Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Ta’lim sohasida korrupsiyani oldini olish bo‘yicha yig’ilish o‘tkazildi

Buxoro davlat universitetida “O‘zbekiston Respublikasi Prezidentining 2017-yilning 09-sentyabrdagi “Maktabgacha ta’lim tizimini tubdan takomillashtirish chora-tadbirlari to‘g’risida”gi PQ-3261-sonli Qarori ijrosini ta’minlashda korrupsiyaning oldini olish” mavzusida joriy yilning 26-fevral kuni yig‘ilish o’tkazildi.

Yig’ilishda Buxoro viloyat hokimi - O‘.I.Barnoev, Buxoro viloyat prokurori -         B.B.Valiev, Buxoro viloyat ichki ishlar boshqarmasi boshlig‘i – Sh.H.Aliev, Buxoro viloyat Bosh imom xatibi - M.Nurullaev, Buxoro viloyatidagi oliy ta’lim muassasalari rektorlari, pedagog-xodimlari va sirtqi bo‘lim talabalari ishtirok etishdi.

Bu tadbir maktabgacha ta’lim muassasalariga pedagog xodimlarni tayyorlashda suiste’molchilik holatlariga yo‘l qo‘ymaslikka bag’ishlanib, oliy ta’lim muassasalari pedagog-xodimlarini ogohlikka chaqirib, nafaqat maxsus sirtqi yoki kasbiy tayyorlov kurslarida, balki ta’limning barcha shakllarida sifatli ta’lim berishda mas’uliyatni oshirishlariga qaratildi.

Buxoro davlat universiteti maxsus sirtqi bo‘lim boshlig’i T.Sobirov maxsus sirtqi bo‘limda maktabgacha ta’lim muassalari uchun yuqori malakali kadrlar tayyorlash holati to‘g’risida fikr bildirdi.

Buxoro viloyat Bosh imom xatibi – M.Nurullaev so‘zga chiqib, dinimizda poraxo‘rlik, ta’magirlik holatlari qoralanishini, bu borada  ko‘plab ziyoli kishilarning fikrlarini keltirib o‘tdi. Shuningdek, Hazrat Bahouddin Naqshbandning nafsni tiyish to‘g’risidagi qimmatli fikrlari turli rivoyatlar bilan bayon qilindi.

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech