Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Buxoro davlat universitetiga xorijiy fuqarolar hujjatlarining elektron qabuli

O’zbekiston Respublikasi oliy ta’lim muassasalariga xorijlik fuqarolarni o’qishga qabul qilish  Vazirlar Mahkamasining 2008 yil 4 avgustdagi 169-son qarori bilan tasdiqlangan "Xorijiy fuqarolarni O’zbekiston Respublikasi ta’lim muassasalariga o’qishga qabul qilish va o’qitish tartibi to’g’risida Nizom" qoidalariga ko’ra amalga oshiriladi. Nizomga ko’ra: 

  • O’zbekiston Respublikasi ta’lim muassasalarida xorijiy fuqarolarni o’qitish tegishli ta’lim muassasalarining ta’lim dasturlarida nazarda tutilgan tillarda olib boriladi.

Izoh: Buxoro davlat universitetida ta’lim o’zbek, rus va ingliz tillarida olib boriladi. 

  • O’zbekiston Respublikasi ta’lim muassasalarida to’lov-kontrakt asosida o’qish qiymati O’zbekiston Respublikasi Moliya vazirligi va ta’lim muassasalariga ega bo’lgan boshqa vazirliklar va idoralar bilan kelishgan holda Oliy va o’rta maxsus ta’lim vazirligining taklifi asosida O’zbekiston Respublikasi ta’lim muassasalariga qabul qilish bo’yicha Davlat komissiyasi tomonidan belgilanadi.

Izoh: 2017-2018 o’quv yilida ushbu qiymat iqtisodiy yo’nalishlarda 30 mln. so’mni, ingliz tili yo’nalishida 22,4 mln. so’mni, boshqa yo’nalishlarda 20 mln.so’mni tashkil etdi. 

  • Oliy o’quv yurtlariga umumiy o’rta yoki o’rta maxsus, kasb-hunar ta’limi ma’lumotiga muvofiq bo’lgan ma’lumotga ega bo’lgan xorijiy fuqarolar qabul qilinishi mumkin. 
  • Xorijiy fuqarolar oliy o’quv yurtlariga kirish suhbat natijalariga ko’ra qabul qilinadi. Mustaqil Davlatlar Hamdo’stligi mamlakatlaridan (shu jumladan Turkmanistondan) kelgan xorijiy fuqarolar oliy ta’lim muassasalari bakalavriatiga oliy ta’lim muassasasi tomonidan belgilanadigan tartibda o’tkaziladigan suhbat natijasida qabul qilinadi. 
  • Suhbat natijalari O’zbekiston Respublikasi ta’lim muassasalariga qabul qilish bo’yicha Davlat komissiyasi tomonidan ko’rib chiqiladi hamda Oliy va o’rta maxsus ta’lim vazirligining xorijiy fuqarolarni oliy o’quv yurtiga o’qishga qabul qilish yuzasidan qaror qabul qilishi uchun asos hisoblanadi. O’zbekiston Respublikasi Oliy va o’rta maxsus ta’lim vazirligi qarori asosida oliy o’quv yurtlari o’qishga qabul qilish to’g’risida tegishli buyruq chiqaradilar. 
  • O’zbekiston Respublikasi Ichki ishlar vazirligi O’zbekiston Respublikasi Oliy va o’rta maxsus ta’lim vazirligi buyurtmanomasiga binoan, belgilangan tartibda xorijiy fuqarolarga vizalar berish va ularning muddatini uzaytirish, shuningdek ularning vaqtincha yashash joyi bo’yicha vaqtincha ro’yxatdan o’tkazishni va uning muddatini uzaytirishni ta’minlaydi. 
  • O’qishni tugatgandan keyin xorijiy fuqarolarga ma’lumoti to’g’risida belgilangan namunadagi tegishli hujjatlar beriladi. 
  • O’qish uchun kelgan xorijiy fuqarolar tibbiy tekshiruvdan o’tadilar. Tibbiy tekshiruvdan o’tish tartibi va mavjudligi aniqlangan taqdirda O’zbekiston Respublikasi ta’lim muassasalariga o’qishga qabul qilish uchun ruxsat berilmaydigan kasalliklar ro’yxati O’zbekiston Respublikasi Sog’liqni saqlash vazirligi tomonidan belgilanadi. 
  • Xorijiy fuqarolar Buxoro davlat universitetiga o’qishga kirish uchun quyidagi hujjatlarni taqdim etadilar:
  1. I.Sh., fuqaroligi va ta’lim yo’nalishi ko’rsatilgan rektor nomiga ariza;
  2. Milliy pasport kopiyasi;
  3. Xorijiy fuqaroning o’rta va o’rta-maxsus, kasb-hunar ma’lumotini tasdiqlovchi shahodatnoma (diplom) sertifikatning o’zbek yoki rus tilida tarjima qilingan va notarius tomonidan tasdiqlangan kopiyasi;
  4. Ota-onasining pasportidan nusxa;
  5. Xorijga chiqish to’g’risidagi passport kopiyasi;
  6. Mahalla yoki turar joyidan ma’lumotnoma;
  7. Oilasi haqida ma’lumotnoma;
  8. Tibbiy ma’lumotnoma (086 shakli);
  9. 086 forma;
  10. OITS (SPID);
  11. Teri-tanosil kasalliklari bo’yicha;
  12. Psixonevrologiya kassalliklari bo’yicha;
  13. Narkologik kasalliklar bo’yicha.
  14. Fotosurat (3,5×4,5) – 18 dona;
  15. Tug’ilganlik haqida guvohnoma;
  16. O’zbekistonda yashash guvohnomasi kopiyasi( agar mavjud bo’lsa);
  17. Harbiy xizmat to’g’risidagi guvohnoma( agar mavjud bo’lsa).

Eslatma: Barcha hujjatlar rus tiliga tarjima qilingan hamda notarial idora tomonidan tasdiqlangan bo’lishi shart. Har bir hujjat 3 nusxadan qabul qilinadi. Hujjatlari elektron shaklda taqdim qilmoqchi bo’lganlar hujjatlarni PDF yoki JPEG formatida pastda ko’rsatilgan elektron manzillarga yuborishlari so’raladi. 

  • Xorijiy o’quvchilar quyidagi huquqlarga ega: kafedralarning ilmiy-tadqiqot ishlarida, talabalarning ilmiy jamiyatlari va to’garaklarida qatnashish; ta’lim muassasalarining kutubxonalari, sport komplekslari, klublari va madaniyat saroylaridan foydalanish; dam olishning uyushtirilgan turlarida qatnashish. 
  • Xorijiy o’quvchilar quyidagilarga majbur: O’zbekiston Respublikasi Konstitusiyasiga va boshqa qonun hujjatlariga amal qilish, mahalliy urf-odat va an’analarga hurmat bilan munosabatda bo’lish, respublikada xorijiy fuqarolarning bo’lishi va harakatlanishi bo’yicha belgilangan qoidalarni bajarish; intizomga rioya qilish, mashg’ulotlarga qatnashish, o’quv rejalari va dasturlarida nazarda tutilgan o’quv va ishlab chiqarish ishlarining barcha turlarini bajarish, imtihon va sinovlarni belgilangan muddatlarda topshirish; ta’lim muassasasining va talabalar yotoqxonasining ichki tartib-qoidalarini bajarish; ta’lim muassasasi rahbarlarining ko’rsatma va farmoyishlarini bajarish. 
  • O’qishda o’zlashtirmaslik, intizomni, ta’lim muassasasi va talabalar yotoqxonasining ichki tartib-qoidalarini buzganlik uchun, shuningdek O’zbekiston Respublikasining normativ-huquqiy hujjatlarida nazarda tutilgan boshqa sabablarga ko’ra xorijiy o’quvchilarga nisbatan ta’lim muassasasi ro’yxatidan chiqarib yuborishgacha bo’lgan ma’muriy choralar ko’rilishi mumkin; 
  • O’zbekiston Respublikasi hududida bo’lish qoidalarini buzganlik uchun ular belgilangan tartibda respublikadan tashqariga chiqarib yuboriladi. 
  • O’qishni tugatgan yoki ta’lim muassasalari ro’yxatidan o’chirilgan xorijiy fuqarolar bir oy muddatda O’zbekiston Respublikasidan chiqib ketishi shart, O’zbekiston Respublikasining xalqaro shartnomalarida, shuningdek jamoaviy va shaxsiy shartnomalar hamda kontraktlarda nazarda tutilgan holatlar bundan mustasno. 
  • Ta’lim muassasalarida o’quv yili 2 sentyabrdan boshlanadi. Ta’tillarning boshlanish va tugash vaqti, ularning davom etish muddati muayyan ta’lim muassasasining o’quv rejalariga muvofiq belgilanadi.

              Yuqoridagilardan kelib chiqqan holda, siz joriy yilning 15 iyunidan 15 iyuligacha bo’lib o’tadigan hujjat topshirish muddatida Buxoro davlat universitetiga belgilangan tartib asosida hujjat topshirishingiz mumkin. Qabul suhbati belgilangan tartib asosida 1-15 avgust kunlari oralig’ida bo’lib o’tadi. 

Shuningdek, Oliy va o’rta maxsus ta’lim vazirligining 03.07.2018 yil №87-02-1652-son xati asosida Xorijiy fo’qarolarning Buxoro davlat universitetiga o’qishga kirish uchun hujjatlarni elektron shaklda topshirishi mumkin. Xorijiy fuqarolar o’qishga kirish uchun tashkil etiladigan suhbatda kelgan vaqtda o’qishga kirish uchun talab etiladigan hujjatlarning asl nusxalarini olib kelishlari talab etiladi. 

Hujjatlarning elektron variantini quyidagi manzillarga yuborish talab etiladi.

Xalqaro aloqalar bo’limi boshlig’i:

Qilichov Muhriddin Husniddin o’g’li

e-mail: This email address is being protected from spambots. You need JavaScript enabled to view it.

tel: 0365 221 27 18

Xalqaro aloqalar bo’limi uslubchisi:

Norova Mohitobon Fayzulloyevna

e-mail: This email address is being protected from spambots. You need JavaScript enabled to view it. 

Eslatma: Hujjatlari elektron shaklda taqdim qilmoqchi bo’lganlar hujjatlarni PDF yoki JPEG (boshqa formatlarda qabul qilinmaydi) formatida yuqorida ko’rsatilgan elektron manzillarga yuborishlari so’raladi.

Izoh: Suhbat aniq bo`lgandan keyin sizning elektron manzilingizga bu haqda xabar jo`natamiz.

Ariza blankalar(LatinKirilRusskiy)  

Buxoro davlat universitetida 2018/2019 o’quv yilida BAKALAVRLAR tayyorlash bo’yicha qabul ko’rsatkichlarining TA`LIM YO`NALISHLARI va o’qitish tillari bo’yicha taqsimlanishi

Top
BuxDU ATM tomonidan ishlab chiqildi.
Click to listen highlighted text! Powered By GSpeech