgan.

 Mehnat faoliyatini 1972 yilda Buxoro shahridagi 23-son o`rta maktabda tasviriy san’at va chizmachilik fanidan o`qituvchi, 1977 yilda Buxoro davlat pedagogika instituti “Tasviriy san’at” kafedrasi o`qituvchisi, 2002-2012 yillar “Xalq amaliy bezak san’ati”, “Tasviriy va amaliy san’at“ va “Chizma geometriya va chizmachilik” kafedralari mudiri, hamda 1998-2012 yillarda viloyat «HUNARMAND» uyushmasi raisi bo`lgan. U 2012 yildan Buxoro davlat universitetida ma’naviy–ma’rifiy ishlar bo`yicha prorektor lavozimida ishlab kelmoqda.

 1989 yilda Moskva davlat pedagogika institutida «Badiiy to`garaklarda o`quvchilarning estetik idrok qilishini rivojlantirish» mavzusida   nomzodlik dissertatsiyasini muvaffaqiyatli himoya qilgan.

  Ilmiy yo`nalishi:  amaliy san’at tarixi va o`qitish uslubiyoti. 10dan ortiq o`quv metodik qo`llanmalar, 20 ta metodik albomlar va 50dan ortiq ilmiy makolalar e’lon qilgan.    1992 yilda respublikada ilk bor BuxDU qoshida “Xalq amaliy bezak san’ati” kafedrasini ochib mudirlik qilib kelgan. Xalq amaliy bezak san’ati sohasidagi ijodiy ishlari ham muvaffaqiyatga sazovordir. Ganch va yogoch o`ymakorligi bo`yicha ijodiy ishlari viloyat va respublika ko`rgazmalarida namoyish etilgan. 1994 yildan boshlab, Qozog`iston, Qirg`iziston, Rossiya, Pokiston, Germaniya, Gretsiya, Frantsiya, AQSH, Shotlandiya va Saudiya Arabistonida  o`tkazilgan xalqaro ko`rgazmalarda ijodiy ishlari namunalari bilan qatnashgan. Ko`pgina respublika va xalqaro ilmiy-ijodiy ilmiy anjumanlar va festivallarda ilmiy ma’ruzalari bilan ishtirok etgan.

2002 yildan O`zbekiston badiiy akademiyasi a’zosi. YUNESKO va KAKSA tashkilotlari tomonidan hunarmandchilik mahsulotlariga beriladigan 15ta sifat sertifikatlarni olishiga erishdi. 

2007 yilda O`zbekiston badiiy akademiyasining kumush medali bilan taqdirlangan. Viloyatda ko`pgina tarixiy obidalarni ta’mirlashda jumladan Bahovuddin Naqshband, Chor Bakr, Fayzulla Xo`jaev uy muzeyi, Sitorai Moxi Xossa muzeyi, Labi hovuz  majmuasida naqqoshlik, yog`och va ganch o`ymakorligi ishlarini shogirdlari bilan bajargan. Amaliy san’atining ganch va yogoch o`ymakorligi turi bo`yicha 200dan ortik shogirdlarni etishtirib chiqqan. Viloyat hunarmandlar ijodi haqida 10dan ortiq xujjatli film tayerlab, Respublika televideniyasi orqali namoyish etildi. Viloyatdagi ishsiz yoshlar uchun MFYlari qoshida «Usto-shogird» maktabi tashkil etib, milliy hunarmandchiligimizni zardo`zlik, patdo`zlik, naqqoshlik, ganch o`ymakorligi, kashtachilik va gilam to`qishni 1000dan ortiq yoshlarga o`rgatishga erishdi.

 Amaliy san’atni rivojlantirish va uni kelgusi  avlodga o`tkazish, ilmiy – pedagogik faoliyati uchun 2009 yilda «Fidokorona xizmatlari uchun» ordeni bilan taqdirlangan.

 O`tgan davr ichida mehnatsevar, o`zining ilmiy-nazariy va metodik saviyasini oshirish ustida qat’iyat va sabr- toqat bilan ishlaydigan dotsent sifatida tanildi.

Jamoa orasida alohida hurmatga ega. U har ishda tashabbuskor, jur’atli, to`g`ri so`z, ma’naviy etuk, o`z o`rtoqlariga nisbatan doimo mehribon.

 

 Qabul kunlari: haftaning seshanba kunlari. Soat 15-00 dan 17-00gacha

Dasturlashtirish kurslari

Bog`lanish

Address: Muljal: Buxoro shahri Amfiteatri

Manzil: Buxoro sh. Muhammad Iqbol ko`chasi 11 uy

Phone: Telefon: 8(365) 221-29-14

Fax: Fax: 8(365) 221-27-07

Avtobus yo`nlaishlai: 33, 88, 6, 436, 58, 10, 56, 76, 109,25