Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

Barcha e`lonlar

Fuqaro muhofazasidan ko’rgazmali amaliy seminar

2018 yil 27 fevralda Buxoro davlat universiteti bosh yig’ingohida O’zbekiston Respublikasi Oliy va o’rta maxsus ta’lim vazirligining 2018 yil 16 yanvardagi “Vazirlik tasarrufidagi oliy ta’lim muassasalari, O’rta maxsus, kasb-hunar ta’limi hududiy boshqarmalari, kasb-hunar kollejlari va akademik liseylarda fuqaro muhofazasi bo’yicha 2018 yildagi amalga oshirilishi kerak bo’lgan vazifalar to’g’risida”gi 3-sonli buyrug’i shuningdek “Aholi orasida is gazidan zaharlanish hamda tabiiy gazdan chaqnash holatlarining oldini olish borasida profilaktik tadbirlarni yanada kuchaytirish, ularning samaradorligini oshirish chora-tadbirlari” mavzusida professor-o’qituvchilar, ishchi-xodimlar va talabalar ishtirokida ko’rgazmali amaliy seminar o’tkazildi.

Seminarda Buxoro viloyat IIB Yong’in xavfsizligi boshqarmasi boshlig’i o’rinbosari podpolkovnik H.B.Nurillayev, Buxoro shahar Favqulodda vaziyatlar bo’limi boshlig’i mayor G’.H.Safoyev, Buxoro viloyat sog’liqni saqlash boshqarmasi Jamiyat salomatligi va sog’lig’ini saqlashni tashkil etish ilmiy tadqiqot instituti Buxoro mintaqaviy bo’limi mudiri O.Z.Mirzayeva hamda “Buxorogaz” hududiy ta’minoti filiali texnika xavfsizligi va mehnat muhofazasi etakchi muhandisi O.A.Azimovlar qatnashib, seminar rejasida ko’rsatilgan tavsiyalar bilan bir qatorda o’z yo’nalishlari bo’yicha ma’ruza va videoroliklar namoyish qildilar.

Jumladan: Buxoro shahar Favqulodda vaziyatlar bo’limi boshlig’i mayor G’oyibjon Safoyev, Buxoro viloyat IIB Yong’in xavfsizligi boshqarmasi boshlig’i o’rinbosari podpolkovnik Homid Nurillayev, Buxoro viloyat sog’liqni saqlash boshqarmasi jamiyat salomatligi va sog’lig’ini saqlashni tashkil etish ilmiy tadqiqot instituti Buxoro mintaqaviy  bo’limi  mudiri  Osiyo Mirzayeva, shu bilan bir qatorda universitet Yong’in xafvsizligi bo’yicha instruktor Shuhrat Boltayev so’zga chiqib, Buxoro davlat universitetida yong’inlarni oldini olish profilaktikasi bo’yicha amalga oshirilayotgan ishlar to’g’risida to’xtalib ma’lumot berib o’tdi.

Semenar yakunida universitet Fuqaro mudofaasi va mehnat muhofazasi bo’lim boshlig’i Fatillo Boltayev seminarga tashrif buyurgan mutaxassislar va ishtirokchilarga minnatdorchilik bildirdi.

 

 

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech