Buxoro davlat universiteti rasmiy web sayti - Xalqaro aloqalar boʻyicha 2014 yil hisoboti
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Xalqaro aloqalar boʻyicha 2014 yil hisoboti

 

 

 

Buxoro davlat universitetida xalqaro aloqalar boʻyicha 2014 yil hisoboti

 

         1.      Xorijiy OTMlar, xalqaro tashkilot va jamgʻarmalar bilan oʻtkazilgan uchrashuvlar, hamkorlikda oʻtkazilgan ilmiy konferentsiya, simpozium, seminar-treninglar, ularni oʻtkazishdan maqsad hamda erishilgan natijalar.

         Hisobot davrida universitetga 8 mamlakatdan 12 ta delegatsiya tashrif buyurdi. Delegatsiyalar tarkibi asosan ta`lim sohasi vakillari boʻlish bilan birga, AQSh, Germaniya, Slovakiya mamlakatlarining Oʻzbekistondagi elchilari tomonidan rasmiy tashriflar ham amalga oshirildi. Uchrashuvlarda mehmonlarga Oʻzbekiston oliy ta`lim tizimida olib borilayotgan islohotlar, 1533-Qaror doirasida amalga oshirilayotgaí ishlar, BuxDUda ta`lim sohasida, xalqaro aloqalar borasida erishilgan natijalar tanishtirib oʻtildi. Oʻz navbatida har bir tashrif davomida oʻzaro hamkorlik aloqalarini rivojlantirishda ustivor yoʻnalishlar borasida takliflar kiritib borildi. Imkon doirasida professor-oʻqituvchilar, ilmiy tadqiqotchilar va talabalar uchun ma`ruzalar, seminar-treninglar tashkil qilishga harakat qilindi.

         Masalan, 29 may kuni Tempus dasturining "ISMU: Universitetlarni strategik boshqarish instituti" loyihasi doirasida Ispaniyaning Kataloniya politexnika universiteti YuNESKO kafedrasi direktori Marisa Juste, kafedra professori Xavyer Linas va loyiha koordinatori Alisiya Berlanga tomonidan universitet jamoasiga OTMlar reytingini aniqlashda jahon tajribasi, reytingni koʻtarish uchun amalga oshirilishi zarur boʻlgan ishlar kabi mavzularda ma`ruzalar oʻqildi va kichik trening oʻtkazildi.

         9 oktyabr kuni Buyuk Britaniyaning London Metropoliten universiteti dekani Jon Gabriel' tashrifi davomida BuxDUda amalga oshirilgan QAPD loyihasi doirasida amalga oshirilgan ishlar muhokama qilindi, xorijiy tillar yoʻnalishi bakalavriat talabalari amaliyotini tashkil qilish borasida tajriba almashildi.

         Umuman olganda, oʻtkazilgan har bir uchrashuvda oʻzaro hamkorlikni rivojlantirishga qaratilgan takliflarning kiritib borilganligini ta`kidlab oʻtish zarur. Shuning bilan birga, universitet Ilmiy Kengashi qaroriga koʻra, xorijiy delegatsiyalar tashrifi davomida ma`ruzalarni tashkil qilish, seminar-treninglar oʻtkazishga yanada koʻproq e`tibor qaratish zarurligi, universitet huzuridagi Mintaqaviy malaka oshirish va qayta tayyorlash markazi tinglovchilarini ham ushbu ma`ruza va seminarlarga jalb qilish imkoniyatlarini koʻrib chiqish lozimligi belgilab qoʻyildi.

 

         2.      OTMda turli xalqaro loyihalar doirasida amalga oshirilgan ishlar.

         BuxDUda Oliy va oʻrta-maxsus ta`lim vazirligi, Oʻzbekistondagi Britaniya Kengashi hamda bir qator OTMlar ishtirokida ingliz tilini yangi dastur aosisda oʻqitishga qaratilgan PRESETT loyihasi amalga oshirilmoqda. Loyiha doirasida tanlab olingan pilot guruhlarda maxsus oʻquv dasturlari asosida darslar olib borilmoqda. Hozirga qadar bunday guruhlarda ta`lim sifati borasida salmoqli muvaffaqiyatlarga erishilgan boʻlib, BuxDUda amalga oshirilgan ishlar loyihaning xalqaro ekspertlari tomonidan namunali deb tan olindi.

         Shuningdek, Tabiiy fanlar fakulteti "Ekologiya" kafedrasida respublikamizning bir qator OTMlari, Tabiatni muhofaza qilish davlat qoʻmitasi hamda xorijlik hamkorlar ishtirokida amalga oshirilayotgan, Oʻzbekiston flora va faunasini oʻrganishga qaratilgan ilmiy loyiha doirasida ham ijobiy natijalarga erishildi. Masalan, kafedra katta oʻqituvchisi Y.D.Xolov tomonidan ekoturizm yoʻnalishida oʻquv-uslubiy qoʻllanma yaratildi.

         Shuni ta`kidlash joizki, universitetimiz TEMPUS va Erasmus Mundus dasturlaridagi ishtiroki boʻyicha nafa1at Oʻzbekistonda, balki butun Markaziy Osiyoda yetakchi OTMlardan biri hisoblanadi.

         Hisobot davrida universitetda amalga oshiralayotgan TEMPUS dasturi loyihalaridan 1 tasi muvaffaqiyatli yakunlandi. Ayni paytda 6 ta loyiha amalga oshirib kelinmoqda. Shuningdek, Erasmus Mundus dasturi doirasida 1 ta loyiha bajarilmoqda.

 

         3.      Xorijiy davlatlarning elchixonalari hamda xalqaro tashkilotlar bilan hamkorlikda amalga oshirilgan ishlar.

         Hisobot davrida xorijiy davlatlarning Oʻzbekistondagi elchixonalari hamda xalqaro tashkilotlar bilan hamkorlikda muayyan ishlar amalga oshirildi. Quyida ushbu uchrashuvlarning asosiylari haqida ma`lumot keltirilmoqda.

         27 yanvar kuni oʻzbek-yapon markazi direktori Nishivaki Xidetaki bilan uchrashuvda BuxDU bazasida faoliyat koʻrsatayotgan Oʻzbek-yapon markazi bilan tanishildi, istiqboldagi rejalar muhokama qilindi.

         14 may kuni Slovakiyaning Oʻzbekistondagi elchisi Pavol Ivanning tashrifi davomida Slovakiya oliy ta`lim tizimi, mavjud stipendiyalar hamda hamkorlik istiqbollari haqida ma`ruza oʻqildi. Ayni paytda Nitradagi qishloq xoʻjaligi universiteti bilan hamkorlik yoʻnalishlari oʻrganib chiqilmoqda.

         Germaniyaning Oʻzbekistondagi favqulodda va muxtor elchisi Naytxart Xyoffer-Vissingning 23 oktyabr kungi tashrifi davomida universitetda nemis tili markazi ochish, KNAUF kompaniyasi bilan hamkorlikda kasbiy malakani oshirish markazi tashkil qilish masalalari muhokama qilindi.

         4 noyabr kuni AQSHning Oʻzbekistondagi favqulodda va muxtor elchisi Jorj Krol hamda elchixonaning madaniyat ishlari boʻyicha attashesi Laura Trevislarning tashrifi davomidaoʻzaro hamkorlikning ustivor yoʻnalishlari boʻyicha takliflar bildirildi. Ýlchi tomonidan talabalar guruhiga Oʻzbekiston bilan AQSh oʻrtasidagi munosabatlar borasida ma`ruza oʻqildi.

         17 noyabr kuni KOICAning Oʻzbekistondagi ofisi direktori Im Djong Xi bilan uchrashuvda esa ayni paytda Oʻzbekistonda va xususan Buxoro shahrida ustivor yoʻnalishlardan biri boʻlib turgan turizm yoʻnalishida volontyorni jalb qilish borasida kelishuvga erishildi. Hisobot davrida universitetda 5 nafar koreyalik volontyor faoliyat koʻrsatdi. Ayni paytda 4 nafar volontyor ish faoliyatini davom ettirmoqda.

         3 dekabr kuni tashrif buyurgan Britaniya Kengashining Oʻzbekistondagi vakolatxonasi direktori Mark Krossi bilan uchrashuvda esa BuxDUda ingliz tilini oʻqitishda amaliy hamkorlik qilish borasida kelishib olindi.

 

         4.      Xorijiy davlatlarda tashkil etilgan malaka oshirish, tajriba almashish oʻquv kurslari, xorijga va xorijdan safarlar.

 

         Hisobot davrida universitet vakillari tomonidan 30 marta xorijga safarlar amalga oshirildi. Ushbu safarlarning 19 tasi Tempus loyihalari,  6 tasi Erasmus Mundus loyihalari doirasida, 3 tasi xalqaro konferentsiya va seminar-treninglarda ishtirok etish maqsadida amalga oshirildi. Ayni paytda 4 ta ilmif tadqiqot safari davom etmoqda. 2 nafar talaba va 1 nafar magistrant Erasmus Mundus loyihalari doirasida Evropa universitetlarida ta`lim olishmoqda.

        

         5.      Xorijiy tajribadan foydalangan holda OTMda yaratilgan yangi darslik va oʻquv qoʻllanmalar, dasturlar, elektron darsliklar.

 

         Universitetda xorijlik hamkorlar bilan birgalikda oʻquv-uslubiy ishlarda hamkorlik qilishga ham e`tibor qaratilmoqda. Masalan, "Iqtisodiy ta`lim va turizm" kafedrasi bilan Ispaniyaning Valensiya politexnika universiteti "Turizm" kafedrasi va Gretsiyaning Saloniki texnologik ta`lim instituti "Turizm" kafedrasi oʻrtasida oʻrnatilgan hamkorlik doirasida ushbu kafedralardan oʻquv jarayonida foydalanish uchun 50 dan ortiq nomda elektron oʻquv-uslubiy adabiyotlar qabul qilib olindi. Ushbu manbalardan oʻquv jarayonida foydalanilmoqda.

         Pedagogika fakulteti professor-oʻqituvchilari tomonidan Rossiyaning bir qator OTMlari vakillari bilan hamkorlikda psixologiya va pedagogika yoʻnalishlarida darslik va oʻquv qoʻllanmalar yaratilmoqda.

 

         6.      Xorijiy davlatlar bilan hamkorlik qilish boʻyicha Vazirlar Mahkamasining qarorlari, bayonnomalari, tadbirlar rejalari asosida amalga oshirilgan ishlar.

 

         Vazirlar Mahkamasining tegishli qaror, bayonnoma va tadbirlar rejalari asosida bir qator ishlar amalga oshirilmoqda. Ushbu hamkorlik aloqalari asosan Tempus loyihalari doirasidagi hamkor OTMlar bilan oʻrnatilgan boʻlib, oʻzaro ilmiy va oʻquv-uslubiy yoʻnalishlarda ishlar olib borilmoqda. Hamkor OTMlarning asosiy qismi Markaziy Osiyo universitetlaridan boʻlib turibdi.

 

 

 

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech