Loyiha ishida ishtirok etish uchun tanlov eʻlon qilinadi
Welcome to Buxoro davlat universiteti rasmiy web-sayti   Click to listen highlighted text! Welcome to Buxoro davlat universiteti rasmiy web-sayti Powered By GSpeech

E`lonlar

Vengriya Hukumati talabalar magistrlar, doktorantlar va OTM ma’muriyati xodimlar uchun grant dasturini e’lon qildi. Grant mablag‘lari 2019/2020 o‘quv yilidan boshlab ajratiladi hamda unga o‘qish va...
BatafsilElonlar  

Loyiha ishida ishtirok etish uchun tanlov eʻlon qilinadi

Universitetimizda 2018-yilgi tanlov natijalariga koʻra, Yevropa Komissiyasining Erasmus+ dasturi doirasida yangi, TALENT loyihasi yutib olindi.

Loyihaning toʻliq nomi: TALENT - Establishing Master Programmes in Human Resource Management and Talent Development in Central Asia – Markaziy Osiyoda inson resurslari menejmenti (IRM) va koʻnikmalarni rivojlantirish boʻyicha magistratura dasturlarini tashkil qilish.

Loyiha koordinatori: Bryussel erkin universiteti (Belgiya).

Loyiha hamkorlari: Afina iqtisodiyot va biznes universiteti (Gretsiya), Otto fon Gerike nomidagi Magdebirg universiteti (Germaniya), Bolgariya Fanlar Akademiyasi huzuridagi Bilim va jamiyat ilmiy tadqiqot institute (Bolgariya), Buxoro davlat universiteti, Toshkent xalqaro Vestminster universiteti (Oʻzbekiston), Nazarboyev universiteti, KIMEP universiteti (Qozogʻiston), Qirg’iziston iqtisodiyot universiteti, Markaziy Osiyo Amerikan universiteti (Qirgʻiziston).

Loyiha muddati: 15.11.2018 – 14.11.2021

2019-yilda: 2 yillik IRM magistratura dasturi strukturasi hamda oʻtiladigan 8 ta asosiy fan boʻyicha oʻquv-uslubiy materiallarni shakllantirish.

2020-yilda: IRM dasturlari uchun ruxsat olish va akkreditatsiya jarayonlarini tashkillashtirish.

2021-yilda: Markaziy Osiyodagi hamkor universitetlarning har birida IRM boʻyicha treninglar oʻtkazish hamda darsliklar tayyorlash.

Loyiha doirasida IRM magistraturasining o’quv rejasi ishlab chiqiladi. Oʻquv rejada quyidagi yoʻnalishlarda fanlar boʻlishi nazarda tutilgan:

  • Iqtisodiyot
  • Personalni boshqarish
  • Karyerani rejalashtirish
  • Tashkiliy psixologiya/sotsiologiya
  • Mehnat qonunchiligi, ijtimoiy himoya

Yuqoridagilardan kelib chiqqan holda, loyihaning BuxDUdagi ishchi guruhi shakllantiriladi. Ushbu maqsadda, ishchi guruh uchun nomzodlarning ochiq tanlovi e’lon qilinmoqda.

Ishchi guruh safida mazkur loyihaning samarali amalga oshirilishiga oʻz hissasini qoʻshmoqchi boʻlgan oʻqituvchilar va tadqiqotchilarni loyiha ishtirokchilari tanloviga hujjat topshirishlarini soʻraymiz.

Topshiriladigan hujjatlar:

  • Ma’lumotiga tegishli diplomlar nusxalari;
  • Ingliz tili bilimi haqidagi sertifikat(lar), agar mavjud boʻlsa;
  • Europass shaklida toʻldirilgan CV*
  • Ilmiy ishlari roʻyxati

* Izoh: Europass CV shakllari haqida ma’lumotlarni https://europass.cedefop.europa.eu/europass-documents/curriculum-vitae adresidan olishingiz mumkin.

Hujjatlar 15-fevral kunigacha universitetning xalqaro aloqalar boʻlimida qabul qilinadi.

Ishchi guruh a’zosi vazifalari:

  • Yevropa va Markaziy Osiyo universitetlaridan fan sohalari boʻyicha shakllantiriladigan mualliflar guruhi safida IRM magistraturasi uchun ingliz tilida yuqori sifatli oʻquv-uslubiy materiallarni tayyorlash;
  • Oʻquv-uslubiy materiallarni tayyorlash bilan bogʻliq treninglarda ishtirok etish;
  • Loyihani amalga oshirish davrida qoʻyiladigan tarjima, natijalarni ommalashtirish kabi boshqa vazifalarni bajarish.

Nomzodlarga qoʻyiladigan talablar:

  • Iqtisodiyot, personalni boshqarish, huquq, mehnat qonunchiligi kabi sohalarda kamida magistr diplomiga ega boʻlish;
  • Ingliz tilini kamida B2 darajasida bilish;
  • Oʻquv-uslubiy materiallarni tayyorlash koʻnikmalariga ega boʻlish;
  • Dunyoqarashi keng, zamonaviy texnologiyalarni (kompyuter texnologiyalari, Internet, ijtimoiy tarmoqlar va hokazo) puxta oʻzlashtirgan boʻlish.

 Ishchi guruh a’zolari uchun shart-sharoitlar:

  • Bajarilgan ish hajmiga koʻra loyihada belgilangan miqdorda ish haqi;
  • Yevropa va Markaziy Osiyodagi hamkor universitetlardan tashkil topgan guruhda ishlash orqali xalqaro tajriba toʻplash;
  • Fan yoʻnalishi boʻyicha tuzilgan guruh treninglarida ishtirok etish uchun loyiha hisobidan 1 marta Yevropaga, 1 marta Markaziy Osiyodagi hamkor universitetga 1 haftalik xizmat safari;
  • Loyiha doirasida tashkil qilinadigan IRM magistraturasi kutubxonasi va texnik jihozlaridan foydalanish.

Shuni taʻkidlash joizki, fanlar yoʻnalishlari boʻyicha kichik guruhlar ham tashlik qilinishi, tanlangan nomzod ingliz tilidagi oʻquv-uslubiy materiallarni tayyorlashda ishtirok etib, IRM magistraturasida esa ushbu materiallarning oʻzbek tiliga tarjima qilingan shaklidan boshqa professor-oʻqituvchilar foydalanishi ham nazarda tutilgan.

Tanlovlarda faol ishtirokingizni kutib qolamiz!

Mo`ljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz

Phone:0(365) 221-29-14 

Fax:8(365) 221-27-07

Revkvizitlar

Молия вазирлиги ғазначилиги

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)

ИНН: 201504275

Тулов максадида ФИО (уникал код ёзилади)

 

Xarita

 

Biz ijtimoiy tarmoqlarda

   

 
 
Top
BuxDU ATM tomonidan ishlab chiqildi.
Click to listen highlighted text! Powered By GSpeech