Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Qo`llanma

1999 yilning 10 iyunida  O`zbekiston Respublikasi Prezidentining “Zulfiya nomidagi davlat mukofotini ta’sis etish bo`yicha takliflarni qo`llab-quvvatlash to`g`risida” gi Farmoni e’lon qilindi.

Farmon mamlakatimizning ilg`or va  iqtidorli, olg`a intiluvchi qizlarining ijtimoiy hayotida katta  hodisa bo`ldi va mukofot mustaqillik bergan nodir imkoniyat sifatida jamiyat hayotida faol kadrlar, etakchi va iqtidorli qizlarning shakllanishiga asos bo`lmoqda.

Zulfiya mukofoti bugun mamlakatimiz qizlarining o`lchoviga, ezgu g`oyalarini amalga oshirish vositasiga  aylandi va iste’dodli qizlarga yo`lchi yulduz kabi yo`l ko`rsatib, ularning intilishlarini yo`naltirmoqda.

 

Zulfiya nomidagi davlat mukofoti 10 yildan buyon iste’dodli  qizlarga  berib kelinmoqda.

O`n yil davomida mukofot sovrindorlarining soni 140 nafarga etdi. Yo`nalishlar bo`yicha tahlillar quyidagicha:

  1. Adabiyot yo`nalishida – 30 nafar;
  2. Madaniyat yo`nalishida – 27 nafar;
  3. San’at yo`nalishida – 26 nafar;
  4. Fan yo`nalishida – 21 nafar;
  5. Ta’lim yo`nalishida – 36 nafar.

 

O`zbekiston xotin-qizlar qo`mitasi qoshida Vazirlar Mahkamasi qarori bilan tasdiqlangan Zulfiya nomidagi davlat mukofoti Respublika komissiyasi jamoatchilik asosida faoliyat yuritadi.

Shuningdek, Qoraqalpog`iston Respublikasi, viloyatlar  va Toshkent shahar xotin-qizlar qo`mitalari va uning tuman-shahar bo`linmalari qoshida ham xududiy komissiyalar tashkil etilgan.

2004 yildan keyin Respublika xotin-qizlar qo`mitasi qoshida faoliyat ko`rsatuvchi Zulfiya nomidagi davlat mukofoti Respublika komissiyasining tarkibiga ikki marotaba o`zgartirish kiritilgan.

 

O`zbekiston Respublikasi Prezidentining 2006 yil 2 fevraldagi  PF-3717 sonli farmoni asosida mukofot Nizomiga o`zgartirish kiritilgan. (Farmonga ko`ra Zulfiya nomidagi davlat mukofoti 25 yoshgacha bo`lgan qizlarga emas, 14 yoshdan 22 yoshgacha bo`lgan qizlarga berilishi maqsadga muvofiq deb topilgan.) (Farmonlar matni mavjud.)

 

Nizomga muvofiq  har yilning avgust-sentyabr oyida tanlovning tuman-shahar bosqichlari, noyabr oyida esa tanlovning  Qoraqalpog`iston Respublikasi, viloyatlar  va Toshkent shahar bosqichlari o`tkaziladi. (Yo`riqnomada belgilangan)

 

Ushbu mukofot nufuzining ortishi, yurtimizdagi iqtidorli

qizlarning safi kengayib borishi ana shu mukofot komissiyalari faoliyatini yuqori saviyada tashkil etishga ham bog`liq. Buning uchun Oliy va o`rta maxsus ta’lim vazirligi, Xalq ta’limi vazirligi, Madaniyat va sport ishlari vazirligi, “Kamolot” Yoshlar ijtimoiy harakati, Yozuvchilar uyushmasi va  boshqa mas’ul tashkilotlar hamkorligini mustahkamlash, iqtidorli qizlarni topishda  komissiya a’zolari mas’uliyatini oshirish  lozim bo`ladi.

         Yuqoridagilarni inobatga olib, ishda foydalanish uchun tayyorlangan ushbu tavsiyalar qo`llanmasi taqdim etiladi.

 

IZOH

 

Ushbu ishda foydalanish uchun tayyorlangan tavsiyalar qo`llanmasidan;

- Zulfiya mukofotini ta’sis etish bo`yicha qabul qilingan hujjatlar;

- nomzodlar hujjatlarini shakllantirish uchun namunalar;

- nomzodlarni saralashda e’tibor qaratilishi lozim bo`lgan mezonlar o`rin egallagan.

Tavsiyalar Zulfiya nomidagi Davlat mukofoti xududiy komissiyalari faoliyatida foydalanish uchun taqdim etilmoqda.

Shuningdek, ushbu tavsiyalar qo`llanmasidan mukofotga xujjatlarni taqdim etish bo`yicha barcha o`quv muassasalaridagi ishchi guruhlar ham foydalanishi mumkin.

  

O`zbekiston xotin-qizlar qo`mitasi qoshidagi

Zulfiya nomidagi davlat mukofoti

Respublika komissiyasi 

 

 

 

Zulfiya nomidagi Davlat mukofotiga nomzodlar hujjatlarini qabul qilish jarayonida talab etiladigan ma’lumotlar ro`yxati

Talab etilayotgan hujjat nomi

Hujjatga qo`yilgan

 talablar

  1.  

Nomzodning 9x12 rasmi ostiga joylashtirilgan batafsil va lo`nda ma’lumot

Ushbu ma’lumot Annotasiya bilan bir xilda bo`lishi lozim. O`zbek va rus tilida.

  1.  

Nomzodning ob’ektivkasi

Hokimlikning kadrlar bo`limidan imzolangan bo`lishi shart.

  1.  

Nomzodning to`ldirilgan So`rovnomasi va Tarjimai holi

Aniq va chiroyli yozuvda nomzod tomonidan to`ldirilishi lozim. So`rovnoma va tarjimai hol blankasi yangi bo`lishi shart.

  1.  

Taqdimnoma (2 ta)

  1. Tuman-shahar hokimi imzosi bilan;
  2. Viloyat hokimi imzosi bilan
    1.  
 

Tavsiyanoma (2 ta)

  1. Nomzodning o`qish yoki ish joyidan. (Umumta’lim maktabi yoki kasb-hunar kolleji va akademik liseylar o`quvchilariga o`rta maxsus va xalq ta’limi boshqarmalari ham tavsifnoma va tavsiyanoma;
  2. Talabalarga Oliy o`quv yurti rektori  imzosi bilan berilishi kerak;
  3. Tuman-shahar, viloyat “Kamolot” YoIH raisi imzosi bilan.
    1.  
 

Tavsifnoma (3 ta)

  1. Nomzodning o`qish joyi rahbari;
  2. Mahalla raisi;
  3. “Kamolot” YoIH raisi imzosi bilan.
    1.  
 

Nomzodning 3 yillik faoliyati bo`yicha Annotasiya

O`zbek va rus tilida

  1.  

Komissiya qarori

  1. Tuman-shahar komissiyasi a’zolari;
  2. Viloyat komissiyasi a’zolari imzolagan bo`lishi lozim.
    1.  
 

Ishchi guruh qarori

  1. Tuman-shahar Ishchi guruhi a’zolari;
  2. Viloyat Ishchi guruhi a’zolari imzolagan bo`lishi lozim.
    1.  
 

Fikrnomalar jamlanmasi

1 nusxa. Har bir fikrnomaning mag`zini olib bir nechta fikrlarning ma’lum qismlari jamlanadi.  

  1.  

Fikrnomalar (5 ta yoki 7 ta.)

 

Nomzod tanlagan yo`nalish mutaxassislaridan olinadi. Masalan: Adiblar, madaniyat xodimlari, ta’lim sohasida yutuqqa erishganlar, san’atkorlar, san’atshunoslar, rassomlar, haykaltaroshlar, olimlar, fan nomzodlari va ilmiy unvon sohiblari.

O`zbek va rus tilida.

  1.  

Taqriz (Ilmiy va badiiy ijod namunalari bo`lsa)

2 ta. Nomzod tanlagan soha vakillari tomonidan yozilgan bo`lishi kerak.

 

  1.  

Nomzodning Faxriy yorliqlari, sertifikatlari, maqtov yorliqlari  ro`yxati va nusxalari

Faxriy yorliqlar nusxasi “Asliga to`g`ri” deb tasdiqlangan bo`lishi lozim.

  1.  

Nomzodning pasporti yoki tug`ilganlik to`g`risidagi guvohnomasidan nusxa.

Pasportning rasmli, seriyalari ko`rsatilgan varaqlari hamda ro`yxatga olingan joy ko`rsatilgan betlari sifatli ko`chirilgan bo`lishi shart.

  1.  

Nomzodning ish va yashash joyidan ma’lumotnoma.

Ro`yxatdan o`tgan, imzolangan va muhrlangan bo`lishi shart.

  1.  

Nomzodning ota-onasining pasportidan nusxa.

Pasportning rasmli, seriyalari ko`rsatilgan varaqlari hamda ro`yxatga olingan joy ko`rsatilgan betlari sifatli ko`chirilgan bo`lishi shart.

  1.  

Nomzodning ota-onasining ish va yashash joyidan ma’lumot.

Ro`yxatdan o`tgan, imzo va muhrlangan bo`lishi shart.

  1.  

Nomzodning fotosu’ratlari

1) 9x12 o`lchamda;

2) 3,5x4,5 o`lchamda

4 donadan. Rasmlarda nomzodlar rasmiy kiyimda, moviy fonda, ortiqcha taqinchoqlar va bo`yoqlarsiz bo`lishi va rasm ramkaga olinmagan bo`lishi kerak.

  1.  

Nomzodning ijodiy ishlaridan namunalar.

Nomzodning yo`nalishiga oid ijodiy ishlari chop etilgan gazeta va jurnallar, badiiy-ilmiy kitoblari, qo`llanmalari, dars ishlanmalari, referatlari... va .h.o

  1.  

San’at yo`nalishining hunarmandchilik sohasida ijod qilayotgan  nomzodning albomi

Milliy hunarmandchilikka, zardo`zlik, kulolchilik kabi yo`nalishlardagi ijodiy asarlarining fotonusxalari jamlangan bo`lishi lozim.

  1.  

Nomzodning faoliyati aks ettirilgan fotoalbom

1 dona

  1.  

Nomzod haqida ma’lumot beruvchi 15 minutlik lavhalar diski

1 dona

  1.  

San’at yo`nalishining qo`shiqchilik, bastakorlik sohasida ijod qilayotgan  nomzodning qo`shiqlari, musiqasi yoki raqslari yozilgan diski

1 dona

  1.  

Zahira nomzodlarning ro`yxati va annotasiyalari komissiyaga taqdim etilishi lozim.

Ularning hujjatlari joylarda tayyorlab qo`yilishi shart.

Zulfiya mukofotiga nomzodlarni saralash va nomzodlar hujjatlarini qabul qilish bo`yicha MEZONLAR

 

  • Oliy va o`rta maxsus ta’limi, Xalq ta’limi tizimlari bilan hamkorlikni mustahkamlash, fan olimpiadalari, xalqaro tanlovlarda, sport musobaqalarida, ayniqsa, sportning badiiy gimnastika, suzish, tennis, engil atletika turlari bilan mashg`ul bo`lgan qizlar, jahoniy miqyosda yutuqlarga erishgan nomzodlarni izlab topish va tanlovdagi ishtirokini ta’minlash;

 

  • Turli tashkilotlar tomonidan berilgan tavsiyalar, tavsifnomalar va hokim taqdimnomalarini yozishda nomzodlar faoliyati va ijodiga ijodiy jihatdan yondoshish;

 

  • Nomzodlarni tanlashda millatlar turli xilligiga e’tibor qaratish.

 

  • Mukofot Nizomida “O`zbekiston  Respublikasining Zulfiya nomidagi Davlat mukofoti maktab, lisey, kollej va oliy o`quv yurtlarida a’lo xulqi, o`qishdagi muvaffaqiyatlari, ijtimoiy faolligi bilan alohida iste’dodini namoyon qilib ta’lim olayotgan, istiqlol g`oyalarini amalga oshirish yo`lida astoydil mehnat qilayotgan 14 yoshdan 22 yoshgacha bo`lgan iqtidorli  qizlarga adabiyot, madaniyat, san’at, fan, ta’lim soxalaridagi hamda jamoatchilik faoliyatidagi alohida yutuklari uchun beriladi” deb ta’kidlangani bois bundan keyin faoliyat yuritayotgan emas, balki, o`quv muassasalarida ta’lim olayotgan (Umumta’lim maktablari, kasb-hunar kollejlari hamda akademik liseylar va Oliy o`quv yurtlarda) iqtidorli qizlarning nomzodini ko`rsatish;

 

  •  Nomzodlarning keyingi 3-4 yillik yutuqlarini, OAV larida e’lon qilingan ijodiy ishlarini taqdim etish;

 

  • Nomzodlarni tanlashda tuman-shahar bosqichidan boshlab xududlar kesimiga, ayniqsa, cheka tumanlar salohiyatiga e’tibor qaratish;

 

  • Nomzodlarning Respublika va viloyat nashrlarida e’lon qilingan ijodiy ishlarini tavsiya etish, shuningdek, nomzodlarning ijodiy ishlarini viloyat, Respublika nashrlari (“Tong yulduzi”, “Sog`lom avlod”, “Turkiston”, “Oila va jamiyat” va boshqa gazetalar, “G`uncha”, “Gulxan”, Saodat”, “Sog`lom avlod” va boshqa jurnallarda) chop etilganligiga ahamiyat berish.

 

  • Adabiyot yo`nalishidagi nomzodlarning Zomin yosh ijodkorlar Respublika seminari hamda “Aqchako`l ilhomlari” adabiy tadbirlaridagi ishtiroki va yutuqlariga e’tibor qaratish;

 

  • Fan va ta’lim yo`nalishidagi nomzodlarning fan olimpiadalari, xalqaro darajadagi yutuqlariga e’tibor qaratish;

 

  • Madaniyat yo`nalishida Respublika  miqyosidagi  madaniy tadbirlardagi va sport musobaqalaridagi xalqaro yutuqlarini inobatga olish;

 

  • San’at yo`nalishidagi nomzodlarning tasviriy va amaliy san’at namunalari ko`rgazmalaridagi keng miqyosdagi ishtirokiga hamda qo`shiqchilik yo`nalishidagilarning xalqaro va Respublika darajasidagi yutuqlariga alohida e’tibor qaratish;

 

  • Barcha xududlardan nomzodlarning rasmiy hujjatlarining rus va o`zbek tilidagi variantlarini taqdim etish.

 

  • Nomzodlarning annotasiyalarida yozilgan yutuqlarini tasdiqlovchi xujjatlarni taqdim etish;

 

  • Nomzodlar faxriy yorliqlarining maktab, mahalla darajasini, a’lo xulqi, paxta yig`im terimidagi faolligi uchun berilganlarini taqdim etmaslik va faxriy yorliqlarda mas’ul tashkilotning muhri, imzolanganligi va sifatiga e’tibor qaratish;

 

  • Nomzodlarning ismi sharifini, tug`ilgan yilini pasporti va guvohnomasida ko`rsatilganidek yozish;

 

  • Nomzodlar ta’lim olayotgan o`quv muassasalari nomini aynan rasmiy yuritilishi bo`yicha to`g`ri yozilishiga e’tibor qaratish;

 

  • Bitta nomzodga rasmiy hujjatlari, faxriy Yorliqlari va ijodiy ishlari uchun alohida 1 dona fayl papka va ijodi hamda faoliyatiga doir bir dona albom taqdim etish;

 

  • Zaxira nomzodlar xujjatlarini ham asosiy nomzodlar xujjatlari kabi mukammal qilib tayyorlash.

Zulfiyaxonim qizi bo`lish - ulkan baxt

Zulfiya. Ayol. Ona. Shoira... U sharqona iffati, nafosati, zehni, g`ururi bilan na faqat sharq ayollarini balki g`arb mamlakatlarini ham lol qoldira olgan ayol. U sadoqatda tengi yo`q, shoiralikda fidoiy, ustozlikda mexrli ayol. Zulfiyaxonimning dardu alamlari she’rlarida aks etgan. O`zbek qizlarining Zulfiyaxonim kabi ulug` martabalarga erishishlarining o`zi bir baxt.

Baxt, umid, ishonch, mexr-muxabbat, vafo, sadoqat, iffat, nafosat o`zbekning go`zal qizlariga xos odatdir. Bularning jami Zulfiya nomidagi davlat mukofotida e’tirof etilgan bo`lib, bunday ulug` nomga ega bo`lish uchun ko`rik-tanlovda ishtirok etish imkoniyati  14 yoshdan 22 yoshgacha  bo`lgan har bir qizda mavjud.

Zulfiya nomidagi davlat mukofoti ta’sis etilishi iste’dodli qizlarimiz uchun yangi, katta maydonlar ochib berdi. 1999 yildan beri 112 nafar iste’dodli dono zukko qizlar bu mukofotga sazovor bo`ldilar. 2007 yil mukofot uchun 5 mingdan ziyod nomzodlar bellashdilar. Viloyat bosqichlarida ishtirok etgan 800 nafar nomzodlardan 70 nafari saralanib, respublika bosqichida ishtirok etish huquqini qo`lga kiritdilar. Ulardan 14 nafariga mukofot nasib bo`ldi. Yildan-yilga ko`rik-tanlovda ishtirok etishni hohlovchilar soni  oshib bormoqda.

Siz ham tanlovda ishtirok etishingiz va o`zingizni sinab ko`rishingiz mumkin.

"Orasta Qizlar" klubining maqsad va vazifalari

Ўзбекистон хотин-қизлар қўмитасининг

 XI-Бошқарув йиғилиши

қарори билан тасдиқланган.

  

ОРАСТА ҚИЗЛАР” КЛУБИНИНГ

MАҚCAД  ВА ВАЗИФАЛАРИ

 

1.Умумий қоидалар.

 

-   Клуб Хотин қизлар қўмиталарининг таркибига киради ва унга бўйсунади.

-  Ўзбекистон Республикаси “Иқтидорли қизлар” клуби ҳамда вилоятдаги туман ва шаҳар хотин-қизлар қўмиталари қошидаги клублар ўз иш фаолияти давомида Ўзбекистон Республикасининг Конституцияси ва қонунларига, Ўзбекистон Республикаси Олий Мажлисининг қарорлари ва бошқа ҳужжатларга, Ўзбекистон Республикаси Президентининг фармон ва фармойишларига, Ўзбекистон Республикаси Вазирлар Маҳкамасининг қарор ва фармойишларига, Ўзбекистон хотин қизлар қўмитасининг Низоми ва Устави, Ўзбекистон хотин қизлар Кенгашининг Устави, шунингдек мазкур Низомга амал қилади.

 

Асосий мақсад ва вазифалари :

 

-                             Асосий мақсад- қизларни иқтисодий, маънавий, ҳуқуқий, психологик

жиҳатдан қўллаб-қуватлаш, уларнинг ҳуқуқларини ҳимоя қилиш, ақлий, маънавий ва интелектуал салоҳиятини юксалтириш, уларни касбга йўналтириш, қизларнинг иш билан таъминланиши ва ҳаётда  ўз ўрнини топишига ёрдамлашиш орқали жамиятдаги мавқеини ошириш.

-                             Клуб Республикада яшаб, фаолият юритаётган Зулфия номидаги давлат

мукофоти соҳибалари, Ниҳол мукофоти совриндорлари, Президент степиндияси совриндорлари, “Келажак овози” танлови ғолибалари, спорт мусабақалари ғолибалари  ҳамда Навоий, Беруний, Ибн Сино, Улуғбек мукофоти соҳибалари ва бошқа йўналишлардаги иқтидорли қизларнинг фаолиятини кенг оммага тарғиб этиш, уларнинг ижодий фаолиятларини қўллаб-қувватлаш, ижтимоий ҳаётдаги иштирокига кўмаклашиш, юртимизда яшаётган ёшларга уларнинг ибратли ишларини намуна қилиб кўрсатиш, мустақиллик ғояларини ёшларга сингдириш мақсадида ташкил этилди.

 

 Асосий вазифалари:

 -қизларнинг ижтимоий-сиёсий фаоллигини ошириш, уларнинг қобилият ва имкониятларини тўлиқ рўебга чиқиришга тўсқинлик қилаетган омилларни аниқлаб, муоммаларни бартараф этишга кўмаклашиш;

-қизларнинг ҳуқуқий саводхонлигини ошириш, уларда ўз манфаатларини қонун йўли билан ҳимоя қилиш кўникмаларини шакллантириш;

-қизларнинг каспий ва интеллеқтуал салохиятини ошириш, айниқса қишлоқ қизларини ижтимоий фаоллигини ошириш, уларнинг хуқуқий онгини юксалтириш;

-ёш қизларнинг дунёқарашини кенгайтириш, билим даражасини ошириш, қизлар орасида юқори малакали кадрлар сонини кўпайтириш мақсадида кўмаклашиш;
 -ўқувчи-талаба қизлар ўртасида олиб бориладиган мафкуравий тарғибот-ташвиқот ишларининг таъсирчанлигини ошириш, дуневий ва маънавий-маърифий тарбияни давр талаблари даражасига кўтариш;

-қизларнинг иқтисодий, маънавий, психологик ҳамда ижтимоий етук бўлиб тарбияланишида ёрдам бериш;

-қизлар ўртасида оилавий хаётга тайёр бўлмай туриб, барвақт турмуш қуришни олдини олиш;

-қизларнинг хуқуқий онги, билим доираси ва маъданий савиясини юксалтириш;

-жойларда қизлар орасида миллий-диний урф-одатларни тўғри тарғиб этиш.

- турли мукофот соҳибаларининг жамиятда тутган ўрнини кенгайтириш, уларни ижтимоий қизғин ҳаётга жалб этиш;

- иқтидорли қизларнинг республикада фаолият кўрсатаётган ёшлар ташкилотлари, Ўзбекистон  ёшларининг«Камолот»  ижтимоий ҳаракати билан узвий алоқаларини мустаҳкамлаш;

- истеъдодли қизларнинг ижодий алоқаларини йўлга қўйиш, уларни ҳамфикр, ҳамнафас қилиш ва ўзаро фикр алмашишларига шароит яратиш;

- Клуб аъзоларининг интилишларини, ғояларини қўллаб- қувватлаш, уларни ўз ижодий имкониятларини намоён этишида моддий ва маънавий рағбатлантиришни таъминлашга қаратилган дастурларни ишлаб чиқиш ва амалга ошириш;

- Республика хотин-қизлар қўмитаси  қошидаги ҳамда таасарруфидаги ташкилотлар ва уюшмалар билан ҳамкорликда тадбирлар ўтказиш, долзарб мавзуларда давра суҳбатлари ташкил этиш;

- Жамоатчилик ўртасида хотин-қизлар манфаатларини ҳимоя қилишда ва уларнинг жамиятдаги мавқеини оширишга эришишда кўмаклашиш;

-  Илмий-амалий, учрашув-семинарларни ташкил этиш;

- Клуб мақсадларини амалга оширишга кўмаклашувчи лойиҳаларни ишлаб чиқиш ва қўллаб-қувватлаш;

- Клубнинг мақсад ва вазифаларини тарғиб қилиш учун Ўзбекистон телерадиокомпанияси билан ҳамкорликда  кўрсатувларни ташкил қилиш;

-  Зулфия мукофоти соҳибаларининг  ижодий ишларини оммавий ахборот воситаларида кенг ёритишда кўмаклашиш, тарғиб этиш.

 

КЛУБНИНГ ФАОЛИЯТИ

 

Республикада яшаб, фаолият юритаётган Зулфия номидаги давлат мукофоти соҳибалари, Ниҳол мукофоти совриндорлари, Президент степиндияси совриндорлари, “Келажак овози” танлови ғолибалари, спорт мусабақалари ғолибалари  ҳамда Навоий, Беруний, Ибн Сино, Улуғбек мукофоти соҳибалари ва бошқа йўналишлардаги иқтидорли қизлар клубнинг аъзолари ҳисобланади.

 

- Клуб Республика хотин-қизлар қўмитаси ва ёшлар ташкилотлари билан ҳамкорликда республика бўйича фаолият кўрсатади:

 

- Клуб ва унинг аъзолари барча ҳаракатлари ва ғояларини амалга оширишда Республика хотин-қизлар қўмитаси кўмагига таянади:

 

- Клубнинг фаолиятини Республика Хотин-қизлар қўмитаси назорат қилади.

  

КЛУБ АЪЗОЛАРИНИНГ

ҲУҚУҚ ВА МАЖБУРИЯТЛАРИ

 

- Клуб томонидан амалга ошириладиган тадбир ва дастурларда иштирок этиш:

- ўз ғоя ва фикрларини эркин билдириш, клуб кўмагига суяниш:

-ўз ижодий ишлари, амалга оширган ғоялари, муваффақиятлари ҳақида маълумотлар бериш:

- клуб фаолиятини кучайтириш учун таклифлар киритиш, фаоллигини ошириш учун қонуний ҳаракатлар олиб бориш:

-жойларда  вилоят ва туман хотин-қизлар қўмиталари билан ҳамкорликда иш олиб бориш:

-яратаётган асарларини клуб  муҳокамасига қўйиш:

-клуб анжуманларида маърузалар қилиш, фикр билдириш:

- жамиятдаги ҳар бир долзарб мавзуга тезкорлик билан фикр айтиш.

 

 

КЛУБНИНГ ИШ РЕЖАСИ

 

           Ҳар йилда клуб режалари ишлаб чиқилади ва Хотин-қизлар қўмиталари раислари томонидан тасдиқланади.

           -режага кўра клуб аъзоларининг асарларини нашрга тайёрлашда, чоп этилишида ёрдам сўраб раҳбариятга мурожаат қилади. Бадиий етук асарларни оммавий ахборот воситаларида ёритилишида кўмаклашади.

           - турли санларда ёшлар ўртасида миллий ғоя моҳиятини тарғиб этадиган тадбирларни ташкиллаштиради.

  - чоп этилган асарлар тақдимотларини ўтказишни ташкиллаштиради.

  - ёшлар билим олаётган масканларда, пахта далаларида, хотин­-қизлар фаолияти қизғин бўлган жойларда адабий-­бадиий, мусиқий тадбирлар ўтказади.

  - Қизлар ҳаётига оид кўрсатувларнинг сuенарийсини ёзилишига кумаклашади, дастурнинг бойитишга таклифлар киритади.

  - ёш тадбиркор қизларнинг зардуз, ҳунарманд қизларнинг ишларини матбуотда ёритади, кўргазмалар ташкил қилади, оммага таништиради.

  - спортни ёшлар ўртасида кенг тарғиб этади. Юртимизнинг машҳур спортчилари билан  учрашувларни уюштиради.

  - ёш қизлар ўртасида тиббий саводхонликни оширишни фаол тарғиб этади.

  - ёш олима қизларнинг илмий-амалий анжуманларини ўтказишда кўмаклашади. Олима қизларнинг ҳаёти ва фаолиятини оммавий ахборот воситаларида ёритади.

 

 

Ўзбекистон Республикаси  қизлар кенгаши

НИЗОМИ

 

1.Умумий қоидалар.

1.1.         Ўзбекистон Республикаси қизлар кенгаши вилоят хотин қизлар қўмитасининг таркибига киради ва унга бўйсунади.

1.2.   Ўзбекистон Республикаси қизлар кенгаши ҳамда вилоятдаги туман ва шаҳар қизлар кенгашлари ўз иш фаолияти давомида Ўзбекистон Республикасининг Конституцияси ва қонунларига , Ўзбекистон Республикаси Олий Мажлисининг қарорлари ва бошқа ҳужжатларга, Ўзбекистон Республикаси Президентининг фармон ва фармойишларига, Ўзбекистон Республикаси Вазирлар Маҳкамасининг қарор ва фармойишларига, Ўзбекистон хотин қизлар қўмитасининг Низоми ва Устави, Ўзбекистон хотин қизлар Кенгашининг Устави, шунингдек мазкур Низомга амал қилади.

 2.     Ўзбекистон Республикаси, Вилоят, туман ва шаҳар қизлар кенгашларининг асосий мақсад ва 

вазифалари :

2.1   Асосий мақсад- қизларни иқтисодий, маънавий, ҳуқуқий, психологик жиҳатдан қўллаб-қуватлаш, уларнинг ҳуқуқларини ҳимоя қилиш, ақлий, маънавий ва интелектуал салоҳиятини юксалтириш, уларни касбга йўналтириш, қизларнинг иш билан таъминланиши ва ҳаетда  ўз ўрнини топишига ёрдамлашиш орқали жамиятдаги мавқеини ошириш.

 

Асосий вазифалари:

-қизларнинг ижтимоий-сиёсий фаоллигини ошириш, уларнинг қобилият ва имкониятларини тўлиқ рўебга чиқиришга тўсқинлик қилаетган омилларни аниқлаб, муоммаларни бартараф этишга кўмаклашиш;

-қизларнинг ҳуқуқий саводхонлигини ошириш, уларда ўз манфаатларини қонун йўли билан ҳимоя қилиш кўникмаларини шакллантириш;

-қизларнинг каспий ва интеллеқтуал салохиятини ошириш, айниқса қишлоқ қизларини ижтимоий фаоллигини ошириш, уларнинг хуқуқий онгини юксалтириш;

-еш қизларнинг дуне қарашини кенгайтириш, билим даражасини ошириш, қизлар орасида юқори малакали қадрлар сонини кўпайтириш мақсадида ешлигидан қизларнинг тўлақонлик ва мукаммал билим олиши учун шарт-шароит яратиш;

-ўқувчи-талаба қизлар ўртасида олиб бориладиган мафкуравий тар\ибот-ташвиқот ишларининг таъсирчанлигини ошириш, дуневий ва маънавий-маърифий тарбияни давр талаблари даражасига кўтариш;

-қизларнинг иқтисодий, маънавий, психологик ҳамда ижтимоий етук бўлиб тарбияланишида ердам бериш;

-қизлар ўртасида оилавий хаетга тайёр бўлмай туриб, барвақт турмуш қуришни олдини олиш;

-қизларнинг хуқуқий онги, билим доираси ва маъданий савиясини юксалтириш;

-ўқишни битирган қизларнинг иш билан таъминланишига кўмаклашиш;

-қишлоқ жойларда яшайдиган қизлар учун ўқув марказлар очиб, уларга хунар ўргатиш;

-мактаб ешидаеқ иқтидорли қизларга алохида эътибор бериш, уларга инъом этилган иқтидорнинг рўебга чиқишида шарт-шароит яратиш;

-со\лом авлодни дунега келтириш ва ваяга етказиш учун бўлажак оналар қизларни жисмоний, маънавий, аҳлоқий баркамол қилиб тарбиялаш;

-қизлар саломатлигини мухофаза қилиш, со\лом оилани шакллантиришга қаратилган чора-тадбирларни амалга ошириш орқали со\лом турмуш тарзини тар\иб этиш, қизлар спортини ривожлантириш;

-жойларда қизлар орасида миллий-диний урф-одатларни тў\ри тар\иб этиш уларнинг ҳар-хил диний экстримистик оқимларга кириб қолишни олдини олиш;

-қизларга нисбатан ишлатиладиган ҳар қандай зўрликнинг олдини олиш уларнинг хуқуқларини химоя қилиш;

-қизларни иш билан таъминлаш, уларнинг иш фаолиятини яхшилаш, корхона ва ташкилотларда уларнинг ижтимоий хуқуқларини химоия қилиш;

-қизларнинг оила ва мактабдаги фаолиятларини ўрганиш, уларни ҳар тамонлама қўллаб-қувватлаш;

-қизлардаги иқтидор қирраларини аниқлаш, иқтидорли ва истеъдодли қизларни ра\батлантириш мақсадида уларни Зулфия номидаги давлат мукофотига номзод сифатида тавсия қилиш.

 

 

 

  1. 3.         Ўзбекистон Республикаси вилоят, туман ва шаҳар қизлар кенгашининг юқори органи

 

3.1.         Ўзбекистон Республикаси, Вилоят, шаҳар ва туман қизлар кенгашларининг юқори органи конференция ҳисобланиб, у икки ярим йилда бир марта чақирилади. Конференция қатнашчилари кенгашнинг жойлардаги бўлимлари томонидан сайланади. Конфренцияни чақириш, унинг кун тартибини ва вакиллик меъери тў\рисидаги қарор конференцияга камида бир ой муддат қолганда эълон қилинади. Навбатдан ташқари конфренция ҳудуд бўйича қизлар кенгаши ташаббуси билан еки қуйи ташкилот аъзолари умумий сонининг камида учдан бир қисмини бирлаштирган қизлар кенгаши бошлан\ич ташкилотининг талабига мувофиқ чақирилади.

3.2     Ўзбекистон қизлар кенгаши конфренцияси:            

-қизлар кенгаши бошқаруви ва тавтиш комиссияси ҳисоботларини тинглайди ва тасдиқлайди.

- Ўзбекистон Республикаси қизлар кенгаши фаолиятининг устувор йўналишларини белгилайди

- Ўзбекистон Республикаси қизлар кенгаши фаолиятига таалуқли бўлган барча масалалар юзасидан қарорлар қабул қилади

-Зарур деб ҳисобланса, вилоят қизлар кенгаши таркибига кирувчи туман ва шаҳар қизлар кенгаши конфренциялари қарорларини кўриб чиқади ва тегишли қарорлар қабул қилади

-қизлар кенгаши уставига ўзгартириш киритиш ҳақидаги таклифларни тасдиқлайди

-вилоят қизлар кенгашининг конференциясига вакиллар сайлайди.

 

3.3 Вилоят,Туман ва шаҳар қизлар кенгаши конференцияси:

-сайланадиган органларнинг ҳисоботларини тинглайди ва тасдиқлайди,

-Республика, вилоят, туман ва шаҳар кенгаши фаолиятининг устивор йўналишларини белгилайди,

-Республика, вилоят,туман ва шҳар қизлар кенгаши бошқарув аъзоларини сайлайди,

-Республика, вилоят, туман ва шаҳар қизлар кенгаши раисини сайлайди,

- Ўзбекистон Республикаси қизлар кенгаши Уставига ўзгартириш киритиш ҳақидаги таклифларни тасдиқлайди,

-Республика, вилоят кенгаш конференциясига вакилларни сайлайди,

-зарур деб ҳисобласа, бошлан\ич ташкилотлар қарорларини кўриб чиқади ва тегишли қарорлар қабул қилади

 

3.4 Вилоят, туман ва шаҳар қизлар кенгаши бошқаруви.

-Уставдаги мақсад ва вазифаларнинг амалий бажарилиши, конференцияда қабул қилинган қарорларнинг бажарилишини таъминлайди, қизларнинг жамиятдаги ўрнини юксалтиришга қаратилган дастурларни ишлаб чиқиш ва ижро этиш, уларнинг ижтимоий, маънавий, касбий ҳамда қонуний ҳуқуқларини ҳимоя қилиш учун шарт-шароит яратади;

-вилоят, туман ва шаҳар қизлар кенгаши раесати фаолиятига раҳбарлик қилади;

-вилоят қизлар кегаши раиси ва унинг ўринбосарларини сайлайди;

-худудий тасарруфга кирувчи туман ва шаҳар бўлинмалари бошқарувлари фаолиятини йўналтиради ва назорат қилади;

-вилоят, туман ва шаҳар қизлар кенгаши раиси ва унинг ўринбосарлари раесат аъзоларини, шунингдек, бошқарувга янги аъзоларни қабул қилиш ва ушбу қарорларни конференцияда тасдиқлаш масаласини кўриб чиқади;

-вилоят, туман ва шаҳар қизлар кенгашлари бошқарув мажлиси раесатининг қарори билан камида ҳар олти ойда бир маротаба чақирилади.

 

4. Ўзбекистон Республикаси, Вилоят, туман ва шаҳар қизлар кенгашларининг молиявий мабла\лари ва мулки .      

      Вилоят, туман ва шаҳар қизлар кенгашининг молиявий мабла\лари ва мулки:

-юридик, жисмоний шахсларнинг хомийлик мабла\лари, Ўзбекистон резидент ва норезидентлар, халқаро ташкилотлар ва нодавлат ташкилотлардан.

-кенгашнинг пул мабла\и ишлаб чиқариш ва жўжалик фаолияти даромадларидан, айрим ташкилот ва фуқораларнинг иҳтиерий хайрияларидан ҳамда иш манфаатларига ва амалдаги қонунларга зид бўлмаган бошқа тушумлардан таркиб топади.

 

5. Тафтиш комиссияси:

5.1 Тегишли вилоят, туман ва шаҳар қизлар кенгаши конференцияси томонидан 3-5 кишидан иборат таркибда сайланади.

 

6. Ўзбекистон Республикаси қизлар кенгашининг фаолиятини тугатиш.

6.1 Ўзбекистон Республикаси қизлар кенгаши фаолияти уларнинг конференцияси қарори бўйича еки қонунда белгиланган тартибга кўра суд қарори билан тугатилади.

6.2. Ўзбекистон Республикаси қизлар кенгашларининг фаолияти тугатилган тақдирда унинг мол-мулки унинг конференцияси қарори билан Уставда ва Низомда кўрсатилган мақсадлар ва вазифаларни бажаришга сарфланади.

 

Zulfiya nomidagi Davlat mukofoti komissiyasi to`g`risida Nizom

№ 4.

 

Ўзбекистон Республикаси

Президентининг 1999 йил 10 июндаги

ПФ-2326-сон Фармонига

2-ИЛОВА

 

 

Зулфия номидаги Давлат мукофоти

комиссияси тўғрисида

низом

 

1. Ўзбекистон Республикаси Хотин-қизлар қўмитаси қошидаги Зулфия номидаги Давлат мукофоти комиссияси (бундан кейин "Комиссия" деб аталади) адабиёт, санъат, фан, таълим, ишлаб чиқариш ва бошқа соҳалардаги энг нуфузли арбоблардан, ижодий уюшмалар ва жамоат ташкилотлари ҳамда маданият муассасаларининг таниқли вакилларидан ташкил топади ва унинг таркиби ҳар тўрт йилда учдан икки қисми янгиланиши назарда тутилган ҳолда тасдиқланади. Мазкур комиссия аъзолари жамоатчилик асосида ишлайдилар.

2. Комиссия ишига Ўзбекистон Хотин-қизлар қўмитасининг раиси раҳбарлик қилади.

3. Комиссияга Зулфия номидаги Давлат мукофотини олиш бўйича таклифларни ушбу мукофот тўғрисидаги низомга қатъий мувофиқ ҳолда кўриб чиқиш ва Ўзбекистон Республикаси Вазирлар Маҳкамаси қарори учун зарур бўлган таклифларни тайёрлашга доир барча ишлар юкланади.

4. Комиссия:

а) Зулфия номидаги Давлат мукофотига тавсия этилган талабгорларнинг ҳужжатларини қабул қилади;

б) талабгорлар рўйхати, уларнинг ибратли фаолиятлари, асарлари ҳақидаги маълумотларни тавсия этган ташкилотларни кўрсатган ҳолда, мукофот берилишидан икки ой олдин республика оммавий ахборот воситаларида эълон қилади;

в) Давлат мукофотига тавсия этилган талабгорларнинг фаолияти, асарларининг жамоатчилик томонидан кенг ва ошкора муҳокама қилинишини ташкил этади, уларнинг жамоатчилик ва мутахассислар томонидан холисона баҳоланишига кўмаклашади;

г) Давлат мукофоти юзасидан тушган таклифларни ўрганиб чиқиб, мукофотларни бериш тўғрисидаги қарорларини Вазирлар Маҳкамасига тақдим этади;

д) Давлат мукофоти совриндори ёрлиқларини, фахрий нишонларини расмийлаштиради ҳамда уларни топширишни ташкил этади, шунингдек, мукофотлар пулини тўлашни амалга оширади.

5. Комиссияга қуйидаги ҳуқуқлар берилади:

а) Давлат мукофотига тавсия этилган талабгорларнинг фаолияти, асарларини олдиндан кўриб чиқиш, улар юзасидан хулосалар тайёрлаш учун пул тўлаш йўли билан мутахассис-экспертларни таклиф этиш;

б) Давлат мукофотини олишга тавсия этилган талабгорларнинг ибратли фаолиятлари ва ижодий ишларига доир материаларни тегишли ташкилотларга экспертларнинг кўриб чиқиши учун юбориш;

в) мукофотга тавсия этилган талабгорларнинг фаолияти ва ижоди билан жойларда танишиш учун комиссия аъзоларини, экспертлар ёки эксперт комиссияларини Қорақалпоғистон Республикаси ва вилоятларга юбориш.

 

 

Зулфия номидаги Давлат мукофоти комиссияси ишчи гуруҳларининг

Н И 3 О М И

Зулфия номидаги Давлат мукофоти комиссияси мукофотга тақдим этилган талабгорлар фаолияти, асарларини ўрганиш ва таҳлил қилиш учун соҳалар бўйича ишчи гуруҳини ташкил этади.

Ишчи гуруҳи маслаҳат органи ҳисобланади ва тавсиянома ишлаб чиқади. Ишлаб чиқилган тавсиянома комиссия йиғилишида кўриб чиқилади.

Ишчи гуруҳи аъзолигига комиссиянинг шу соҳалар бўйича мутахассислари, шунингдек, адабиёт, санъат, фан, маданият ва таълим соҳалари бўйича атоқли арбоблар, олимлар, йирик мутахассислар киритиладилар.

Тартибга кўра ишчи гуруҳи аъзолари ҳар 4 йилда 2—3 кишигача янгиланади, Ишчи гуруҳига комиссия раҳбарлик қилади.

Агар ишчи гурухи аъзоси мукофотга даъвогар бўлса, у гуруҳ фаолиятида иштирок этмайди.

Давлат мукофотига тавсия этилган талабгорлар фаолияти, уларнинг асарлари атрофлича ва ҳаққоний муҳокама этилади. Ҳар бир номзод бўйича ишчи гуруҳи томонидан чиқарилган хулоса ва якуний фикр Зулфия номидаги Ўзбекистон Республикаси давлат мукофоти Низомига мувофиқ бўлиши шарт.

Зулфия  номидаги  Ўзбекистон   Республикасининг  давлат мукофоти:

мактаб, лицей, коллеж ва олий ўқув юртларида аъло хулқи, ўқишдаги муваффақиятлари, ижтимоий фаоллиги билан ёрқин истеъдодини намоён қилиб таълим олаётган, истиқлол ғояларини амалга ошириш йулида астойдил меҳнат қилаётган 14 ёшдан 22  ёшгача бўлган иқтидорли қизларга адабиёт, санъат, маданият, фан ва таълим соҳаларидаги ҳамда жамоатчилик фаолиятидаги катта ютуқлари учун берилади.

Ишчи гуруҳи ўз йиғилишига мукофотга тавсия этилган талабгорларнинг фаолияти ва асарлари юзасидан қўшимча маълумот олиш учун вазирликлар, давлат қўмиталари, маҳаллий ҳокимият органлари, ижодий уюшмалар ва жамоат ташкилотлари вакилларини таклиф этиши мумкин. Таклиф этилганлар ишни муҳокама қилиш жараёнида қатнашмайдилар.

Иш икки босқичда кўриб чиқилади. Биринчи босқичда танловда қатнашиш учун номзодлар ва уларнинг ишлари танлаб олинади. Иккинчи босқичда мукофотга лойиқ деб топилган номзодлар аниқланади. Биринчи босқич кенгашида қабул қилиб олинган барча ишларга тегишли хужжат ва аризалар муҳокама қилинади ва ёпиқ овоз бериш йўли билан керакли тавсияномалар тасдиқланади.

Эслатма: 1. Ишчи гуруҳи кворумини аниқлашда унинг хорижий сафарда бўлган аъзоси ҳисобга олинмайди.

2. Ишни танловга тавсия этилганда ишчи гуруҳи аъзоларининг учдан икки қисми овоз олган бўлиши шарт

Комиссиянинг (танловда қатнашиш учун ишлар танлаб олишга бағишланган) биринчи йиғилишида комиссиянинг масъул котиби барча талабларга амал қилган холда  йиғилиш баённомасини расмийлаштиради. Баённомада тақризчиларнинг қисқа хулосаси, танловга қатнашишга қўйилмаган ишлар юзасидан ишчи гуруҳининг қарори, ишчи гуруҳда овоз бериш натижалари қайд этилади.

Комиссия қароридан кейин ишчи гурухи зарур бўлган ҳолларда ишни қўшимча тақризга бериши ва ўқув муассасаларидан қўшимча маълумотларни олиши мумкин.

Иш жамоатчилик мухокамасидан ўтгандан кейин комиссия фаолиятининг иккинчи босқичи бошланади.

Масъул котиб ишчи гурухи рахбари билан биргаликда тавсия этилган талабгорларнинг фаолияти тўғрисида, зарурат туғилган ҳолларда, қўшимча маълумотлар тўплайди, тавсия этилган асарларни олдиндан кўриб чиқиш, улар юзасидан хулосалар тайёрлаш учун пул тўлаш йўли  билан мутахассис - экспертларни таклиф этади. 0

Давлат мукофотини  олишга  тавсия  этилган  талабгорларнинг  ибратли фаолиятлари ва ижодий ишларига доир материалларни тегишли ташкилотларга    экспертларнинг кўриб чиқиши учун юборади. Шунингдек, мукофотга тавсия этилган талабгорларнинг фаолияти ва ижоди билан жойларда танишиш учун комиссия аъзоларини, экспертлар ёки эксперт комиссияларини Қорақалпоғистон Республикаси ва вилоятларга юборади.

Шундан кейин ишчи гурухи иш юзасидан матбуотда эълон қилинган мақолалар (тақризлар) натижасига кўра комиссияда тўпланган материаллар асосида комиссиянинг якуний мажлисини ўтказади. Комиссия яширин овоз бериш йўли билан танловда қатнашган ишлардан энг сараларини (ишчи гурухи жаъми аъзолари тўртдан уч қисмининг овозини олганларини) Давлат мукофоти учун танлаб олади. 

Zulfiya nomidagi Davlat mukofoti uchun taqdim etish Yo`riqnomasi

Узбекистон Республикаси Зулфия номидаги Давлат мукофотига такдим этиш

ЙУРИҚНОМАСИ

1. Зулфия номидаги Давлат мукофотига тавсия этиладиган номзодларга қўйиладиган талаблар:

Зулфия номидаги Давлат мукофоти мактаб, лицей, коллеж ва олий укув юртларида таълим олаётган, аъло хулқи, олийжаноб инсоний фазилатлари,   зукколиги,  донолиги,  ташаббускорлиги,   ўқишдаги муваффақиятлари, ёрқин истеъдодини намойиш қилиши билан бирга истиқлол ғояларини амалга ошириш йўлида фидокорона меҳнат қилаётган 14 ёшдан 22 ёшгача бўлган иқтидорли қизларга адабиёт, санъат, маданият, фан ва таълим соҳаларида эришган катта ютуқлари учун берилади.

Зулфия номидаги Давлат мукофотига талабгорлар ўзининг ватанпарварлиги,   сиёсий-ижтимоий   ва   маънавий   етуклиги (Президентимиз асарлари, мамлакатимизнинг ички ва ташқи сиёсати ҳақида, истиқлол мафкураси асосида эркин фикр юрита билиши), Ватанимиз тарихи, миллий алломаларимиз ва жаҳон маданияти меросини яхши эгаллаганлиги билан ажралиб туриши лозим.

2. Зулфия номидаги Давлат мукофоти номзодларининг асарларига қўйиладиган умумий талаблар:

номзоднинг илмий-ижодий ишлари ўзининг янгилиги, илмий-амалий аҳамияти, бадиий қиммати билан алоҳида ажралиб туриши, халқимиз маънавиятини юксалтириш, мустақиллик ғояларини амалга ошириш, жамиятимизда олиб борилаётган ижтимоий, иқтисодий, маданий ва маърифий ислоҳотлар мохиятини очиш, мамлакатимиздаги ижтимоий ва маданий ҳаётни янада яхшилаш масалаларини ҳал этишга қаратилган бўлиши лозим;

тавсия этилаётган ишларни баҳолашда уларнинг Ватанимиз ёки чет элларда чоп этилганлиги, етакчи мутахассислар томонидан юқори баҳоланганлиги, жамоатчилик томонидан эътироф этилганлиги инобатга олиниши лозим. Шу жумладан:

Адабиёт соҳасида:

барча жанрлар бўйича мукофотга тавсия этилаётган асарлар ғоявий- бадиий жиҳатдан юксак бўлиши, муаллиф дунёқарашининг  ўзига хослиги, бугунги воқеликда рўй бераётган улкан ижобий ўзгаришларни тасдиқлашга  қаратилганлиги, шунингдек, оригинал бадиий-эстетик изланишлари билан ажралиб туриши керак.

Санъат соҳасида:

 

номзоднинг бадиий, илмий, ижодий асари (рассом, хайкалтарош, амалий безак устаси, дизайнер, бастакор яратган бадиий асар, санъатшунос, меъморчилик лойиҳаси, актёр яратган роллар, номерлар, телекўрсатув, радиоэшиттиришлар ва х. к.) долзарб муаммога бағишланган юксак маҳорат билан ижро этилган, танланган соҳада янгилик кашф этиш даражасида бўлиши ҳамда  қадриятларни мустаҳкамланишига хизмат қилиши керак;

бадиий асар, ижрочилик, кино, театр, томоша, рақс соҳасидаги ишлар ёки санъатшунослик илмий ишларини баҳолашда уларнинг Ватанимиз ёки чет элларда чоп этилганлиги, кўргазмаларда намойиш этилганлиги, ўзбек ва жаҳон халқларининг тарихий образларини бетакрор маҳорат билан ижро этилганлиги инобатга олиниши лозим. Шунингдек, амалиётчи ижодкорлардан 2 та тақриз (соҳасига қараб) бўлиши лозим. Тақризда мукофотга қўйилган асарнинг амалий аҳамияти, янгилиги ва долзарблиги ўз аксини топиши керак.

Жумладан:

Театр, кино ва телевидение учун яратилган асарлар соҳасида:

барча жанрларда яратилган асарлар, ижро этилган роллар юксак бадиий даражада яратилиши, мустақиллик ғояларини акс эттириши, ёшларни Ватанга садоқат руҳида тарбиялашга хизмат қилиши ҳамда жамоатчилик эътирофига сазовор бўлиши лозим.

Тасвирий, амалий, безак, дизайн ва меъморчилик санъати соҳасида:

санъатнинг ҳамма турлари ва жанрлари бўйича мукофотга тавсия этилаётган асар ғоявий-бадиий жиҳатдан етук бўлиши, муаллиф дунёқарашининг ўзига хослиги, унинг воқеликка оригинал бадиий эстетик муносабати билан ажралиб туриши керак.

Санъатшунослик бўйича:

санъат тарихи, назарияси ва бадиий танқидчилик борасидаги тавсия этилган асарлар, телерадиосценарийлар, ижод ёки санъат турлари ва жанрларининг бирор бир соҳасининг етук асарлари бўлиши лозим.

Профессионал бастакорлик маҳорати бўйича:

 кичик камер асарлар, вокал, йирик симфоник асарлар, замонавий эстрада қўшиқлари, кино ёки театр учун ёзилган мусиқа, болалар учун қўшиқлар тақдим этилиши мумкин. Улар клавир ёки партитура ноталари ва видео тасмаларга олинган ҳолатда комиссияга такдим этилади.

 

Профессионал концерт ижрочилиги бўйича:

миллий-анъанавий қўшиқчилик маҳорати;

миллий замонавий эстрада  қўшиқчилиги маҳорати;

миллий чолғуларда (най, дутор, рубоб, доира, чанг ва ҳ.к.) профессионал ижрочилик маҳорати;

ғарб чолғуларида (пионино, скрипка, альт, виолончель, флейта) ғарб классик ва замонавий ўзбек композиторларининг асарларини ижро этиш маҳорати;

Фан соҳасида:

такдим этилаётган иш замонавий, илмий муаммоларни ҳал этишга бағишланган ёки халқимизнинг маънавий меросини ўрганишга қаратилган янгилик, кашфиёт, илмий ишланма ёки илмий асар бўлиши шарт;

ишчи гуруҳи иккинчи босқичда танланган илмий ишларга учта етакчи мутахассис-олимларнинг тақризларини олади;

ишнинг долзарблигига оид қуйидаги кўрсаткичлар  ўз аксини топган бўлиши лозим;

     илмий кашфиёт, ишланма ёки мақоланинг назарий қиммати;

    асарнинг амалий аҳамияти;

    ишланманинг патентлашга лаёқатлилиги;

    ишланманинг иқтисодий самара бериши, илмий асосланганлиги;

    санъатшунослик ёки адабиётшунослик соҳасидаги илмий ишлар;

    кутубхоначилик соҳасидаги илмий ишлар.

Таълим соҳасида:

аъло хулқи, маънавий гўзаллиги ва ўқув жараёнидаги кўрсаткичлари билан барча педагогик жамоа ҳамда ота-оналар ўртасида ҳурмат-эътибор қозонган;

таълим, адабиёт ва санъат соҳасида алоҳида истеъдодини намоён қилган (турли кўрик-танловлар, вилоят, республика ва жаҳон фан олимпиадалари қатнашчилари, журналистика бўйича мақолалари, шеър ёки ҳикоялари республика, вилоят матбуотида босилган);

маънавий ахлоқий жиҳатдан пок, ватанпарвар, юқори маданий ва маърифий савияга эга бўлган, миллий урф-одатларимиз ва қадриятларимизни эъзозлаган, тарихимизни эса яхши билган;

“Ўзбекистон — Ватаним маним” ғоясини мадҳ этувчи, бунёдкор, меҳнаткаш халқимизни улуғловчи, инсонлар қалбида муқаддас Ватан тупроғини асраб авайлаш, зарур бўлса жон фидо қилишга ундовчи ғояларни амалга оширишда ўзининг муносиб ҳиссасини қўшиб келаётган;

зукколиги, донолиги, ташаббускорлиги ҳамда истеъдодини яна бошқа бир йўналиш бўйича кўрсата олган бўлиши лозим.

Маданият соҳасида:

Зулфия номидаги Давлат мукофоти маданият соҳасидаги муассасаларда хизмат қилаётган ходимларга жамоат ишларидаги муваффақиятлари, мустақиллик мафкурасини, истиқлол ғояларини жамоатчилик ўртасида тарғиб қилиш ва амалга ошириш йўлида астойдил меҳнат қилаётган ҳамда элига, юртига садоқатли қизларга берилади.

мукофотга оммавий сайл, фестивал ва бошқа тадбирлар сценарийларини ишлаб чиққан, маданият ва истироҳат боғларида ўтказиладиган  тадбирларни юксак даражада  ташкил этадиган шунингдек, халқ ижодиёти ва ҳунармандчилиги ривожига муносиб ҳиссасини қўшиб келаётган хотин-қизлар тавсия қилинади.

3. Танлов ўтказиш босқичлари:

1  босқич (сентябрь)

мактабларда ўтказилиб, мактаб педагогика кенгашларининг тавсиясига биноан, номзодларнинг ишлари туман, шаҳар, вилоят халқ таълими бошқармаларига тақдим этилади;

лицей  ва  коллежларда  ўтказилиб,  шу  муассасаларнинг педагогика кенгашлари тавсиясига биноан, номзодларнинг ишлари вилоят бошқармаларига топширилади;

 

олий ўқув юртларида ва илмий-тадқиқот муассасаларида ўтказилиб, шу ўқув юртлари ва муассасалари илмий кенгашлари тавсиясига биноан, номзодларнинг ишлари вилоят комиссияларига топширилади;

корхона, ташкилот ва бошқа муассасаларда ўтказилиб, шу муассасаларнинг раҳбар органлари тавсиясига биноан, туман, шаҳар, вилоят бошқармаларига топширилади.                   

                2 босқич (октябрь-ноябрь)

вилоят халқ таълими бошқармаси, ўрта махсус  бошқармалари, олий ўқув юрти, илмий тадқиқот муассасалари илмий кенгашлари ва вилоят бошқармалари тавсиялари асосида номзодларнинг ишлари вилоят комиссиясида кўриб чиқилади;

вилоят оммавий ахборот воситаларида номзодлар, уларнинг фаолияти, эришган ютуқлари ёритиб борилади;

номзодларнинг ишлари вилоят комиссияларида кўриб чиқилади ва ҳар бир йўналиш бўйича 1 тадан, жами 5 номзод танлаб олиниб, Республика комиссиясига такдим этилади.

               3 босқич (декабрь-январь)

Республика   комиссияси   Қорақалпоғистон   Республикаси, вилоятлар ва Тошкент шаҳридан тақдим этилган номзодларнинг ишларини кўриб чиқади;

Республика оммавий ахборот воситаларида номзодлар, уларнинг фаолияти, эришган ютуқлари ёритилиб борилади;

Республика   комиссияси   Қорақалпоғистон   Республикаси, вилоятлар ва Тошкент шаҳаридан биттадан номзодни танлаб олади ва Вазирлар Маҳкамасига тавсия этади.

4. Хужжатларни тақдим этиш ва расмийлаштириш тартиби:

Адабий-бадиий, илмий ишлар қўлёзмаси икки нусхада, 50 саҳифагача бўлган ҳажмда, тасвирий санъат асарлари шу асарлардан олинган фотосуратлар шаклида, мусиқа ва ижрочилик ишлари эса, 20 минутдан кам бўлмаган ҳамда аудио ёки видео тасмаларга ёзилган ҳолда тақдим этилади;

хорижий тилларда чоп этилган асарлар ўзбек тилига таржима қилинган ҳолда кўриб чиқилади;

ҳар бир иш Қорақалпоғистон Республикаси, вилоятлар ва Тошкент шаҳар комиссияларининг хулосалари ва раҳбар ташкилотлар қарори билан юборилади. Қарорда муаллифнинг исми, фамилияси ва отасининг исми, агар бўлса, адабий тахаллуси, асарнинг номи, қисқача баёни, кенг жамоатчилик томонидан эътироф этилганлиги ҳақидаги маълумотлар,   мукофотга   тақдим   этиш   асослари,   муҳокама қатнашчиларининг хулосалари кўрсатилиши ва қарорга матбуотда эълон қилинган тақризлар илова қилинган бўлиши керак;

қарор раислик қилувчи ва котиб томонидан имзоланган бўлиб, раҳбар ташкилот муҳри билан тасдиқланади;

Шунингдек, Республика комиссиясига қуйидаги хужжатлар ҳам тақдим этилади:

номзоднинг шахсий варақаси, таржимаи ҳоли, 12х9 (3х4) ўлчамдаги фотосуратлари ва ўз фаолияти давомида олган рағбатномалари рўйхати;

доимий ўқиш ёки хизмат жойидан берилган, мазкур ташкилот раҳбари томонидан имзоланган, муҳр билан тасдиқланган ижодий ва ижтимоий-сиёсий тавсифнома;

асар ҳақида матбуотда эълон қилинган тақриз ва билдирилган фикрлар.

5. Совриндорлар руйхати оммавий ахборот воситаларида эълон қилинади. Уларга мукофотланганлик ҳақидаги Диплом, кўкрак нишони ва пул мукофоти Халқаро хотин-қизлар куни арафасида тантанали вазиятда топширилади.

6. Республика комиссиясига тавсия этиладиган ишлар

Қуйидаги манзилга жўнатилиши керак: Индекс 700078 Тошкент шаҳар, Навоий кўчаси, 30-уй, Ўзбекистон хотин-қизлар Қўмитаси қошидаги Зулфия номидаги Давлат мукофоти комиссияси.

 

 

 

 

 

 

                                

Subkategoriyalar

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech