Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

O'zbekistondagi OTMlar uchun xorijiy adabiyotlar sotib olinadi

24 may kuni O'zbekiston hukumati qarori bilan mamlakatdagi Oliy ta'lim muassasalari uchun xorijiy o'quv va ilmiy adabiyotlarni xarid qilish bo'yicha chora-tadbirlarni tasdiqladi (pdf).

«Oliy ta'lim tizimi uchun xorijiy o'quv va ilmiy adabiyotlar xarid qilish chora-tadbirlari to'g'risida» deya nomlanuvchi ushbu hujjatda Vazirlar Mahkamasi tomonidan tasdiqlangan ro'yxat bo'yicha 5864 nomdagi adabiyotlarni tender savdolari o'tkazmasdan sotib olish ko'zda tutilgan. 2020 yilgacha olib kiriladigan adabiyotlar bojxona to'lovlaridan (bojxona yig'imlari istisno qilingan holda) ozod qilinadi.

Oliy ta’lim muassasalarning o`quv rejalari tubdan qayta ishlab chiqiladi

O`zbekiston Prezidenti Islom Karimov 26 may kuni 2016/2017 o`quv yilida respublikaning oliy ta’lim muassasalariga o`qishga qabul qilish to`g`risidagi qarorni imzoladi.

Hujjatda 2016/2017 o`quv yili uchun qabul kvotalari belgilangan bo`lib, ular o`tgan yildagi kvotalardan farq qilmaydi: bakalavrlar — 57907 nafar talaba (davlat grantlari bo`yicha — 19120, to`lov-kontrakt asosida — 38787), magistrlar — 5000 nafar (grantlar bo`yicha — 1548, kontrakt asosida — 3452).

Hunarmandchilik va ziravor mahsulotlari namoyishi

Labi Hovuz atrofida tashkil etilgan 200 ga yaqin povilonlarda savdo-sotiq qizg’in pallada. Buyuk ipak yo’lining qadimiy bozorlarini eslatuvchi mazkur do’konlarda nafaqat, yurtimiz ustalari, balki chet ellik hunarmandlar ham bor. Ana shunday xorijiy mehmonlardan biri Hindistonning New Dehli shahridan Santosh Lalni suhbatga tortdik.

Prezidentning yangi o'quv yilida O'zbekistondagi OTMlarga o'qishga qabul qilish to'g'risidagi qarori e'lon qilindi

Respublika iqtisodiyoti tarmoqlari va mintaqalarida talab etiladigan ixtisosliklar bo'yicha yuqori malakali kadrlarni sifatli tayyorlashni ta'minlash, oliy ta'lim muassasalariga qabul qilishda ish beruvchilarning oliy ma'lumotli mutaxassislarga bo'lgan talab-ehtiyojlarini, shuningdek, iqtisodiyotda tarkibiy o'zgartirishlarning maqsadli o'rta muddatli dasturlarini amalga oshirish, tarmoqlarni modernizatsiyalash, texnik qayta jihozlash va diversifikatsiyalashni, mamlakat mintaqalarini kompleks ijtimoiy-iqtisodiy rivojlantirishni hisobga olgan holda o'zaro bog'liqligi va mutanosibligini kuchaytirish maqsadida:

Toshkent shahri va bir qator viloyatlardagi OTMlarda o'quv yili 10 iyungacha yakunlanadi

O'zbekiston respublikasi Oliy va o'rta maxsus ta'lim vazirining 2016 yil 21 may kungi 205-raqamli "O'quv jarayoni grafigiga o'zgartirish kiritish to'g'risida" buyrug'i e'lon qilindi. Unga ko'ra O'zbekiston poytaxti va bir qator viloyatlardagi Oliy ta'lim muassasalarida joriy o'quv mavsumi o'z muddatidan ertaroq yakunlanadi.

"Universiada - 2016" sport musobaqalarining final bosqichi 26 may kuni start oladi

2016 yil 26-29 may kunlari Farg'ona shahrida oliy o'quv yurtlari talabalari o'rtasida – “Universiada – 2016” musobaqalarning final bosqichi bo'lib o'tadi. Unda Toshkent shahri, Qoraqalpog'iston Respublikasi va viloyatlardan jamoalar sportning 15 ta turi bo'yicha bellashadi.

Farg'onada yoshlar festivaliga start berildi

“Osiyo gavhari” deya e'tirof etiladigan Farg'ona viloyatida “Biz – buyuk yurt farzandlarimiz!” shiori ostidagi yoshlar festivaliga start berildi. Oldinda farg'onalik yoshlarni eksklyuziv uchrashuvlar, samarali va mazmunli loyihalar, viktorina va shou-dasturlar kutmoqda.

Alisher Navoiy nomidagi Toshkent davlat o‘zbek tili va adabiyoti universitetini tashkil etish to‘g‘risida

O‘zbekiston Respublikasi Prezidentining farmoni
Har qaysi xalqning ona tili va adabiyoti uning milliy ruhi va o‘zligining, madaniy-ma’rifiy olami, milliy g‘oyasining asosi hisoblanadi. Ma’rifatparvar bobomiz Abdulla Avloniyning “Har bir millatning dunyoda borlig‘ini ko‘rsatadurgan oyinai hayoti til va adabiyotidur. Milliy tilni yo‘qotmak – millatning ruhini yo‘qotmakdur” degan hikmatli so‘zlari ham bu fikrni yaqqol tasdiqlaydi.

Talabalar sport bayramiga taraddud

Farg‘onada Universiada musobaqalariga qizg‘in tayyorgarlik ko‘rilmoqda.
Prezidentimiz rahnamoligida an’anaviy o‘tkazib kelinayotgan uch bosqichli sport o‘yinlari yoshlar o‘rtasida sog‘lom turmush tarzini targ‘ib qilish, ularning har tomonlama barkamol bo‘lib voyaga yetishini ta’minlashda muhim ahamiyat kasb etmoqda. Mazkur noyob tizim xalqaro miqyosda yangi pedagogik texnologiyalar sifatida e’tirof etilib, ko‘plab davlatlar tomonidan katta qiziqish bilan o‘rganilayotir.

Yakuniy quvonarli natija

Yurtimizda yoshlarning iqtidorini qadrlash va yanada kuchaytirish, mavjud iste’dodidan unumli foydalanish eng muhim maqsadlaridan biri hisoblanadi. Xususan talabalar o’rtasida turli xil tanlovlarning tashkil etilishi mazkur maqsadning amaldagi isbotidir.Joriy yilning 1-2 may kunlari Toshkent shahrida oliy ta’lim muassasalari talabalari o’rtasida o’tkazilgan “Ertangi kun bizniki, marra bizniki” shiori ostida tashkil etilgan tanlovning respublika bosqichida Buxoro davlat universiteti nomidan ishtirok etgan talabalarimiz kutilgan yuqori natijalar bilan qaytishdi.

Subkategoriyalar

Top
BuxDU ATM tomonidan ishlab chiqildi.
Click to listen highlighted text! Powered By GSpeech