Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

"Innovatsion g‘oyalar" ko‘rik tanlovi g‘oliblari

Buxoro davlat universitetida "Fan, ta’lim va ishlab chiqarish integratsiyasi" mavzusida ilmiy-amaliy seminar va "Innovatsion g‘oyalar" hududiy ko‘rik-tanlovi o‘tkazildi. Universitet yosh olimlari va iqtidorli talabalari quyidagi yo‘nalishlarda o‘zlarining innovatsion g‘oyalari, ishlanmalari va loyihalari bilan ishtirok etdilar.

 

- Energetika, energiya va resurs tejamkorligi, muqobil energiya manbalarini yaratish va rivojlantirish yo‘nalishi bo‘yicha Fizika-matematika fakulteti talabalasi Bexruz To‘xtaev o‘zining "Quyosh oshxonasi" va "Zamonaviy soyabon" ishlanmalari bilan hamda Fizika kafedrasi yosh olimi Salim Ibragimov "Quyosh energiyasidan samarali foydalanish, teplitsa (issiqxona) qurilmasini loyihalash" mavzulari bilan ishtirok etib faxrli 1-2-o‘rinlarni egalladi.

- Axborot va axborot kommunikatsiya texnologiyalarini rivojlantirish yo‘nalishida Fizika-matematika fakulteti talabasi Samandar Ibragimov o‘zining "English" dasturi bilan ishtirok etib, faxrli 1-o‘rinni egalladi.

- Qishloq xo‘jaligi, biotexnologiya, ekologiya va atrof-muhit muhofazasi yo‘nalishida Tabiiy fanlar fakulteti 2-bosqich magistranti Elbek Jalolov o‘zining "Baliq mahsuldorligini oshirishda mikroskopik v yuksak suv o‘simliklaridan foydalanish biotexnologiyasi" mavzusidagi innovatsion loyihasi bilan ishtirok etib faxrli 1-o‘rinni egalladi.

-Kimyo texnologiyasi, oziq-ovqat sanoati, tibbiyot va farmakologiya yo‘nalishi bo‘yicha Tabiiy fanlar fakulteti talabasi Bobir Olimov o‘zining "Kraxmalni elektrokimyoviy oksidlash texnologiyasi" mavzusidagi innovatsion loyihasi bilan ishtirok etib, faxrli 1-o‘rinni egalladi.

G‘oliblar universitet tomonidan faxriy yorliq bilan taqdirlandilar.

Top
BuxDU ATM tomonidan ishlab chiqildi.
Click to listen highlighted text! Powered By GSpeech