Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Turizm fakulteti talabalarining Birjaga qiziqarli va mazmunli tashrifi…

2018 yil 17-may kuni universitetimizning Turizm fakulteti 3-1XS-15 guruh talabalari va iqtisod kafedrasi o’qituvchisi D.Narziyeva boshchiligida O’zbekiston Respublikasi tovar - xomashyo birjasi Buxoro filialiga tashrif  buyurishdi. Ushbu tashrif chog’ida universitet talabalarini  Tovar-xomashyo birjasi elektron savdolar bo’yicha mutaxassis SafarovA.S. kutib oldi va yoshlar bilan mazmunli suhbat olib bordi.

O’zbekiston Respublikasi tovar - xomashyo birjasi aksiyadorlik jamiyati 1994 yili aprel oyida Adliya Vazirligi tomonidan ro’yxatdan o’tkazilgan va hozirgi kunda Markaziy Osiyodagi eng yirik savdo maydonchasi, hamda MDH mamlakatlari ichida izchil rivojlanayotgan xomashyo birjasi hisoblanadi. Tovar birjasi doimiy joyi va ish vaqtiga ega bo’lgan belgilangan tovar yoki tovarlar majmui bilan savdo qiladigan muntazam faoliyat ko’rsatuvchi bozorni ifodalaydi. Birja – bozor mexanizmining tarkibiy qismi bo’lib, u talab va taklif real nisbatini aniqlaydi, muvozanatli narxlarni shakllantiradi va ulgurji bozorga yo’naltiradi.

3-1XS-15guruh  talabalari aynan O’zbekistonda birjalarning iqtisodiyotidagi o’rni, O’zbekiston Respublikasi tovar - xomashyo birjasi Buxoro filialining ish faoliyati va birjalar bo’yicha nazariyadan olingan bilimlarini mustahkamlash maqsadida tovar - xomashyo birjasi Buxoro filialiga tashriflarini amalga oshirishdi.  Tashrif davomida birjaning nizomi, ish jarayoni, savdo maydonchasi  hamda brokelarning ish faoliyati bilan yaqindan tanishishdi. Safarov Aziz talaba yoshlarimizga birjada elektron savdolarning ahamiyati, spot bitimlari, brokerlarning birjadagi asosiy vazifalari, birja savdo maydonchasida amalga oshiriladigan savdolarning ish tartibi haqida batafsil ma’lumot berib o’tdilar. Talaba yoshlarimiz ham o’zlarini qiziqtirgan savollariga to’liq  va aniq javoblarni olishdi. Shu bilan birga birjalarning mamlakatimiz iqtisodiyotidatutgan o’rni, mamlaktimizda eksport salohiyatini oshirishda nechog’lik muhim ahamiyat kasb etishini bilib olishdi. Birja faoliyati bilan tanishuv va Safarov Aziz bilan bo’lgan mazmunli va qiziqarli suhbatdan yoshlarimiz mamnun bo’lishdi va birjaga bo’lgan tashrif muvaffaqiyatli hamda samarali kechdi.  

 

 

 

 

Iqtisod kafedrasi o’qituvchisi

D.M.Narziyeva

Top
BuxDU ATM tomonidan ishlab chiqildi.
Click to listen highlighted text! Powered By GSpeech