Iqtidorli talabalar bilan ishlash

Universitetda  ilmiy-pedagogik kadrlar tayyorlash uchun iqtidorli talabalarni saralab olish va ularni ilmiy tadqiqot faoliyatiga jalb etishga alohida e’tibor berilgan.

Mavjud 7 fakultet 26 ta kafedrada faoliyat ko‘rsatayotgan professor-o‘qituvchilar tomonidan ilm-fan, ijodkorlikka alohida iqtidori bo‘lgan, fanlarni muntazam ijobiy baholarda o‘zlashtirib kelayotgan talabalar ilmiy tadqiqot ishlariga jalb qilib kelingan. 2-4-kurs bakalavr  va magistrlardan ajratib olingan iqtidorli talabalar shogird tayyorlashda samarali faoliyat ko‘rsatayotgan fan doktorlariga biriktirilgan, ularning bo‘lajak doktorlik dissertatsiyalari mavzulari belgilangan.

 

Istiqbolli doktorlik dissertatsiyalari mavzulari bilan ishlayotgan iqtidorli talabalar haqida ma’lumot

 

 

SHu mavzular asosida iqtidorli talabalarni bosqichma-bosqich kurs ishlari, bitiruv-malakaviy ishlari, magistrlik dissertatsiyalarini bajarishga yo‘naltirish rejalashtirilgan. 2016 yilda universitetda jami 411  nafar iqtidorli talaba ajratib olingan va ularning 301 nafari ustoz-shogird tizimida ilmiy tadqiqot ishlariga jalb qilingan. Jumladan, iqtidorli talabalarni saralab olishda ularning intellektual salohiyatini aniqlab olishga imkon beradigan RAVEN testlaridan foydalanilgan.

 Hamidov Muhammadsodiq Erkin o`g`li
(Islom Karimov nomidagi davlat stipendiyasi sovrindori)

Hamidov Muhammadsodiq Erkin o`g`li 1995-yil 12-martda Buxoro viloyati, Buxoro tumanida tug`ilgan. Buxoro davlat universiteti Turizm fakulteti Iqtisodiyot (tarmoqlar va sohalar bo`yicha) ta’lim yo`nalishi 4-bosqich talabasi. Islom Karimov nomidagi davlat stipendiyasi sovrindori. Hamidov Muhammadsodiq respublikada o`tkaziladigan ko`plab tanlovlar, konferensiyalar va fan olimpiadalarida faol ishtirok etib kelmoqda.  Jumladan, “XXI asr – intellektual avlod asri” shiori ostida tashkil etilgan yosh olim va talabalarning ilmiy-amaliy konferensiyasining hududiy bosqichida faol ishtirok etib, faxrli II-o`rinni qo`lga kiritdi va 2017- yil 12-13 yanvar kunlari Toshkent shahrida bo`lib o`tgan respublika bosqichida sertifikat bilan taqdirlandi. 2016-yil aprel oyida esa  “Ertangi kun bizniki – marra bizniki” shiori ostida tashkil etilgan tanlovning hududiy bosqichida ishtirok etib (Urganch shahrida) faxriy yorliq bilan taqdirlandi.  Hamidov Muhammadsodiq “Yoshlar ittifoqi”  tashkilotining faol a’zolaridan biridir.

Sanakulova Nigora Sobirdjanovna
(Navoiy nomidagi davlat stipendiyasi sovrindori)

     Sanakulova Nigora Sobirdjanovna 1993-yil 5-noyabrda Buxoro viloyati, Buxoro shahrida tug‘ilgan. Buxoro davlat universiteti Pedagogika fakulteti Psixologiya ta’lim yo‘nalishi 4-bosqich talabasi. Navoiy nomidagi davlat stipendiyasi sovrindori. Sanakulova Nigora fanlarni a’lo baholarga o`zlashtirishi bilan birga universitet miqyosidagi ilmiy anjumanlarda maqola va tezislari bilan muntazam qatnashib sertifikatlar bilan taqdirlangan. Xalqaro va respublika miqyosida 10 dan ortiq ilmiy maqola va tezislari e’lon qilingan.  2016-yil aprel oyida o`tkazilgan “Ertangi kun bizniki – marra bizniki” shiori ostida tashkil etilgan talabalar ilmiy ma’ruzalari tanlovida hududiy bosqichida ishtirok etib (Urganch shahrida) faxriy yorliq bilan taqdirlandi. O`zbekiston  Liberal-Demokratik  partiyasi a’zosi.

 

Ahmadov Ahmadjon Asror o‘g‘li
(Navoiy nomidagi davlat stipendiyasi sovrindori)

Ahmadov Ahmadjon Asror o`g`li 1995-yil 2-iyunida Buxoro viloyati, Buxoro tumanida tug`ilgan.  Buxoro davlat universiteti Tarix fakulteti arxivshunoslik yo`nalishi 4-bosqich talabasi. Navoiy nomidagi davlat stipendiyasi sovrindori. Ahmadov Ahmadjon o`zining tashabbuskorligi bilan tengqurlariga o`rnak bo`lib kelmoqda. U O`zbekiston “Milliy tiklanish” demokratik partiyasi Buxoro viloyat Kengashi tomonidan tashkil etilgan “Prezident asarlari bilimdoni 2016” esselar tanlovi viloyat bosqichida ishtirok etib, “Eng yaxshi ijodiy yondashuv” nominatsiyasi bo`yicha g`olib bo`lib, diplom bilan taqdirlangan. “Yoshlar ittifoqi” tashkilotining Buxoro shahar Kengashi tashabbusi bilan o`tkazilgan “Deputat va Yoshlar” loyihasida faol ishtirok etganligi uchun diplom bilan taqdirlangan. Fakultet miqyosida o`tkazilgan intellektual “Zakovat” jamoalar bellashuvining doimiy ishtirokchisi sifatida faxriy yorliqlar bilan taqdirlangan. Ahmadov Ahmadjon talabalar orasida jamoatchi va faolligi bilan alohida  ajralib  turadi.

 

  Aminjonova Charosxon Akmalovna
(Ulug‘bek nomidagi davlat stipendiyasi sovrindori)

Aminjonova Charosxon Akmalovna 1995-yil Buxoro viloyati, G`ijduvon shahrida tug`ilgan. Buxoro davlat universiteti Tabiiy fanlar fakulteti Biologiya ta’lim yo`nalishi 4-bosqich talabasi. Ulug`bek nomidagi davlat stipendiyasi sovrindori. Aminjonova Charosxon o`z ustida tinimsiz ilmiy izlanishda. Uning respublika, viloyat gazeta va jurnallarida ko`plab ilmiy va ilmiy-ommabop maqolalari e’lon qilingan. U muntazam ilm bilan shug`ullanishi, kitob o`qishni kanda qilmasligi sababli Respublika miqyosida o`tkazib kelinadigan talabalar va yosh olimlar ilmiy-amaliy konferensiyalarida o`zining ilmiy maqolalari bilan muntazam ishtirok etib keladi.  Aminjonova Charosxon  fakultetda va talaba do`stlari orasida o`z o`rni va hurmatga ega.

Universitetda 2012-2016 yillar davomida iqtidorli talabalar orasidan 1 ta Prezident, 6 ta Ulug‘bek nomidagi, 10 ta Navoiy nomidagi davlat stipendiyasi sovrindorlari etishib chiqqan.

                              

2011-2015 yillarda O‘zbekiston Respublikasi Davlat stipendiyalari tanlovlari g‘olibi bo‘lgan iqtidorli talabalar to‘g‘risida ma’lumot  

                                                                                                            

2011 yil
1.	Abdieva Feruza	Kimyo-biologiya 4-kurs	Kimyo		Ulug‘bek
2.	Bobokalonov Po‘latshox	Filologiya    4-kurs	CHet tili (fransuz)		Navoiy
3.	Maxmudov SHoxrux	Tarix  4-kurs	Milliy g‘oya, ma’naviyat asoslari va huquq		Navoiy
2012 yil
1.	Atoeva Ruxsora	Kimyo-biologiya 4-kurs	Biologiya		Ulug‘bek
2.	Mirxadjaeva Mahliyo	Filologiya   4-kurs	CHet tili (ingliz)		Navoiy
3.	SHohro‘ Navro‘zzoda	Ijtimoiy-iqtisod    4-kurs	Servis		Navoiy
2013 yil
1.	G‘aybullaev Rustamjon	Fizika –matematika  4-kurs	Matematika		Ulug‘bek
2.	Gulyamova SHaxnoza	Filologiya   4-kurs	O‘zbek filologiyasi		Navoiy
3.	Umarova Sitora	Pedagogika  4-kurs	Kasb ta’limi (amaliy san’at)		Navoiy
2014 yil
1.	Bozorova Gulmira	Filologiya 4-kurs	O‘zbek filologiyasi	Navoiy
2.	Babaev Jo‘rabek	Ijtimoiy-iqtisod 4-kurs	Servis	Navoiy
3.	Halimova SHahina	Tabiiy fanlar 4-kurs	Biologiya	Ulug‘bek
2015 yil
1.	Saylieva Zarina	Filologiya 4-kurs	O‘zbek filologiyasi	Navoiy
2.	Po‘latova Mohichehra	Filologiya 4-kurs	Ingliz filologiyasi	Navoiy
3.	SHadieva Nigora	Tabiiy fanlar 4-kurs	Geografiya	Ulug‘bek
2016 yil
1.	Omonova Dildora	Pedagogika fakulteti 4-kurs	Boshlang‘ich ta’lim, sport va tarbiyaviy ish	Navoiy
2.	Ergasheva Ozoda	Jismoniy madaniyat fakulteti 4-kurs	Xotin-qizlar sporti	Navoiy
3.	Raximov Jonibek	Tabiiy fanlar 3-kurs	Biologiya	Ulug‘bek