Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

“Murojaatlar markazi” (Call center) – muammolar yechimi

Buxoro davlat universitetida 2018-2019 yili qabul jarayonlari har yilgidan o’zgacha ruhda, juda qizg’in va uyushqoqlik bilan davom etmoqda. Mazkur oliygohda 36 ta ta’lim yo’nalishlari bo’yicha abirutientlar qabuli amalga oshirilmoqda.

Universitetda mas’uliyatli jarayonni har tomonlama xolislik bilan o’tkazish maqsadida chora-tadbirlar rejasi ishlab chiqildi va shu asosida amaliy ishlar bajarilmoqda. Oliygohimizga hujjat topshirishga kelgan abiturientlar va ularning ota-onalari uchun hamma sharoitlar yaratilgan. Xususan, yoshlarni kasbga yo’naltirish bo’yicha targ’ibot-tashviqot ishlarini olib boruvchi professor-o’qituvchilar guruhi shakllantirilgan va ular qabul komissiyasiga jalb qilingan.

Har bir mutaxassislik bo’yicha malaka tavsifnomasi yozilgan ko’rgazmali stendlar abiturientlar va ularning ota-onalariga mutaxassisliklar to’g’risida aniq ma’lumot berish imkoniyatlarini yaratmoqda. Bundan tashqari, mazkur o’quv yilida har yilgi qabuldan farqli ravishda “Axborot-maslahat markazi”, “Murojaatlar markazi (Call centre)” tashkil etildi. Bu markazlar  abiturientlar va ularning yaqinlariga yo’nalishlar, hujjat topshirish qoidalari va qabul jarayonlari bilan bog’liq turli masalalar bo’yicha axborot va maslahat berish bilan shug’ullanmoqdalar. Xususan, “Axborot-maslahat” markazi aholidan kelib tushgan yozma va og’zaki murojaatlarni o’rganib chiqib, ular mazmuniga mos chora-tadbirlarni amalga oshirmoqda. 

“Murojaatlar markazi (Call centre)”ni tashkil etishdan asosiy maqsad shuki, oliygohda qabul jarayonini har jihatdan namunali o’tkazish. Hozirda bunda universitetning 6 nafar professor-o’qituvchisi faoliyat yuritmoqda. Markaz a’zolari, asosan, aholining telefon orqali bergan savollariga javob berib, muammolarning o’z joyida echilishini ta’minlamoqda.   

- Shu kungacha markazga kelib tushgan murojaatlar soni 400 dan ortdi. Aksariyat savollar sirtqi va maxsus sirtqi bo’limlarga qabul yuzasidan berilmoqda, - deydi markaz xodimasi L.Eliboeva, -  biz, xodimlar, bu savollarga oliy ta’lim tizimiga qabul bo’yicha chiqarilgan Prezident farmonlari, qarorlari va me’yoriy hujjatlarga tayangan holda aniq va  asosli javob berishga harakat qilyapmiz.

Ta’kidlash kerakki, universitetda bunday markazning tashkil etilishi qabul bilan bog’liq juda ko’p muammolarning o’z vaqtida va o’z o’rnida hal etilishiga yo’l ochdi.  Bundan tashqari, abiturietlar va ularning yaqinlari o’zlarini qiziqtirgan savollarga, o’ylantirayotgan muammolariga o’z uylarida turib ham javob olish imkoniga ega bo’lmoqdalar. Bu esa, ayniqsa, uzoq tumanlardan murojaat qilayotgan abiturientlar uchun qulaylik yaratmoqda. Markaz xodimlarning xushmuomalaligi, savollarga zukkolik bilan berayotgan javoblaridan aholi mamnun.

Aytish mumkinki, hozirda qabul nihoyatda qizg’in davrga qadam qo’ydi. Umid qilamizki, yaratilgan shart-sharoit va imkoniyatlardan unumli foydalanib, yaxshi mutaxassis bo’lib etishish maqsadida universitetimiz ostonasiga qadam qo’ygan abiturientlar, albatta, talaba bo’lishdek ezgu maqsadlariga erishadilar.

Nasima Qodirova, BuxDU o’qituvchisi,

“Murojaatlar markazi (Call centre)” xodimi

Top
BuxDU ATM tomonidan ishlab chiqildi.
Click to listen highlighted text! Powered By GSpeech