Buxoro davlat universiteti rasmiy web sayti - Turizm taraqqiyoti yo‘lidagi hamkorlik
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

Turizm taraqqiyoti yo‘lidagi hamkorlik

Viloyatimizda turizm sohasi bo‘yicha kadrlar tayyorlash yo‘lida muhim qadamlardan biri qo‘yildi: Buxoro davlat universitetida “BuxDU – Vakayama turizm ta’limi va tadqiqotlari markazi” faoliyat boshladi. Yaponiyaning Vakayama universiteti, respublikamiz Vazirlar Mahkamasi huzuridagi “El-yurt umidi” jamg‘armasi, O‘zbek-yapon markazi hamda uning Buxoro filiali, OAV vakillari ishtirokida mazkur muassasining ochilish marosimi bo‘lib o‘tdi.

Tadbir avvalida BuxDU rektori Abduqobil To‘laganov so‘zga chiqib, Kunchiqar yurtning ta’lim dargohlari, ilm-fan, madaniyat yo‘nalishlaridagi tashkilotlari bilan aloqalar tobora rivojlanayotganini, bunda universitetda o‘n bir yildan buyon samarali faoliyat ko‘rsatayotgan O‘zbek-yapon markazi bo‘limining hissasiga katta ekanligini, qariyb etmish yillik tarixga ega Vakayama universiteti hamkorligida tashkil etilayotgan yangi tuzilma ham o‘zaro munosabatlar rivojida muhim omil bo‘lishini ta’kidladi.

O‘z navbatida, turizm fakulteti dekani Abror Jo‘raev ikki oliy o‘quv yurti aloqalari shu yil aprelda tuzilgan shartnoma asosida olib borilayotgani, o‘tgan vaqt davomida yaponiyalik professor-o‘qituvchilar o‘zbekistonlik talabalarga ma’ruza o‘qish uchun bu erga bir necha bor kelganligi xususida so‘zlab berdi.

Shundan so‘ng Vakayama universiteti vakili Takuya Fuji yapon diyorining jahon miqyosida o‘z o‘rniga ega ushbu bilim maskani rektori tomonidan yo‘llangan tabrik xatini o‘qib eshittirdi. Shuningdek, u mazkur o‘quv dargohi Butunjahon turizm tashkiloti – UNWTO ning TedQual sertifikatiga ega bo‘lgan dastlabki hamda hozirgacha yagona yapon universiteti ekanligini, bu borada to‘plangan boy tajriba BuxDUdagi ta’lim jarayonnida hamda Buxoro vohasining turistik salohiyati yanada oshishida ham qo‘l kelishini ta’kidlab o‘tdi.

Bundan tashqari, O‘zbek-yapon markazi direktori Xiroxiko Takata turizm yo‘nalishida yapon tili va madaniyati kurslarini ochish, zamonaviy o‘quv adabiyotlarini etkazib berish masalalari xususida to‘xtaldi.

Ta’kidlash joizki, birgalikda turizm sohasida tadqiqotlar olib borish, ilmiy-uslubiy yo‘nalishlarda qo‘shma loyihalar, bakalavriat va magistraturada qo‘shma o‘quv dasturlarini amalga oshirish yangi markazning asosiy vazifalari etib belgilangan. Shuning barobarida, ikki universitet o‘rtasida yagona ta’lim dasturi ishlab chiqilib, shu asosda 2019-2020 o‘quv yilidan e’tiboran talabalar qabul qilinishi, kelgusi yildan BuxDUning turizm yo‘nalishida “Barqaror turizm” fani o‘qitilishi ham ko‘zda tutilgan.

Tantanali marosim davomida markaz faoliyatiga doir qator shartnomalar imzolandi. Shuningdek, tadbir ishtirokchilari markazdagi sharoitlar bilan yaqindan tanishdilar. 

BuxDU matbuot kotibi

Mannon Otaboy

Rustam Ibragimov

“Buxoronoma” muxbiri

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech